✿!{.. آراءكم في الدكتورات |{للطالبات}ﾟ¨ﾟ*

[ωâяd âlјσσяŸ]

^

أوافقك الرأي ..
وأضيف انها تهتم بالشرح النظري أكثر من العملي , يعني عليك تطبقي وتحلي تمارين وتشوفي الأفكار
وكمان انسي فكرة انك تراجعي ورقتك حتى لو كنت بس تبغي تعرفي خطأك , جربتها في الدوري الثاني والفاينل تعطيك موعد وتسحب عليك

اقتصاد كلي / حنان الجشعم
توزيع الدرجات : 25 دوريين اول وثاني .. 10 أسايمنت .. 40 فاينل
الاستاذة كويسة .. شرحها سريع .. في البداية حتحسي انك ماشيه معاها تمام لانو المادة اسهل
من الاقتصاد الجزئي بكثير .. كذا مره صار انها سحبت علينا "
واحنا نستنى في الكلاس اصلا عاااادي .. غير انو اخر محاضرة قالت بسوي لكم
مراجعة واحل الأسايمنت كلها وجينا عشانها و سحبت علينا
واعطتنا تكليفين قالت عليهم بونس .. وتعبنا وسوينا وما شفنا البونس .. غير انها ما ترد عالايميل
وفي الاختبار ما تحب أحد يسألها .. صح انو المادة ما تحتاج بس عالأقل تكون متعاونة مع طالباتها
المادة حلوة وسهلة و مو متعبه في المذاكرة ابدا خصوصا انو اغلب الأسئلة تجي مقاربة للتست بانك بشكل صح او خطأ او اختيارات ويجي كم سؤال عملي ويكون تطبيق مباشر وسهل وراح تضمني ان شاء الله فيها درجة كويسة .. يعني لا تسووا زيي وتلخبطوا كل جدولكم عشان هذي الأستاذة
ولا أقولكم انها سيئة بالعكس راح تآخذي حقك معاها

انقلش 202 / مس أميرة << جديدة
توزيع الدرجات : 15 دوري اول وثاني , 10 كويزات , 10 رايتنق , 10 بروجكت , 40 فاينل
كانت كل ربوع تسوي لنا كويز عليه 10 وراعتنا في الأخير في مجموعهم

الشرح ما تحسي انو في شي اتطور منك لأنك حتذاكري لنفسك , بس الله يجزاها خير كانت تدربنا كثير عالرايتنق
طول الترم واحنا نكتب رايتنق وتصحح لنا ,, ولمن يجي الاختبار نكون متدربين على أغلب الأفكار
وكمان قالت بعطيكم 3 بونس على تكليف سويناه ولا حياة لمن ينادي
^
مسحوب علينا في البونس .. بس الحمد لله أخذنا درجات بتوفيق من الله ثم بمجهودنا وتعبنا


مبادئ إدارة / فرانشيسكا
توزيع الدرجات : 30 دوري أول , 20 بروجكت , 10 واجبات , 40 فاينل
الأسئلة كلها جت من التست بانك و في هاذي المادة ذاكري كل شي تقول عنه أستاذتك ولا تسمعي كلام الاستاذة الثانية
الدكتورة هادية وطيبة وما تعطي المادة أكبر من حجمها
مع العلم انو الشرح كلو انقلش ومرات كثير بتملي ويجيكي نوم
وماراح تستفيدي منه كثير في المذاكرة
خسفتنا في الواجب وأعلى وحده اعطتها 8 والباقين 4 او 5 من 10
وظلمتنا في التصحيح الله يسامحها وطلبنا منها إعادة تصحيح
يعني راح يوجعك قلبك اذا أخذتي معاها
أنصحكم تآخذوا مع أي انسانه غيرها


ثقافة 2/ مع هدى باجبير ,, طيبة ومتعاونة حتى كنا نسألها في أشياء خارج المنهج بعد المحاضرة وتتقبل مننا الله يسعدها فين ماكانت

دعواتكم ربي يوفقني الترم الجاي مع أستاذات أفضل

[Bayan.J.S]

محاسبة 213 : د. لاريسا ، الألمانية
شرحها كله إنجليزي ، إزا خلفيتك في اللغة ماهي قوية ، أنصحك ما تاخدي معاها
أنا حبيتها مرة و أنبسطت بشرحها المبسط الحلو ، حسيتها تسهل المادة جداً
حبيت المحاسبة عشانها بس :Pp

مبادئ تسويق 260 : د. نوريزان
شرحها عايدي ، غالباً لانها مش متعودة تشرح حاجات بالبساطة دي على قولتها هع
المادة بالنسبة لي يبالها حفظ و فهم من لحالك ، يعني ما يحتاج تجي هي و تفهمك نقطة نقطة
دقيقة جداً في الواجبات /: !
و على حسب كلامها أدت بونس -.-"

مبادئ نظم معلومات إدارية 250 : أ. صباح الصومالي
شرحها جميل و تحسيها تحاول قد ما تقدر إنها تفهمك ، طيبة
بس لا تتأخري لمحاضراتها ، حتبهدلك !

علوم القرآن الكريم 212 : درسونا 3 أستازات من النحاسة أستغفر الله هع
أ. رقية السعودي <- تصحيحها للتكليف ماعرف كيف بصراحة ، ينرفز /: !
أ. دينا أو دنيا
أ. جمانة بيما

كلهم التلاتة شرحهم حلو و يحمس ،
غالباً لأن المادة ممتعة ، بس كتيرة شوية
الحمدلله إنه في النهائي ما خلونا نزاكر كل الكتاب

أسئلة أ. جمانة و أ. دينا أو دنيا " بصراحة ألخبط هع "
كانت مرة سهلة و جميلة ، بس لاااااازم تركززززي مزبوط لانها دقيقة

[نوونيتا]

المشاركة الأصلية كتبت بواسطة لمحة إحساس نصيحة د.لاريسااا ابدااااااا لااااااا... هيا جديدة بدات ذي السنة المانية كل شرحها انجليزي ...

بالعكس مرآ كانت تجنن والمحاسبه معاها كانت بسيطه وسهله
بس المهم الي بياخد معاها يكون عندو انقلش مرآ قوي
مع انها بتتكلم بالانقلش المبسط الي سهل الواحد يفهمو

[دجه ورجه وفله]

التمويل

خديجة حريري

انسـانه تعشق التمويل وحياتها تربططها بالتمويل ماشالله عليها + تحب الهرج الكثير + تنفع للي يبغوا تخصص تمويل مستقبلآ + ماتهتم للتحضير + الواجبات أول بأول عندهـا + تعطيك حقك فالدرجات فقط + لو ماتفهمي تعيد مره واثنين وعشره ووممكن توقف الكلاس عشانك + تهتم لمصلحتنا بقوه وتبى نحب التمويل زيها لكن لللاسف احنا مو زيها

نظم معلومات

صباح الصومالي
المادة عامة سهله الفهم + الدكتورة شرحه حلو مو جميل ولا سيء +محترمه + تهتم بالحضور والغياب جدا + اذا تبغي تكلميها او شيء يابالايميل او ساعاتها المكتبيه ماتحب احد يكلمها وقت الكلاس + بالدرجات كويسه

تسووويق

أسماء باهرمز

وماادراكم من أسماء؟؟؟ + انجلش هندي مايينفهم كلامها قبل شرحها + تحب اللي يشارك معاها وهذا نادر في كلاساتها + واجباتها خنفشاريه مثلا سؤال واحد يكون اشرحي وعليه 5 درجات ومايعجبها اي شيء + سئيه فالتعامل وماتراعي + واخذت معاها درجه سئية بسبب الدرجات اللي في يدها الله يسامحها ويعوضني خخير بس

سيرة نبوية

سمر محمدي
ذي مادة حرة + كلمة رائعه مبدعه خلوقه قليل فيها + تشرح المنهج كأنه قصه + تسمعوا (بطيخ - وأبيض ياورد - وسبيستون) كثير عندها هههههه + اسئلتها جدا سهله +ماتهتم بالتحضير + تأشر المنهج واللي نختبر فيه مانرجع له + تضممني معاها أ+ بأذن الله

ثقافه 2
هدى باجبير
تهتم بالحضور جدا + ماتحب احد يتكلم فالكلاس ولازم الكل مركز معاها ويطالع فيها ماينشغل لا بجوال ولا بشيء + الحضور والغياب هوس عندهاااا مسويه قروبات وكل ليدر تحضر قروبها ومره كشفت بنتين حضّروا بعض وشهرت فيهم وفي الاخير طلعت هيا غلطانه ههههههههه

وووبس تقيمي ان شالله يفيدكم

[Bayan.J.S]

livelove

اقتصاد كلي خديه مع د.إيمان
مرة شرحها حلو و هي حبوبة و خفيفة دم و تسهلك المعلومة كتير
و مستعدة تشرح زرلومية مرة ماعندها مشاكل

عندك د. نادية ، شرحها أغلبه إنجليزي ، تحسيها أوقات بتسمع الشرح
بس تساعدك وقت الحاجة عموماً و طيبة مررررة

[سجووكه]

السلام عليكم


ايش رايكم اخد التمويل مع دكتورة خديجة ولا دكتورة صايمة ؟؟

الي مجربة معاهم ياريت تقلي كيف اسلوب كل وحدة وطريقتها بالاختبارات والشرح

وشكرا

[ما أصعب الحياة]

طبعا خديجة بدون تفكير انتبهي من صايمة انتبهي انا ما اخدت معهم التنين بس خديجة اكثر من رائعة
لحقي سجلي عندها قبل تقفل شعبتها

[سجووكه]

اخدتها مع خديجة شكرا يا قلبي :)

[خووووووخه]

حبيباتي ياليت تفيدوني من احسن دكتور او دكتورة لدي المواد

سلوك تنظيمي
تحليل كمي
اعداد التقارير
قانون تجاري

[جولي انا]

ايش رايكم بديبا بليزززز ؟؟؟

حضيف معاها دا السمستر😁😁