افيدوني الله يسعدكم

[Remassss]

السلام عليكم ورحمة الله وبركاته
عندي استفسار الله يعافيكم
دحين انا طالبه مستجده في جامعه الملك عبدالعزيز دخلت تخصص مو عاجبني وابغا انسحب واقدم ثاني سؤالي هوا اذا انسحبت وعدت التحصيلي هل انسحابي من الجامعه يوثر ع قبولي في الجامعات الثانيه ولا لا واذا انسحبت بهدف التسجيل ثاني ممكن انقبل في السنه الي بعدها علطول في نفس الجامعه والله ضايعه مرا اكون شاكره لكم لو رديتو

[Naser]

المشاركة الأصلية كتبت بواسطة Remassss السلام عليكم ورحمة الله وبركاته عندي استفسار الله يعافيكم دحين انا طالبه مستجده في جامعه الملك عبدالعزيز دخلت تخصص مو عاجبني وابغا انسحب واقدم ثاني سؤالي هوا اذا انسحبت وعدت التحصيلي هل انسحابي من الجامعه يوثر ع قبولي في الجامعات الثانيه ولا لا واذا انسحبت بهدف التسجيل ثاني ممكن انقبل في السنه الي بعدها علطول في نفس الجامعه والله ضايعه مرا اكون شاكره لكم لو رديتو

وعليكم السلام ورحمة الله وبركاته

طيب اولا لازم تعرفي ياختي ان الانسحاب بهدف التسجيل من جديد له موعد أخير لازم تكوني منسحبه قبله عشان يمديك تسجلي من جديد, هذه المواعيد في جامعة جدة وجامعة الملك عبدالعزيز لحد الآن ما تحدد. العام الماضي كان في بداية شهر ذو الحجة. فاذا بتنسحبي من جامعة الملك عبدالعزيز عشان تسجلي في جامعة جدة لازم تتأكدي متى آخر موعد للانسحاب بهدف التسجيل في جامعة جدة.

النقطة الثانية, تقدري تسجلي في جامعة الملك عبدالعزيز برقمين جامعيين ( يعني تسجلي وتنسحبي وترجعي تسجلي واذا انسحبتي ما تقدري تسجلي مرة ثالثة) ونفس الشي في جامعة جدة ( تقدري تسجلي ثم تنسحبي ثم ترجعي تسجلي واذا انسحبتي ما تقدري تسجلي فيها مرة ثالثة) .. يعني عندك فرصتين في جامعة جدة وفرصتين في جامعة الملك عبدالعزيز.

هل لازم تعيدي التحصيلي ولا تقدري تستفيدي من درجة التحصيلي والقدرات السابقة, اذا درجتك كويسة عادي تستفيدي منها لان صلاحية الدرجة خمسة سنوات اما اذا درجتك منخفضة الافضل ما تنسحبي الا لو جبتي درجة عالية

بعض الجامعات تشترط انه اذا انسحبتي تجلسي سنة او سنتين عشان ترجعي لها, لكن جامعة الملك عبدالعزيز وجامعة جدة عادي تنسحبي وترجعي تسجلي السنة اللي بعدها مباشرة بس زي ما ذكرت فوق ان الانسحاب يكون قبل التاريخ اللي يحدد لاحقا باذن الله

هذا الموضوع يفيدك باذن الله
https://bit.ly/skaau299

[Remassss]

يعطيك العافيه استاذ ناصر
عندي سؤال ثاني لو ممكن
دحين بخصوص القرار الجديد يستطيع الطالب دراسه تخصصين في آن واحد
لو قدمت في تخصص ثاني في نفس الجامعه اش الشروط ؟ هل يعتمد ع معدلي في الجامعه ولا ع القدرات والتحصيلي وكيف نظامه اتمنى توضحلي الله يعافيك

[Naser]

المشاركة الأصلية كتبت بواسطة remassss يعطيك العافيه استاذ ناصر عندي سؤال ثاني لو ممكن دحين بخصوص القرار الجديد يستطيع الطالب دراسه تخصصين في آن واحد لو قدمت في تخصص ثاني في نفس الجامعه اش الشروط ؟ هل يعتمد ع معدلي في الجامعه ولا ع القدرات والتحصيلي وكيف نظامه اتمنى توضحلي الله يعافيك

الله يعافيك يارب

الى الان ما صدر الدليل الخاص بدراسة تخصصين في آن واحد
اتوقع هذا العام باذن الله يصدر الدليل