لـــكــل البـنـات الـــلــي يـبغــوا (( يحـــولوا إنــتـظـام )) يدخلوا هنـــــاآ !!!

[لقيت روحي]

الله يعينكم اون شاء الله تحولوا

يارب

[ღسِـهـآمــ اِلشـوووقّღ]

آمين ربي يسمع منك يا لقيت روحــي ~
بناااات بليز الله يسعدكم الي تعرف تجاوبني
انا خلصت المستوى الرابع و شروط التحويل تمام عندي
وقدمت الطلب من ع النت ف ق ط , بس اشوف في بنات
قدموا معامله . المعامله ذي خاصه بطالبآت السنه التحضيريه او كل الطالبات عادي ؟
لأني رحت ع الأوديوس وشفت انو ممنوع اقدم طلب تحويل عن طريق المعامله !!
وكمان فالجامعه قالوا تابعوا ع النت ما عطوني اوراق اعبيها ولآ شي ..
ايش اسوي ×_×

[بنوته نعومي]

سهام مانزلتلك ايقونة التحويل من انتساب لانتظام في الاوديس قدمي طلب منها

انا اليوم رحت الجامعه بشوف متى نتيجة التحويل قالولي تابعي الاوديس الين مايجيكي لقبول وتعالي

يارب كلنا نحول

[ميسم..!]

بنــــات شيكتوا ع الأودس ...

صار تقدري تقدمي طلب تحويل من جديد
بس اللي قدمو من الأول يرجعوا يقدموا دحين
ولا اش قصدهم..نكتفي بالطلب الأول؟!!

انا بصراحه خايفه أقدم يتلغي طلبي الأول ..
ياليت إذا في أحد بيروح للجامعة بكره يسألهم نقدم طلب جديد
ولا لا؟؟

[بنوته نعومي]

الطلب يكون بس مره وحده اصلن مايجيكي تقديم طلب تاني

[ميسم..!]

انا قدمت ودحين جاييني تقديم طلب
جربي ادخلي الأودس وتلاقي انو تطلع معاك
الكليه انا امس ماكان موجود عندي كذا بس اليوم لقيته
وكمان تغير عندي الفصل الدراسي من 9 كاتبين 1
مع انو انا المفروض الـ5..

[jo0odi]

والله انا قدمت مره ثانيه واللي يصير يصير والله اهلكونا يوم يتلغي ويوم يحطوه والله ماصارت عقدونآ هالجامعه ..
وبروح لهم بكرا ان شاء الله وبخلي ولي امري يقدم لي بقسم الرجال هما ماينفع لهم نسمع كلامهم ونسكت يانركض وراهم ولا ماراح نستفيد الله يعينا بس على هالجامعه ..

[رماد الشـوق]

بنات انا رحت اليوم قالو الطلبات اتسحبت عشان كذا قفلت وبعد فتره حيفرزو النتايج انتبهووو لحد يقدم ثاني لانه خلاص سحبو الاول لانه لو قدمتي ثاني ممكن بسير عندهم عطل في السيستم بس لاتخافو واللي قدمت خلاص تتوكل ع الله ولاتقدم ثاني
اما من ناحيه المعامله ترى مو مهمه اهم شي اللي عن طريق النت وكل يوم تابعو الحقل اذا شفتو كلمه انتساب انقلبت انتظااام ع طووول تروحو معاكم الاوراق شوفو يابنات اذا مانزل الفرز خلال هذا الاسبوع نتجمع نروح يوم السبت الجاي وترى يمكن يقعدو لثالث اسبووووع لاتئيسووو من رحمه ربكم ولكل مجتهد نصيب

بس والله انا قطعو قلبي بنات التحضيري تخيلو فرحانين جايبين معدلات توووب ماشاء الله وقالولهم لازم تدرسو ترم ثالث عشان تتثبتي يعني تدرسي من التخصص ترم حسبي الله عليهم عقدوها طيب واذا درسو ترم وجابو معدل حيقولو ممنوع االتحويل بين ترم وترم

تدرون ليه سوو كذا عشان معظم بنات التحضيري اسم الله عليهم جابو 4 فسار زحمه يبغو يشوفو مستواهم بعد التخصص نفسو او ينزل

الله يوفقهم يارب يابنااات لاتيئاسو من رحمه ربي وكل شي مكتوووب يسير واذ لنا رزق بناااااخذه


اي استفسااار انا حاضره

اتمنى اني افدتكم

"رماد الشوق"

[ღسِـهـآمــ اِلشـوووقّღ]

ايوهـ يا بنوته نعومي انا قدمت من الأيقونه حقت التحويل بس من شهر 5 وبعدين من 21 /9
وبعدين اختفت ورجعت وقدمت مرا ثالثه ×_× ~
تسلموون ع الرد الله يوفقنا ونحول كلناا ياارب ~

[ميسم..!]

رماد الشوق..

الله يسعد قلبك طمنتيني..
الله يكتب اللي فيه الخير..
وبإذن الله ينزلوا نتائج التحويل هالإسبوع ويريحونا..


بالتوفيق للجميع