فقط فقط كل مايخص محاضرات السنترا يمنع الشات(طالبات خطة ب)

[gubruzzli]

كيفكم بنات.......
عندي 3 محاضرات للاحصاء مو مسجله من السنترا نفسها....... عند منى ادريس ايش العمل؟؟؟؟؟

[دمعة وجع]

اولا الف شكر محبت القوم والله يجزاك عنا الف خير ويوفقك يارب
ثانيا : ليه الكتب كلفتكم 300 وعليها
احصاء :60
مهارات التعلم والتفكير : 10
اتصال : 38
انجليزي : 95
يعني 203

[في الجنة ياأمي]

بارك الله فيك

[sмile]

بنااااااات منهج الاحصاء اللي انا نزلتو فوق طلع للكتاب طبعة الثالثة ...


الله يسعدها الاستاذة اشواق نبهتني قالت خذي حق الطبعة الرابعة



http://stat.kau.edu.sa/GetFile.aspx?...s-32-final.pdf



ونزلتو لكم ...

[sмile]

المشاركة الأصلية كتبت بواسطة gubruzzli كيفكم بنات....... عندي 3 محاضرات للاحصاء مو مسجله من السنترا نفسها....... عند منى ادريس ايش العمل؟؟؟؟؟

ادخلي هالموقع الشرح واضح واسهل


http://stat.kau.edu.sa/pages-entisab-ar.aspx

[dalaa maram]

المشاركة الأصلية كتبت بواسطة sмile بنااااااات منهج الاحصاء اللي انا نزلتو فوق طلع للكتاب طبعة الثالثة ... الله يسعدها الاستاذة اشواق نبهتني قالت خذي حق الطبعة الرابعة [url="http://stat.kau.edu.sa/getfile.aspx?id=98308&lng=ar&fn=stat111-entisab-syllabus-32-final.pdf"]http://stat.kau.edu.sa/getfile.aspx?id=98308&lng=ar&fn=stat111-entisab-syllabus-32-final.pdf[/ur ونزلتو لكم ...

اااااااااااااااامممممممممم ايش فايدة هذاا المخطط يابنات

[sмile]

^^^


يحدد ايش معانا وايش محذوف با الاختبار ....




بنات بخصوص مهارات التفكير قالت استاذة مريم صالح

انو الاسئلة موضوعية يا صح وخطاء واختياري وصلي كيف بنوصل ماادري

قالت لسا ماقررو كيف حتكون الاسئلة

[نوره حمدان]

المشاركة الأصلية كتبت بواسطة دمعة وجع اولا الف شكر محبت القوم والله يجزاك عنا الف خير ويوفقك يارب ثانيا : ليه الكتب كلفتكم 300 وعليها احصاء :60 مهارات التعلم والتفكير : 10 اتصال : 38 انجليزي : 95 يعني 203

لانه الانقلش كتابين
انا كلفتني 289 بالضبط

[youry]

المشاركة الأصلية كتبت بواسطة sмile السلام عليكم .. حبايب قلبي حكتب لكم كل اللي اعرفو .. نبداء بالاحصاء ... استاذتي اشواق باحداد ( يوم السبت - الاثنين - الاربعاء ) قالت لنا انو نتابع المنهج اللي معانا هوا منزلينو بالموقع ومكتوب فية كل شي معانا .. مخطط مقرر احصاء 111 انتساب الفصل الأول 31/32 حملتو من موقع الجامعة . حتلاقونو في كلية العلوم - قسم الاحصاء - الملفات http://www.kau.edu.sa/getfile.aspx?i...1-32-final.pdf طبعا حذاكر من العروض البور بوينت وكمانا حراجع الكتاب وححل كل التمارين لانو احسو اسهل ليااااا .. عروض البور بوينت من هالموقع .. http://stat.kau.edu.sa/pages-entisab-ar.aspx نفس العرض اللي تستخدمة الاستاذة .. طبعا الاختبار حيكون صح وخطاء واختياري ... وقالت لاتحفظو قوانين لانها حتجي مكتوبة .. وبنات اتااكدو من ستاذتكم من هالمنهج انا سئلت وقالت لنا صح المهنج ... الانجلش .. مع هدى يوالداش خوجة ( الاحد - الثلاثاء ) شرحها حلو حددت معانا قطع القراءة وقالت يبقى الاستماع طبعا الاسئلة صح وخطاء واختياري احنا خلصنا الكتاب الاخضر وبادين في الاحمر وقالت كل الuint معانا .. مهارات الاتصال .. مع الاستاذة موضي الكريديس ( السبت - الاثنين - الاربعاء ) روعة يجنن شرحها قالت لنا الاسئلة صح وخطاء واختياري اما الكتاب من الجلدة للجلدة وقالت لو تقدر تحفظنا الصور كان حفظناها .. مهارات التفكير .. ( السبت - الاثنين - الاربعاء ) بصراحة ناسية مع مين قالت لنا الاسئلة اختياري وفراغات بس حتتاكد لنا واكتاب كلو معانا .. وسلامتكم

وعليكم السلام

حبيبتي اتمنى انك تقولي ايش القطع الي معاكم

وكمان التمارين الي تحلها معاكم الاستاذه في كل يونت

لأنو احنا استاذتنا ما اعطتنى ولا محاضره الى اليوم

[gubruzzli]

المشاركة الأصلية كتبت بواسطة sмile ادخلي هالموقع الشرح واضح واسهل http://stat.kau.edu.sa/pages-entisab-ar.aspx

مشكوره سمايل....يا قمر
بس بتانسبه للمحاضرات ما فتح غير اول واحد و الباقيين ما فتحو....
وبالنسبه لكتاب الاحصاء انا عندي الطبعه الخامسه الاخيره ....ينطبق عليها المحذوف من الطبعه الرابعه ..صح.؟