اذا ما اجتزت اختبار القبول ؟

[asma.]

انا ابغا اتخصص تصميم داخلي و يقولو ما ينقبلو الا 30 بنت ابغا اعرف دحين لو اختبرت و ما قبلوني حيحطوني في تخصص تاني في نفس الكلية ولا كيف ؟لانو انا لو ما انقبلت ابغا كلية ثانية غير الاقتصاد المنزلي

[@SJN_95]

لو ما انقبلتي ما حيحولوكي كلية ثانية لين يخلص الترم
بس التخصص باختيارك تبي تتخصصي ولا تاخدي مواد عامه بس عشان ترفعي معدلك بعدين تحولي كلية ثانيه
ان شالله فهمتي عليا

[asma.]

لا والله ما فهمت :( ايش يعني اخذ مواد عامة ؟ و ليش استنى ترم كامل بعدين احول انا ايش ذنبي ؟ و بعدين انا اذا ما انقبلت ابغا كلية الاقتصاد و الادارة و شفت نتائج التسكين في الدفعة اللي فاتت اظن مكتوب اقل موازنة قبلت 78 يعني انا معدلي اعلى من كدا ما احتاج ارفعو عشان احول و اذا ما كان في مقاعد لما اجي احول ايش اسوي طيب ؟

[BODUR]

*



اذا ما أنقبلتي في الاختبار حتضطري انك تدرسي مواد التربية الفنية ترم عشان يمديكي تحولي.
واستفسرت من نفس الكلية على التويتر.
سؤالي كان :
" اذا اتسكنت في الكلية بس ما أنقبلت في التصميم الداخلي هل حأضطر اني ادرس تربية فنية او آخذ ترم مواد عامة عشان احول لكلية ثانية؟ "
وردّو :
"اذا كنتي مسار علمي ممكن تتخصصين رسم وفنون أو تصميم أزياء، اذا مسار أدبي فقط رسم وفنون وتدرسي جميع مواد المستوى الثالث، ولايقبل دراسة المواد العامة لأجل التحويل"

وترى اسماء المقبولات في الاختبار نزلت تلاقيها على موقع الكلية أو من هِنا " ان شاء الله تكوني منهم "
وللي ما أنقبلوا الحمدلله لسّا ما قفل تحديد الرغبات من الأوديس، فيمديكم تدخلوا تعدلوا رغباتكم.
وبالتوفيق للجميع

[AssmaH]

المشاركة الأصلية كتبت بواسطة bodur * اذا ما أنقبلتي في الاختبار حتضطري انك تدرسي مواد التربية الفنية ترم عشان يمديكي تحولي. واستفسرت من نفس الكلية على التويتر. سؤالي كان : " اذا اتسكنت في الكلية بس ما أنقبلت في التصميم الداخلي هل حأضطر اني ادرس تربية فنية او آخذ ترم مواد عامة عشان احول لكلية ثانية؟ " وردّو : "اذا كنتي مسار علمي ممكن تتخصصين رسم وفنون أو تصميم أزياء، اذا مسار أدبي فقط رسم وفنون وتدرسي جميع مواد المستوى الثالث، ولايقبل دراسة المواد العامة لأجل التحويل" وترى اسماء المقبولات في الاختبار نزلت تلاقيها على موقع الكلية أو من هِنا " ان شاء الله تكوني منهم " وللي ما أنقبلوا الحمدلله لسّا ما قفل تحديد الرغبات من الأوديس، فيمديكم تدخلوا تعدلوا رغباتكم. وبالتوفيق للجميع

اختي ابغا اسالك متى كان موعد الاختبار؟ وهل هاذي الاسماء لدفعة الترم الجاي؟ وكيف تم الاختبار قبل نزول نتايج التسكين ؟

[BODUR]

*

موعد الاختبار كان ١٤ / ٨
والاسماء ايوا حقت الترم الجاي.
والاسماء نزلت قبل التسكين وهذا افضل عشان اللي ما انقبلوا يقدروا يغيروا ترتيب رغباتهم قبل ما يقفلوا التسكين.

[AssmaH]

المشاركة الأصلية كتبت بواسطة bodur * موعد الاختبار كان ١٤ / ٨ والاسماء ايوا حقت الترم الجاي. والاسماء نزلت قبل التسكين وهذا افضل عشان اللي ما انقبلوا يقدروا يغيروا ترتيب رغباتهم قبل ما يقفلوا التسكين.

يا اختي انت لخبطيتي ، الي تتكلمي عنده هو تصميم داخلي الي في كلية التصاميم والفنون مو كلية الاقتصاد المنزلي (واحنا في منتدى الاقتصاد المنزلي)
يختلف تماما وهذا فقط للعلمي ومقره في الفرع الرئيسي اما تبع كلية الفنون للادبي وموقعه الرحاب
بالنسبة لتبع الفرع الرئيسي ما عندي علم انهم اختبروا لسا

[BODUR]

المشاركة الأصلية كتبت بواسطة assmah يا اختي انت لخبطيتي ، الي تتكلمي عنده هو تصميم داخلي الي في كلية التصاميم والفنون مو كلية الاقتصاد المنزلي (واحنا في منتدى الاقتصاد المنزلي) يختلف تماما وهذا فقط للعلمي ومقره في الفرع الرئيسي اما تبع كلية الفنون للادبي وموقعه الرحاب بالنسبة لتبع الفرع الرئيسي ما عندي علم انهم اختبروا لسا

جلّ من لا يسهو