مستجد ادارة اعمال ، كيف افهم المواد ؟؟

[Haneen :)]

السلام عليكم ورحمة الله وبركاته
انا مستجدة ادارة اعمال وماخده
انقلش 1
عربي 1
مبادئ محاسبه 1
اقتصاد جزئي
مبادئ اداره

حابه اسأل كل ماده كيف اذاكرها فهم ولا حفظ ؟؟ وايش في ممكن يساعدني لها ؟؟ واسلوب اختباراتها مقالي ولا اختياري ولا كيف ؟؟
ياريت تفيدوني عشان اقدر امشي من البدايه مع الاستاذات ومايجي وقت واحس نفسي حايسه

[الهيملي]

وعليكم السلام ورحمة الله وبركاته

الاختبارات موحدة

تقريبا كلها اختياري ماعادا المحاسبة لازم تكتبين

المحاسبة : فهم وأهم شيء تتدربين على كل مسألة وتشوفي الأسئلة فالتست بانك وحليها .

الإنقلش: مافيه شيء واضح بس ركزي على المفردات والقواعد والأشياء العامة زي اللي فالتحضيري .

عربي : كله كلام فاضي اعراب ومبتدأ وخبر وزي كذا أقري الكتاب وإذا تبغي تتأكدي حلي التدريبات والموضوع سهالة .

مبادئ الإدارة : كله حفظ والمادة سهلة وبرضو شوفي التست بانك حقها .



الاقتصاد : دش كلام حفظ وفيه فهم برضو لكن موذيك الصعوبة .


بالتوفيق.

[خآآلد]

بسيطة جدا ..

اللي يبغالها مذاكره وجهد المحاسبه .. لانها بسيطه وتنفهم بس يبغالها واحد مفتح

الباقيات اغلب اختباراتها اختيارات .. الانقلش والعربي من الكتاب

والاقتصاد برضو بسيط بس يبغالها واحد مفتح .. كانت من احلى المواد عندي الاقتصاد الكلي والجزئي

وافتكر الجزئي يتكلم عن العرض والطلب وما الى ذلك واغلبه رسوم بيانيه .. سهله جدا وتنفهم


اما مباديء الاداره اغلب مواد الكليه زيها كلام في كلام .. مالك الا سلايدات وتست بانك ونجاحي في المواد الي على شاكلتها بالحظ



وماقصر الاخ الهيملي

وبالتوفيق

[Haneen :)]

مرا شكراً تسلمو