كل ماتريدين معرفته عن الحذف والإضافه...مع الأخت cinnabon

[cinnabon]

المشاركة الأصلية كتبت بواسطة دنيا غريبه عجيبه السلام عليكم ورحمه الله وبركاته اولا احب اشكر كل من ساعدني وجاوب على سؤالي وانا احب ابلغكم انه سويت حذف لماده الاحصاء وكانت بتروح مني لكن ربك ستر وماعاد ابغى اغير شئ خلاص الحمدلله كذا وقتي تعدل وسرت اداوم من 8الين 11.50وارجع الحمدلله راضيه ونفس جدول صديقتي صح ماراح نتقابل لانه كل وحده ايامها مختلفه اهم شئ الاوقات وحده بالنسبه للمساعده الى ابيكم تساعدوني فيها هوا انه صديقتي بالجامعه وماكانت تعرف انها هيا الى تنزل الجدول وامس دريت وحاولت تنزل الجدول تطلع معها المواد لكن الشعب ماتطلع معها وهيا قسم احياء ومايطلع معها غير العربي فياليت يابنات تساعدوني كيف اقدر اخليها تنزل الجدول حقها لانه ماعندها إلا العربي بس أستنى ردكم

شوفي خيتو خليها تتاكد من قائمة الشعب الدراسية لا تكوون الشعب قفلت ولا شي لو لقتها مقفلة تحاول لمن يوم الجمعة امكن احد يحزف

وازا كانت مفتوووحة ومو راضية تنزلها خليها تزبط جدول مبدئي ع جنب

ويوم السبت تروح عند مرشدتها ان شاء الله وهيا تضفلها

وتكلمها انهم يعملولها توسعة ازا كانت الشعب كلها مقفلة

[cinnabon]

المشاركة الأصلية كتبت بواسطة عزة نفسي_تكفيني سنبووونه جااا دووري أسأل ^_^ لو وحدهـ نزلها في الجدول ماادهـ سبق أخذتها لكن رمزهاا مختلف << تعتبر مادهـ ثانيه مختلفه زي مثلا مهارات الإتصال في بنات نزلت لهم لكن الرمز غير وكذلكـ انجلش 1 وانجلش 2

لا ما يحتااج يضييفووها مدام اخدووها وكمان لازم تكون اتعادلتلهم
الا ازا غااويين تعب مررا تاني فدا شي تاني

[اميرة باخلاقها]

هاي
بليز ابغى اسالك انا في قسم تغذيه طبية ولما سويت الحذف والاضافه ما نزلتلي غير مادتين 5ساعات بس
والحد الاقصى 18 ساعة كل ما اختار مواد ما تطلع في شعب لها
وفي مواد ما هي موجودة ضمن الخيارات لافي الخطة ولى في قائمة الحذف والاضافه
بلليز ساعديني ومتى يقفل الحذف والاضافة
مرسي

[cinnabon]

المشاركة الأصلية كتبت بواسطة &بنوتة جدة& مساء الخير عندي سوال انا نزل جدولي 14 ساعه والحد لاقصى 15 ساعه لازم اضيف ماده ولاعادي واذا مااضفت هل ياثرعلى المعدل بعدين...

ازا كانت المواد الي عندك نفس الموجودة في الخطة تبع السمستر الي انتي في ما يحتاجي تزيدي خلاص

وعمومن مافي مادة بساعة وحدة

ايوا تلعب عدد الساعات في المعدل بس اولن واخيرن جدك واجتهاادك هوا الي حياثر ع المعدل

[جامعيه كيميائيه]

انا نزلو لي الجدول اربع مواد قراءه +كتابه +استماع وتحدث+لغه فرنسيه +وانا اضفت ثقافه اسلاميه وكلها سبت اثنين وربوع والاحد والثلوث نوم, وباقي ليه في المستوى <الخطه> عربي وفري ,,هل لازم اضيف العربي والماده الحره في الجدول ولا لاءه؟؟؟ وادا مااضفتها متى ادرسها؟؟؟وجدولي حاطته في قسم اللغات الاوروبيه اللي تبغى تشوف ه وشكررررررررا

[cinnabon]

المشاركة الأصلية كتبت بواسطة اميرة باخلاقها هاي بليز ابغى اسالك انا في قسم تغذيه طبية ولما سويت الحذف والاضافه ما نزلتلي غير مادتين 5ساعات بس والحد الاقصى 18 ساعة كل ما اختار مواد ما تطلع في شعب لها وفي مواد ما هي موجودة ضمن الخيارات لافي الخطة ولى في قائمة الحذف والاضافه بلليز ساعديني ومتى يقفل الحذف والاضافة مرسي

خيتو كل قسمكم بيشتكي نفس الحكااية

رااسلوا الدكتوور مشاط او رئيسة القسم تبعكم

وانتي حاولي لمن يووم الجمعة

وازا مررة ما انضاف شي يوم السبت ان شاء الله عبي ورقة الاشياء الي تبي تضيفيها مع شعبها

ووقتها عند مرشدتك

وكمان هيا حتوضحلك ايش المفرووض تاخدوا دا الترم وكمان حيكوون معاها ورقة باسماء المواد مع اوقاتها وشعبها

والحزف والاضافة حيشتغل لين الجمعة وممكن تلاقي السبت في الصباح يشتغل شويتين بعدينا حيقفولو

[cinnabon]

المشاركة الأصلية كتبت بواسطة جامعيه كيميائيه انا نزلو لي الجدول اربع مواد قراءه +كتابه +استماع وتحدث+لغه فرنسيه +وانا اضفت ثقافه اسلاميه وكلها سبت اثنين وربوع والاحد والثلوث نوم, وباقي ليه في المستوى <الخطه> عربي وفري ,,هل لازم اضيف العربي والماده الحره في الجدول ولا لاءه؟؟؟ وادا مااضفتها متى ادرسها؟؟؟وجدولي حاطته في قسم اللغات الاوروبيه اللي تبغى تشوف ه وشكررررررررا

انا اشوف االكل خاايف ازا الواحد خاايف يضغط ع نفسو ويبغا ياجل ع رااحتوو

لانو لكل واحد ولي طاقة استعاابية

بس انا تخصصي غير عن تخصصكم بس باحاول افييدكم

وما حاعرف طبيعة المواد

وازا انتو ممكن تبغوا تاجلوا مادة عشان تنفعكم مسلن في اترام تانية وترفع من المعدل فدا ع راحتكم

بس انا عشان في تخصصي بينبهوونا دايمن اننا نمشي ع الخطة عشان المعامل لو اخرت مادة كدا ولا كدا حانضر بعدينا

والمرشدة كمان لازم حتراجع معاكي وحتفيدك اكتر

والمادة الي مسلن ما اخدتيها ممكن تدرسييها في اي ترم بس اتاكدي انها ما تكوون متطلب لمواد تانية والا كدا بعدينا محتقدري تضيفي المواد التانية

والمادة الحرة هي مادة نختارها من أقسام تانية في الكلية او من الكليات التانية وما حتلاقيها في قائمة الحزف والاضافة
و المرشدة هيا الي حتضفلك
وكيف تعرفي المواد تكون الكلية تبعتك منزلة قائمة بالمواد الحرة مع اوقاتها وانتي ما عليكي الا تختاري الي تناسبك وكمان تتناسب مع جدولك

ويا بناااات الي مو حابة تمشي ع خطتها وتبغى تخفف مواد ولا تبغا تضغط ع نفسها لا تحط

عشاان لا تقوولوو بعديينا سيناابوون ضررتنا >> ياويلو ترى

انا اتمنى الخيررر للكل

وياارب يسهل للجميع اموروا

[smsm . z]

أنا تخصصي تصميم أزياء وإليييين دحين مانزل الجدول أصلا
أضيف من نفسي ولا أستنى إلين بكرة ؟؟؟
وإذا أحد يعرف ليش أتأخر تنزيل الجدول يقول لو سمحتو

[cinnabon]

المشاركة الأصلية كتبت بواسطة smsm . Z أنا تخصصي تصميم أزياء وإليييين دحين مانزل الجدول أصلا أضيف من نفسي ولا أستنى إلين بكرة ؟؟؟ وإذا أحد يعرف ليش أتأخر تنزيل الجدول يقول لو سمحتو

خيتو ضيفي المواد مدام فتح الحزف والاضافة وهما ما كانوا ضايفين ليكي شي انتي اضيفي

روحي لخطتك وشوفي ايش المواد الي لازم تاخديها

[smsm . z]

اوكي
مرة شكرا
بس مو بعدين يصير لخبطة لمن ينزل من عندهم ؟؟

وترى دوبني فتحت وسويت إضافة للمواد وماطلعلي الأيام ولا الوقت وماضغطت تنفيذ
تنصحيني أستنى ولا أسوي بدون ما أعرف الوقت ولا الأيام ؟؟؟