حفل خريجات العام الدراسي 1432 - 1433 هـ

[أملي رحمة ربي]

المشاركة الأصلية كتبت بواسطة nour al3mr و يجزآك من وآسع فضله :) لا والله ماعندي رقم لكن صفحتهم على الفيس موجودهـ في توقيع صاحبة الموضوع أدخلي عليها المنظمين و المسؤولين عن التكريم و الحفل هم عمادة القبول و التسجيل فعلاً للأعوام الماضية في تكريم لذلك أستغربت أنه تقديركم امتياز بمرتبة شرف أولى ماشاء الله و ما أعطوكم

طيب بالله اديني رابط موقعهم

اسعفيني

[أملي رحمة ربي]

رفــــــــــــــــــــــــــــــــــــــــــــــع

[ashi]

بنات عادي اي احد من خاةج جامعة تقدة تروح تستلم روبي ولا لازم تكون طالبة بالجامعة ????

[nour al3mr]

المشاركة الأصلية كتبت بواسطة أملي رحمة ربي طيب بالله اديني رابط موقعهم اسعفيني

معذرة أختِ أتاخرت
https://www.facebook.com/kau.femalealumni
هذا موقعهم أساليهم فيه و إن شاء الله يردوا عليكِ :)

المشاركة الأصلية كتبت بواسطة ashi بنات عادي اي احد من خاةج جامعة تقدة تروح تستلم روبي ولا لازم تكون طالبة بالجامعة ????

لا عادي المهم يكون معاها صورة وثيقتك + هويتك عشان تدخل من البوآبة + يسمح لها باستلام الروب

[شموخ كبريآئي]

أبشـري بإذن لله
اللي أعرفه من صديقاتي العام تأخذ الجوالات و توضع عند الآمانات و نهاية الحفل تآخذيه بس عاد شوفي الزحمة طوآبيــــــر

---

حوووسة كدهـ ><

تسلمي مآتقصري وآلله ..

[وسام الامان]

ماشاءالله عليك يانوور نشطة كعادتك جد وجودك نوووووور الله يعطيك العافية ^^

بالنسبة للي يستفتسروا عن التكريم انا حضرت حفلة اختي وكانت ممتاز مرتبة شرف ثانية ما افتكر اعطوها وشاح وافتكر انهم كتبوا ع شاشة العرض اسماء الطالبات الحاصلات على مراتب الشرف سواء ممتاز (اولى وثانية ) او جيدجدا (ثانية) وافتكر اللي كرموهم الاولى على الدفعة(كانت معدلاتهم ماشاءالله 5) والاولى على الكلية....
والاولى على الدفعة لها تكريم غير...
وفي حفلة قبل كذا كرموا كل الحاصلات على مراتب الشرف....
فشكله النظام يتغير مابين كل سنة وسنة وبإذن الله السنة دي سنة خير ومايزعلوا احد ويكرموا كل المجتهدات لان لكل مجتهد نصيب ^^
والعقبة لنا بإذن الله

اللهم صل وسلم على الحبيب محمد

[الغربة]

يارب يكون لنا تكريم احنا ممتاز مع مرتبة الشرف التانية

بنات الله يسعدكم اللي حفلتها بكرة تخبرنا عن التكريم وكيف كان الحفل

وان شاء الله تنبسطوا في الحفل :)

[أملي رحمة ربي]

يديك العافية نور..

إن شاء الله اليوم حفلتي, وإذا ماانشغلت راح أقول لكم اش صار

دعواتكم :)

[جامعية 25]

ننتظركم ياللي اليوم حفلتهم ومبرووووووووووووك ...
حكونا بالتفصيل ...

وعلى فكره اللي مااستلموا الارواب يمديهم يروحوا ... امس جابوا دفعه لمقاس s بعد الظهر ....

[سنفوره ...]

السلام عليكم ورحمة الله ..
ازيكم ياحلوين
انا يوم السبت رحت للجامعة ع اساس اسال ع موضوع تكريم الامتياز مرتبة شرف ثانية ...
رحت لعمادة القبول والتسجيل ودخلت غرفة 9 مافتكر اسم الاستاذة راح من بالي بس تعاملها كان قمة في الروعة و الاحترام ...

طبعا قولتلهاا انو سمعنا بحكاية انو مافي تكريم للامتياز مرتبة شرف ثانية ع طول سالتني انتي اش كليتك قولت الاداب قالت هنا المشكلة كلية الاداب بها عدد طالبات جدااااااا كبير وعدد الامتياز مع مراتب الشرف برضو كبير فحنحصر التكريم ع الامتياز بمرتبة شرف اولى فقط
قولت مافي اي تغير لدا النظام لانو بصراحة في اجحاف بحقنا ولو ع الاقل تنقال اسماءنا قدام امهاتنا قالت بالمره مايمدي العدد جدا كبير ..
وقالت انو راح نعاملكم معاملة غير يالامتياز رح نعملكم طابور لحالكم وفي مقدمتكم طالبة تحمل لافتة مكتوب عليها امتياز , والشي التاني انو راح نجلسكم مع مرتبة الشرف الاولى في الصفوف الامامية للقاعة مو زي بقية التقديرات راح يجلسو فوق في الدور الاعلى , وغير كدا راح تجو للعمادة اتوقع ونستلم شهادات التكريم من عندهم بعد الحفل طبعااااااا وتقول انو نفس الشهادة الي تتسلم للمرتبه الاولى بس انتو تجي وتخدوها في يوم معين .. بيحددوه اتوقع اسبوع قالتلي بعد الحفل ....

المهم انا للان مو عاجبني الحال فيلو عدم عدل بالنسبة ليا لان الحفل للخريجات ومن حقنا كلناا انو نتكرم مع اختلاف التقديرات ,الله يعين ...
وبالتوفيق للجميع