مساعدة في التحويل لكلية الحاسبات

[hypatia]

السلام عليكم ورحمة الله وبركاته
انا طالبة سنة تحضيرية انتظام مسار علمي وحاليا بدرس ترم صيفي لإكمال المواد اللازمة
ناوية اتخصص في كلية الحاسب ولكن ماتوقع معدلي راح يدخلني هالتخصص
ف قررت اتخصص في كلية العلوم قسم رياضيات ترم واحد لين يرتفع معدلي وبعدها احول
لكن مو عارفة وش المواد الحرة الي راح تسهل لي في اني ارفع معدلي


مع العلم انه في ناس قالولي اهم شيء لدخول كلية الحاسب ان تكون درجة الانجليزي ومهارات الحاسب 110 فوق 86
وانا الحمدلله درجاتي عالية في هالمواد
لكن البعض يقول مادة الرياضيات ايضا مهمة وانا للاسف درجتي منخفضة

انا بصراحة مو متأكدة من هالكلام
ابي اعرف وش اهم شي لدخول الكلية؟ هل هوالمعدل؟ ولا مواد الانجلش ومهارات الحاسب 110؟ ولا ايضا الرياضيات؟
والي جرب يحول لكلية الحاسب وش المواد الحرة السهلة الي اخذوها عشان ارفع معدلي بسرعة؟
افيدوني الله يسعدكم مابي اضيع مستقبلي .. ولكم جزيل الشكر والدعاء بظهر الغيب