يالعيص تسلم بالسنين الطويله

[ماهر الوافي]

هذه القصيده قيلت مواكبه لهزات العيص

يالعيص فالك خير والخير لـك فـال
عسـاك تسلـم بالسنيـن الطويـلـه
يحميك رب الكون من شـر الاهـوال
تبقـى لنـا يالعيـص دار القبيـلـه
هزات برضك والصدى صوت بجبـال
ما كنهـا الا فـي صـدوق المخيلـه
وصوت الرعد في باطن الارض زلزال
ماهو رعـد بيـن المـزون الثقيلـه
والارض تغلى ودهـا تخـرج اثقـال
ولا باقـي الا قـدح نـار الفتيـلـه
لاقــدر الله والبراكـيـن تنـهـال
تخفـي معالـم بيـن يـوم وليـلـه
ياديـرة الاجـداد تبقـيـن مـنـزال
وعسى عليك من ا لمـزون الظليلـه
ارض الوفـا للضيـف دارٍ ومدهـال
هي والكـرم مثـل العميـل وعميلـه
من جالها يشرب من الجـود فنجـال
وترحيبـة تشفـي النفـوس العليلـه
يابصمة الماضيـن ذكـرى بالاطـلال
طـول السنيـن اثارهـا ماتزيـلـه
تسلم لنا يالعيص فـي كـل الاحـوال
والشر يعلـن عـن ديـارك رحيلـه

أسأل الله العلي العظيم أن يحفظ أهالي العيص وجميع بلاد المسلمين من كل مكروه

[احساسى ماسى]

امين يارب

اخوي ماهر رائعه هذه القصيده التى تحكى عن منطقه عظيمه من بلادنا وديار اجدادنا .

الف شكر لك .