تجمع لـمتابعة اجراءات المرشحين و المرشحات بـ رابغ

[Reflection]

ممممم بصراحة صعب تقيمي بالاختبار لان في اسألة زي المقالية بالغالب تدخل فيها ذاتيه المصحح.. و هل يعجبه الكلام او لا ..!

اما اسئلة الاختيارات انا عندي فيها اخطاء و بصراحة طلعت منها قلقان قلت يمكن بسببها اجيب العيد :/
لكن الاداء في المقابلة الشخصية بصراحة كان جمييل جدا ولله الحمد .. يعني لدرجة ان اللي سوا معايا المقابلة كان يقول خلاص مدري ايش اسألك و احس في كثير اشياء براسك و دنا نسمعها .. ابغاك تتكلم تقول اي شي .. انا صرت اضحك قلت ايش اي شي؟! .. اسال وبجاوبك خخخ

قال اتكلم عن تخصصك و كذا جلست ارطن له ولا نص دقيقة .. سكت قال خلاص

احس احس ان الاختبار مو بذات الاهمية الكبيرة زي المقابلة و معدل التخرج

يب حتى المحاضرين كانوا يختبروا معانا ومدري عن اسألتهم بصراحة بس الاكيد مختلفه

[كرستال الحربي]

انا الحمدلله جاوبت في الاختبار تقريبا والمقابله كانت تمام بس مره كانت الاسئله كثيره انا من طبعي اني بارده مأتوتر الحمدلله يمكن كان على بالهم اني مره واثقه ومعدلي تمام وعندي دوره وانا مالي كثير متخرجه يمكن هذا فادني. الله يوفقك يا همه تمنيت اشوفك. من المقبولين

[مرافئ دافئة]

الله يوفقكم وتكون فاتحة خير عليكم....كنت اتمنى اكون بذا التجمع بس الحمدلله على كل حال


بس اذا ممكن اعرف فيه احد انقبل وماعنده خبرات او دورات

[حافظة الود]

انا بالنسبة لية حليت في الاختبار بس ما كنت راضية عن أدائي فيه وكثير أسئلة جاوبت عليها من الذاكرة ولما راجعت طلعت اغلبها صح بس ملخبطة وفيها بعض الأخطاء الجزئية. وانا تقبلت محاضر ونعم اختبرونا زي المعيدات والأسئلة كانت من البكالوريوس والماجستير.

وزي ما قال الاخ ريفليكشن اعتقد ان المقابلة الشخصية لها دور كبير وعدم الارتباك والخوف والإجابة المتأنية ترفع من تقييمك انا عن نفسي ارتباكي ما يبان على وجهي واميل للثبات اكثر. وكمان الدورات ودرجة اختبار الانجليزي احس لها دور في رفع درجة تقييمك وترشيحك. يعني كل هذي الامور مجتمعة لها دور كبير في القبول وليس فقط الاختبار.

[كرستال الحربي]

اعرف وحده انقبلت ماعندها دورات بس معدلها عالي ماشاء الله

[إحساس أنثى]

ما شاء الله الف مبروك لكل المرشحين و المرشحات

انا ترشحت للمقابله و لكن لم يتم ابلاغي و لا باي طريقه

و عرفت مؤخرا بصدور

أسأل الله لي و للي ما انقبلوا العوض

[Reflection]

الحمدلله ع السلامة اول شي للجميع :)

طبعا رحت الكلية و عبيت النموذج و تعهد الابتعاث الخ الخ .. و دخلت ع الوكيل و رحب بي و قال احنا نفضل
انك اول ما تتعين تجيب القبول من الجامعة وتمشي و حاول في الفتره هذه تدور في الجامعات و نبغاكم ترجعوا شباب تفيدونا و من هالحكي :p .. و جلس ينصح و اشكره كل الشكر ،، و فالاخير قال خلاص انتهيتوا من هنا
بس تابعو مع شؤون الموظفين في جدة .. و لو قدرت تروح لهم مر عليهم وشوف ايش صار

رحت جده و يا ليتني ما رحت .. زحمة ومشواار و ساعة الا ربع علشان ادور موقف للسيارة
عند ادارة الجامعة :(

المهم طلعت لشؤون الموظفين الاكاديمين عند أ. عبدالغني الاندنوسي وقال لسه بدري عليكم لكن
روح لـ عبدالعالي الصحفي هو المسؤول عن المعيدين وكذا .. رحت لاخينا فـ الله و قالي ع 10 ذو القعدة ان شاء الله تعال ..
على اساس يشوفوا لجنة التوظيف اوراقكم و تاخذ الكشف الطبي الخ الخ .. و لان مافي ارقام وظيفية فالوقت الحالي :/

لقيت عنده اثنين واحد قالي انا لي 3 شهور من قبل رمضان و سويت الكشف و كل شي لكن للان ما جا رقمي الوظيفي وقالو ان شاء الله خلال هالفترة او ع الميزانية الجديدة ... يعني ممكن مطولين :/

المهم الحمدلله دام تم القبول و خلصنا ما يهم ع الاقل الواحد ينتظر و هو عارف انه مقبول بالوظيفة.

و الله يوفقنا و يوفقكم =)

[fresh water]

المشاركة الأصلية كتبت بواسطة reflection الحمدلله ع السلامة اول شي للجميع :) طبعا رحت الكلية و عبيت النموذج و تعهد الابتعاث الخ الخ .. و دخلت ع الوكيل و رحب بي و قال احنا نفضل انك اول ما تتعين تجيب القبول من الجامعة وتمشي و حاول في الفتره هذه تدور في الجامعات و نبغاكم ترجعوا شباب تفيدونا و من هالحكي :p .. و جلس ينصح و اشكره كل الشكر ،، و فالاخير قال خلاص انتهيتوا من هنا بس تابعو مع شؤون الموظفين في جدة .. و لو قدرت تروح لهم مر عليهم وشوف ايش صار رحت جده و يا ليتني ما رحت .. زحمة ومشواار و ساعة الا ربع علشان ادور موقف للسيارة عند ادارة الجامعة :( المهم طلعت لشؤون الموظفين الاكاديمين عند أ. عبدالغني الاندنوسي وقال لسه بدري عليكم لكن روح لـ عبدالعالي الصحفي هو المسؤول عن المعيدين وكذا .. رحت لاخينا فـ الله و قالي ع 10 ذو القعدة ان شاء الله تعال .. على اساس يشوفوا لجنة التوظيف اوراقكم و تاخذ الكشف الطبي الخ الخ .. و لان مافي ارقام وظيفية فالوقت الحالي :/ لقيت عنده اثنين واحد قالي انا لي 3 شهور من قبل رمضان و سويت الكشف و كل شي لكن للان ما جا رقمي الوظيفي وقالو ان شاء الله خلال هالفترة او ع الميزانية الجديدة ... يعني ممكن مطولين :/ المهم الحمدلله دام تم القبول و خلصنا ما يهم ع الاقل الواحد ينتظر و هو عارف انه مقبول بالوظيفة. و الله يوفقنا و يوفقكم =)

جزاك الله خير على ذكر تجربتك وكتبلك التوفيق

[فقط متفائل]

اوصيكم يا اخواني بالصبر. هذي المرحلة مريت فيها واعوذ بالله من الشيطان الرجيم بعد شهر وابدا في عبدالغني اتصالات وازعاجات. الله يعدي الايام ذي على خير
وعلى قولة الاخ رفلكشن: مادام الوظيفة في الجيب ، ان شاء الله لو ننتظر شهور.

وفقكم الله لما يرضيه

[كرستال الحربي]

اخ رفلكشن
الابثعات داخلي او خارجي
او لي الخيار