جاوبوني الله يسعدكم

[نــورهـ]

و عليكم السلام و رحمة الله و بركاته

هذا الشيء طبيعي بعد التخرج بس لا تقلقي فترة و تعدي و تعرفي بالضبط ايش تبغي و تقدري تقرري كيف تكملي مسارك بعد التخرج.

بخصوص الخطوات الثلاثة اكتبي ايجابيات و تأثير كل خطوة عليك و حسب أهمية الايجابيات عندك انطلقي في الموضوع.

مثلا الدبلوم التربوي بعد دراسته بإمكانك تقدمي على الوظائف التعليمية و تصيري معلمة كم نسبة أهمية هذا الامر عندك؟

التصنيف ايش أهميته و نسبته في تصورك و بالنسبة لرغباتك الوظيفية أو العلمية؟ و نفس الشيء الماجستير.

فكري في السيرة الذاتية حقك ايش ناقصها و ايش ودك يكون فيها بعد خمس سنوات!، صمميها الآن و ابدأي بالخطوات و حضري نفسك للخطوة القادمة.

بخصوص درجة القدرات ادخلي مرة ثانية و ارفعي الدرجة عشان ما تكون عقبة في قبولك في الماستر أو أي برنامج و تأخرك عن أهدافك.

و نصيحة أخيرة من تجربة لا تتأخري في أي خطوة أو فرصة تتاح لك في انك تخوضيها لان الايام و السنوات تمر بأسرع مما نتصور .

توكلي على الله و تفائلي و خططي و دائمًا ادعي الله ان يرشدك للطريق الصحيح المناسب لك و اللي يكون فيه خير الدنيا و الآخرة

الله يوفقك يا رب و يسهل أمورك :).