هل في كلية ابن سينا سنه تحضيريه ؟؟؟؟

[Dr~NanoOok]

أول سنة في ابن سينا.. تُعتبر عامة
و وقت لما تسجلي تختاري التخصص اللي تبغيه

لكن كل البنات بمختلف التخصصات يدرسوا مع بعض
يعني أسنان و بشري وصيدله مع بعض

بعدين في سنة تانية حيتخصصوا وكل قسم يدرس لحاله

وبالنسبة للدراسه
ابن سينا مررررررررررره أسهل
وتجيبوا فيها معدل فوق الـ 4,5 بالراااااحة
واذا جبتوا معدل عالي بالترم الأول.. تقدروا تدخلوا من ضمن المنحة
وتسترجعوا فلوسكم اللي دفعتوها

<< وهذا من واقع اتنين من صحباتي في ابن سينا

المشاركة الأصلية كتبت بواسطة ملك بلا مملكه طيب هل من الممكن ان يحول من ابن سينا الى جامعة الملك عبدالعزيز ؟؟ ابغى رد عاااااجل

مرره صعب التحويل منها إلى جامعتنا
و كانوا ياخدوا فقط 5 بنات ويحولوهم

لكن على السنة اللي فاتت.. ما قبلوا ولا أحد من ابن سينا

المشاركة الأصلية كتبت بواسطة مورهفه طيب هل ابن سينا جامعه معترف فيها ولا ...؟؟؟

نعم مُعترف بها

ولكن طبعا شهادتها مو زي جامعة الملك عبدالعزيز في قوتها وفي التوظيف بعد التخرج
<< إلا اذا في واسطة.. فكل شي ينقلب كالعادة !

[زينب بنت محمد]

السلام عليكم ورحمة الله وبركاته
كيف حال الجميع ..
انا مستجده وسجلت بالمنتدى عشان عندي استفسارات
الله يعدكم ويوفقكم الي يعرف يرد عليا لاني جد محتاجه اعرف
استفساري عن كلية ابن سينا
اول شي عندهم سنه تحضيريه ولا لا ؟؟
ايش هيا مواد السنه التحضيرية ؟
انا درست تحضيري في جامعه ام القرى اقدر احول واعادل في كلية ابن سينا ؟؟
كيف وضع السكن في كلية ابن سينا ؟؟
كم رسوم الدراسه لقسم الطب البشري ؟؟
متى يفتح التسجيل لعام 1437 ؟؟
الله يسعدكم ابغا اجوبه جديدة متعلقة بدي السنه


الله يوفق ويسعد كل من يرد عليا

وشششششكرا لكم

[veto*]

المشاركة الأصلية كتبت بواسطة زينب بنت محمد السلام عليكم ورحمة الله وبركاته كيف حال الجميع .. انا مستجده وسجلت بالمنتدى عشان عندي استفسارات الله يعدكم ويوفقكم الي يعرف يرد عليا لاني جد محتاجه اعرف استفساري عن كلية ابن سينا اول شي عندهم سنه تحضيريه ولا لا ؟؟ ايش هيا مواد السنه التحضيرية ؟ انا درست تحضيري في جامعه ام القرى اقدر احول واعادل في كلية ابن سينا ؟؟ كيف وضع السكن في كلية ابن سينا ؟؟ كم رسوم الدراسه لقسم الطب البشري ؟؟ متى يفتح التسجيل لعام 1437 ؟؟ الله يسعدكم ابغا اجوبه جديدة متعلقة بدي السنه الله يوفق ويسعد كل من يرد عليا وشششششكرا لكم

اهلا وعليكم السلام ..
ايوا ي عيني فيه سنة تحضيرية بس انتي خلاص تدرسيها وانتي عارفة في اي قسم
اقصد يعني اول م تسجلي توقعي عقد مثلا على قسم الطب والجراحة ف سواء جبتي معدل عالي
ولا لا انتي خلاص طب وجراحة ..

والمواد اللي بناخذها
ف الترم الاول / ناخذ انجلش وعربي واسلام وحاسب ومصطلحات طبية وبايوستات ..
ف الترم الثاني / انجلش وكمان عربي2 واحيااء وكيمياء وفيزياء ومهارات اتصال ..

ب النسبة للمعادلة ايوا تقدري تعادلي انا درست تحضيري في عبدالعزيز وعادلت
في الترم الاول مادة ( الحاسب والبايوستات = احصاء )
في الترم الثاني عادلت كل المواد العلمية ( الاحياء والكيمياء والفيزياء وكمانا مهارات الاتصال )

بالنسبة للانجلش م عادلوا لي هوا لاني بدأت من لفل 4 بمعنى تاني عدد ساعات الانجلش عندي في
عبدالعزيز 2 .. وفي ابن سينا عندهم هوا 6 ساعات ف الترم الاول ف خلوني ادرسه .. بينما صحباتي
اللي بدأو من لفل 1 او 2 عادلوا لهم انجلش الترم الاول بس .. لكن يدرسوا تبع الترم الثاني :)

وللأمانة السكن م عندي اي خلفية لكن اعرف بنات في السكن اظن اذا ما خانتني الذاكرة انو الترم ب 17 ألف
واعرف كمانا انو فه دادا تجي تنظف كل يوم وكذا ,, بس دا اللي اعرفه عن السكن

رسوم الطب البشري 70 ألف للسنة .. تقدري تدفعيها كلها بداية السنة أو كل ترم 35 ألف براحتك ..

التسجيل وقته ممو ثابت بس لما الناس تخلص اختباراتها يعني تقريبا ع شهر 8 يصير اتصلي عليهم واسالي
وكمانا ينزلوا اعلان في موقع الكلية ..

امممم م اعرف اذا مسموح احط رقم الكليةة او لا , لكن اتصلي ع 905 ويعطوك هوا او كلميني خاص ارسلك ..

وبس ي ليت اكون جاوبت ع اسئلتك بشكل كافي واذا عندك اي استفسار انا ف الخدمةة