يوميات....^_________^

[مَـزٍآج ..}..]

المشاركة الأصلية كتبت بواسطة 彡ys❤ry彡 الله يعينك والله ياا انها مااادة غثة طلعنا من اختبار الميد تيرم محد جاب فيها اكثر من 15 ^_^

شكرا على رفع المعنويآت الفظيع دآآ

[彡yS❤Ry彡]

^^

العــفو في الخدمة في اي وقت
زورنا كل يوم خخخخخخ
بس تراها مادة حلوة وتستمتع فيها بغض النظر عن الدرجات يعني *_^

[jojaya]

الله يوفقكم :)

ادعولي ادخل طب بشري

[dr.CILIA]

الله يوفق الكل..وكل الحلوين اللي يبغوا طب الله ييسر لهم ويحقق لهم اللي يبغوه
..الباثولوجي ماده مرره ممتعه تحس انها لب الطب..بس الله يهديهم الدكاتره ويحنن قلوبهم على الطلبه

اليوم..
بسألكم سؤال في نظركم اللي يكون مناوب 24 ساعه ويكمل بعدها دوام متى المفروض ذوقيا يخلوه يمشي عالساعه كم ؟؟ولا يكمل دوام عادي الين الساعه 5؟
كنت امس مناوبه في طوارئ النساءوالولاده طبعا تحس انك مدري فين !! حريم جايين بولاده وناس قد ولدوا في الشارع وحريم يحسبوا عندهم ولاده وهيا ماعندهم و.......الخ كل مااخلص حاله دوبي اطلع ابغى ارتاح ..يرن البيجر وانزل تاني شي خطيييييييييييييييييير!!!
وجينا الصباح ..عندنا عياااده ..وفيها امة لااله الا الله جميع اصناف الحريم بجميع الامراض والاعراض..
خلصنا ع الساعه12 وانا اصلا خلصانه من البدايه :"(
وبعدها الدكتور العزيز اقله ابى استأذن يقول لا استني نشوف المرضى المنومين اللي معانا ..قلنا طيب كلها ساعه ..يمشي الحال
في وسط الراوند ..البيجر يرن ..تعالوا غطوا العياده اللي بعد الظهر...ياجماااعه ارحموا من في الارض!!
راحوا الفريق كلهم وسابوني اكمل الشغل للمرضى المنومين.. خلصت ..اكلم الدكتور انا لازم امشي يقولي استني نخلص العياده ونجي نشوف ايش سويتي...
طبعا خلااااص طلع الطب كله من خشمي .. استنيت للساعه 4 وكل ممرضه تشد فيني من جهه..الين خلاص لمن يوصل البني ادم قمة التسطييييل .. رحت بكل بساطه شلت شنطتي وخرجت من الدوام وسبت الدنيا هع هع هع !!!!

ابغى اعرف لو كنتوا مكاني في القصه دي مع الاختصار اللي فيها ايش بتسووأ؟؟؟؟

[مَـزٍآج ..}..]

^
^

وي وي وي الله يعينكـ ..

ودآ سبب من اسبآب اني ما دخلت بشري انواع المناوبآت ..

الله يوفقكـ وكلـه بأجرهـ .. لكن المفروض تطلعي من اول والله خخخخخ

لأنه المفروض يعني تكوني في قمه تركيزك في الدوام .. والظاهر اخر الدوام

كنتي في قمة السطلان ههههههه ..

الله يعينكم

[surgeon]

والله ياسيليا طلعتي شاطحه هههههههههههههه


اصلي عليكي,,,,,وربي لو انا مكانك قبل ما ينتهي االانكول حقي بدقيقة اكون بالمواقف احمي السيارة((لما تطلع من الورشه))

هههههههههههههه

بالتوفيق

[JuStice]

.

د. سيليا من جد معاناااااة الله يكون في عونك ..

أنا كنت أحسب المناوبة لمدة 24 ساعة فقط يعني من 8 الصباح إلى ثاني يوم 8 الصباح وعـ البيت على طول (:

أنا مستغرب كيف بالله دوام لمدة 30 ساعة ؟! يعني كيف متوقعين من شخص مناوب 24 ساعة إنه كمان يبدأ يومه الثاني بـ دوام عادي ويكمل لغاية العصر ؟!!

قبل فترة قرأت مقال إنهم اكتشفوا إن المناوبات تسبب خلل في الهرمونات وممكن تؤدي لسرطان البروستات خاصة عند الرجال !

أنا يا دوب لما أواصل في بعض الاختبارات أكون خلااااص منتهي تمامًا وحرقاااان في العيون

نسأل الله السلامة !

.

[dr.CILIA]

مزاج..احسنت الاختيار بأنك بعدت عن البشري هههههه ..الله يوفقك

سرجون.. نشوفك بعد كم شهر وانت انتيرن.. وكمان اسمك سرجون الله يوفقك بالذات مع السيرجري..
تمشي فين دي فيها تروح ارقاب وتنفضح على الملأ واحتمال كبير تتعيد الروتيشن والمعاناه ثاني بكل سهوله في جامعتنا العزيزه..الله يوفقك

جستيس..الله يعيننا ويعينكم..مين يفهم الناس اللي معانا الله يهديهم..ودحين في دراسه في جامعتنا مسويها دكتور نبيل الاعمى على الدكاتره والحاله الصحيه ووضع القلب قبل وبعد المناوبه..

[surgeon]

مطر مطر=غرقت جده ^^

[surgeon]

اسجل موقف ودعم للزميلا ت بسكن الجامعه


الله يكون بعونكم


سرجون