التصنيف

[J0J0HYUN]

السلام عليكم
انا أخذت تدريب لمدة 3 أشهر للحصول على تصنيف أخصائي اجتماعي واستلمت اليوم ورقة التصنيف للناس الي حصلو على التصنيف ممكن اعرف اش اللازم أسويه بعد كذا

[العاشق الشرقي]

كم اخذوا منكك الرسوم اخوي. هل صحيح 3000 ريال

[ليالي الجنوب 1]

وين اخذتها؟ وكيف الطريقة؟

[عدنان العيدي]

الطريقه سهله تاخذي وثيقتك باْذن الله وتروحي هيئة التخصصات الصحيه وتاخذي من عندهم ورقة تدريب لمدة ثلاث شهور يعطوكي ورقة مكتوب فيها بياناتك وموجها لمن يهمه الامر يعني اي مستشفى ، وانتي الله يعينك تروحي تشوفي المستشفى اللي تبغي تتدربي فيه بعض المستشفيات ترفض وانتي الله يعينك تدوري عليهم لين تحصلي المستشفى اللي يقبلك وتدفعي عن كل شهر تدريب 1000 ريال دوامك اقل حاجه 3 ايام في الأسبوع ..

[عدنان العيدي]

أنا الى الان ما حصلت مستشفى اليوم روحت ثلاث مستشفيات كلهم ما عندهم بس في الرياض ، جدة الملك فهد تقبل وعرفان والملك عبدالعزيز اسمع من العيال ، وانا انصحك تروحي مستشفى الثغر اذا تبغي الفائدة وتتعلمي ..

[قلب الحياه]

وعليكم السلام
بعد استلامك ورقة التدريب تحددي مكان تدربي فيه
بعد ما تنتهي من المدة التي اتدربتي فيها والذي هي ( 3 اشهر ) كل شهر الف ريال بعض الطالبات يتأخروا فتزيد مدة التدريب .
وطبعا أثناء تدريبك تاخذي دورة الانعاش القلب الرئوي
وقبلها تسجلها في جمعية القلب السعودي وسعرها 50 ريال .
بعدها تحددي مكان تاخذي الدورة فيها دورة الانعاش القلب الرئوي ( لها شهادة ولها بطاقة ) .
وطبعا تاخذيها قبل لا تسلمي اوراقك للهيئة لانهم راح يطلبوها منك .
تسلمي الهيئة الخطاب التي تم تعبئته من المكان التي اتدربتي فيه .
بعدها يعطيك ورقة استبيان تعبيها
بعدين يعطيك ورقة فيها اسم المستخدم وكلمة المرور عشان تحددي موعد اختبار بيرسون فيو
راح يفعل لك ممكن من يوم الى 3 ايام
وراح تصل لك رسالة للايميل
بعدين تحددي انت من الاون لاين من اللاب توب بدخولك بإسم المستخدم وكلمة المرور ( الموجودة بالورقة )
او تروحي الهيئة وهو يحدد لك وممكن تقولي له فين تبغي تختبري وتدفعي 320 ريال .
بعدين تختبري في اي فرع قريب منك ثم تظهر النتيجة في نفس اليوم بعد خروجك من القاعة .
درجة النجاح 45 لعلم اجتماع و الخدمة الاجتماعية 50 .
وبالتوفيق

[شعااع]

أتمنى لكم التوفيق

اي مستشفى تابع لوزارة الصحة سيكون الرسوم 3000 ريال

المستشفى الجامعي بدون رسوم . لا ادري اذا تغير نظامه