شرط منصب قيادي للقبول بماجستير تنفيذي إدارة

[gis.specialist]

للمعلومية، المسألة ليست تعقيد من جامعة الملك سعود
إنما هي معروفة عند الجامعات في العالم
البرنامج التنفيذي Executive يتوقع من المتقدم أن لديه خبرة إدارية يعني بمنصب إداري
عاد موضوع المنصب لا نكبره زيادة عن اللزوم
احد زملائي كان رئيس قسم (اصغر وحدة ادارية) وانقبل في الماجستير التنفيذي لإدارة الأعمال (الخاص) بجامعة الملك عبدالعزيز
اذا انت ماسك قسم ، أو (وهذي من كيسي ولكن اتوقع ممكن) إذا أدرت مشاريع ومهام بكفاءة، خل مديرك في العمل يوضح هذا المنصب (أو المشاريع اللي أدرتها ويبين كفاءتك الإدارية) يكتب لك خطاب
هذا الخطاب هو في نظري مثل خطاب التوصية اللي من الدكاترة
العديد من الجامعات في الخارج خصوصا لبرامج مثل إدارة الأعمال يطلبون توصيات أكاديمية وتوصيات عملية (Practical أو Professional ) من رئيسك أو زميلك في العمل اللي أكثر خبرة منك
يعني صيغ خطاب لمديرك في العمل يوضح فيه كفاءتك القيادية ويوقعه مديرك ويختمه ووصله للجامعة
أتوقع هذا مقبول عندهم
والله الموفق