~/ استفسـآر , يخص كلية الصيدلـة . تجدهـ هنــآآآ ..؟؟

[~ سايتوسين ~]

السلآمـ عليكمـ ,,
انا بستفسر عن نظام الدراسه هنا في كليه الصيدله
يعني قالولي اذا انتي وحده عندك ملكه الحفظ ادخليها هل لازم اللي يدخل صيدله يكون كذا 0__0 لاني بصرااحه افهم اكثر من اني احفظ!!

س2: متى نبدا نحفظ الادويه ونكون ع علم باعراض الامراض وكذا ؟؟


س3:هل الدكاترة عندكم يشرحو باخلااص ويحببوكم في الصيدله وكيف تعاملهم ؟؟

س4: انا سمعت انه الطالبات يدرسهم دكتور" رجال" ^^ >> كيف دي يعني انا مثلا ابغى اغطي وجهي عاادي والا حكون شااذه وهل فيه بنات يدرسو معاكم ومغطيين وجوههم ؟؟

طيب واللي تغطي تجلس طول الوقت كذا ؟؟ يعني الدكاترة بيعطو محاضرة ويمشو لشطر الطلاب وبعدين البنت تاخذ راحتها والا ملازمين لنا طول الوقت ؟؟

س5:تنصحوني بدورة لغه انجليزيه في الصيف والا مالها داعي ؟؟ يعني حتفيدني بشي

س6: الدكاتره ايش جنسياتهم ؟؟



والله يسسعد اللي يرد لاني من جد محتااره واذا جاوبتو ع تساولاتي حققرر بعدهاا

وحاولو تتوسعو بالرد الله يوفقكم وينور دربكم ولو يرد عليا اكتر من واحد ما في اشكال ^^


موفقين ياارب وان شا الله اسئلتي ما تكون ثقيلهــ

[drug]

السلآمـ عليكمـ ,,

وعليكم و السلام و رحمة الله

انا بستفسر عن نظام الدراسه هنا في كليه الصيدله يعني قالولي اذا انتي وحده عندك ملكه الحفظ ادخليها هل لازم اللي يدخل صيدله يكون كذا 0__0 لاني بصرااحه افهم اكثر من اني احفظ!!

شوفي إحنا دا الترم بدأنا نحتاج للحفظ ( طبعاً أتكلم عن مواد الصيدله بس )
الترم الأول كانت المواد يا كيمياء يا مسائل بس مسائل بسيطه يعني كيف تحسبي جرعات و كذا
دحين صار في حفظ و أنا أشوف الصعوبه في الحفظ إن المصطلحات جديده علينا لكن نفس الكلام ما يحتاج حفظ
بس على السنين الجايه أكيد حيكون في حفظ كتير يعني أسماء الأدويه و مكوناتها و كدا

س2: متى نبدا نحفظ الادويه ونكون ع علم باعراض الامراض وكذا ؟؟

سنه تالت في ماده اسمها فارما كولجي هيا حتكون الأساس لكل دي المعلومات
سنه تانيه مجرد أساسيات و من تالت تبدأي تدخلي في التخصص

س3:هل الدكاترة عندكم يشرحو باخلااص ويحببوكم في الصيدله وكيف تعاملهم ؟؟

اممم شوفي هوا مستحيل يكونوا كل الدكاتره بيرفكت
في ناس يشرحوا من قلبهم و بإخلاص لكن المعلومه ما توصل و هذي مشكله
و في الممتازين جداً
أنا أشوف بشكل عام الحمدلله الدكاتره كويسين حتى إلي ما نفهم منها على الأقل تعاملها كويس

س4: انا سمعت انه الطالبات يدرسهم دكتور" رجال" ^^ >> كيف دي يعني انا مثلا ابغى اغطي وجهي عاادي والا حكون شااذه وهل فيه بنات يدرسو معاكم ومغطيين وجوههم ؟؟

إيوا عادي جداً
إحنا لمن دحين بس مره وحده دخلنا دكتور و عادي الأغلب مغطيين

طيب واللي تغطي تجلس طول الوقت كذا ؟؟ يعني الدكاترة بيعطو محاضرة ويمشو لشطر الطلاب وبعدين البنت تاخذ راحتها والا ملازمين لنا طول الوقت ؟؟

الدكاتره ما يقدروا يدخلوا أي مبنى في كم مبني يدخلوا فيها من قسم الأولاد على طول علينا
يعني مجرد تغطي وقت المحاضره و بعدها خلاص لأن الدكتور حيعطي محاضرته و يمشي
و إذا ما يدرسك دكتور فإنتي ماراح تحسي إن في رجال داخلين و خارجين طول الوقت :)

س5:تنصحوني بدورة لغه انجليزيه في الصيف والا مالها داعي ؟؟ يعني حتفيدني بشي

إذا تقدري تروحي روحي ممكن تستفيدي منها لمن وقت الإختبار تفهمي السؤال لأن البعض يغلطوا لأنهم فاهمين السؤال غلط
بس عشان أكون صريحه معاكي مهي مرره مهمه خصوصاً لو انجليزيتك نوعاً ما كويسه لأن الدراسه صح انجليش بس المشكله في المصطلحات الطبيه مو في نفس الإنجليزي

س6: الدكاتره ايش جنسياتهم ؟؟

لمن دحين كل الدكتورات حقين مواد الصيدله مصريين

بالتوفيق ^ــ^

[miss.violet]

ولا احد رد علي :( :(

[drug]

^
^
^
آسفه بس والله ما عندي علم

هوا أكيد تقدري تحولي بس كيف و بقية الأشياء ما أعرفلها

إن شاء الله أحد غيري يفيدك ^ــ^

[~ سايتوسين ~]

شكـــرآآآ دكتورة "Drug"

[miss.violet]

مشكووووورة مرة
تيب اسال مين

[~ سايتوسين ~]

هل الاسكرب الزامي للطالبات >> هوا بنطلون وبلوزة صح ؟؟^^
طيب انا ما احب الشغل النظري احب العملي اكثر حبيت اسال كم مرة ف اللاسبوع ندخل معامل تقريبا بالنسبه لسنه ثانيه ..

ومن جد لو ترجع فيكم السنين هل تغيرو تخصصكم من صيدله لاي شي ثاني ؟؟


كيف حياتكم اليوميه .. نبذه عنها وكذا ^^




اسئلتي كثررت ههههههه

[drug]

شكـــرآآآ دكتورة "drug"

العفو لا شكر على واجب ^ــ^

مشكووووورة مرة تيب اسال مين

العفو :)
والله ما عندي علم بس لو في أحد يقدر يفيدك أكيد ماراح يقصر

هل الاسكرب الزامي للطالبات >> هوا بنطلون وبلوزة صح ؟؟^^

هما بداية السنه قالوا الزامي و إنو في يوم معين حيبدؤوا يفتشوا عليه بس محد سأل عنه يعني عادي مو إلزامي
هوا بنطلون و بلوزه نص كم نفس اللبس إلي يلبسوه الدكاتره في الأفلام و المسلسلات الطبيه

طيب انا ما احب الشغل النظري احب العملي اكثر حبيت اسال كم مرة ف اللاسبوع ندخل معامل تقريبا بالنسبه لسنه ثانيه ..

لا تخافي في معمل كل يوم و أحياناً في اليوم معملين
في الترم الأول 5 معامل في الأسبوع و في الترم التاني 6 معامل

ومن جد لو ترجع فيكم السنين هل تغيرو تخصصكم من صيدله لاي شي ثاني ؟؟

أنا حبيت الصيدله و شفت نفسي فيها فما أتوقع إني راح أغير
مع العلم إن الصيدله مهي حلمي من زمان يعني ما أعرف إيش إلي خلاني فجأه في آخر أسبوع من التسكين أحط إن رغبتي الصيدله بس سبحان الله ربنا كاتبلي

كيف حياتكم اليوميه .. نبذه عنها وكذا ^^

والله هيا تختلف من شخص لشخص بس أغلب اليوم يروح في الجامعه و النوم بالنسبه ليا :)

اسئلتي كثررت ههههههه

خدي راحتك ^ــ^

[~ سايتوسين ~]

^
ثاانكس يا دكتورة الله لا يحرمك من حلم ونشوفك دكتورة عما قررريب

[drug]

^
^
آمين يارب و نشوفك في التخصص إلي تتمنيه قريب إن شاء الله ^ــ^