اشبعوا فضولكم بكل مايجول في خواطركم عن السنة التحضيرية * مُحَدثْ *

[ALFN]

نجي لخطة ب :


مهارات اتصال :
من احب المواد لقلبي هيا و التفكير ..
اخذت المادة دي مع افضل استاذه ف الحياة
الاستاذه الجممميله جدا : اميرة النمر

الله يسعدها وين ماكانت
اعطت المادة جمال و صارت المحاضرة اشبه بجلسة صاحبات

المادة جدا ممتعة ومفهومه .. واشياء من واقع حياتننا
تتكلم عن الاتصال بين الاشخاص . كيف يكون ناجح وكيف لا
انواع الاتصال .. و يتكلم عن القراءه والكتابه وانواعهم
كمان يتكلم عن الحوار و المحادثه
و في جزء عن العمل كيف تتوظفي وايش الاشياء اللي تسويها قبل وبعد واثناء الوظيفه


وممكن البعض يشوفها كثيرة
البعض مو الكل
لأني قابلت بنات يقولو كثيره ولكن نفس البنات اخر شي ياخذو 100 وهما مغمضين
لأن الأسئله تجي بديهيه ونفس المنهج سهل ..

طريقة مذاكرتها زي ماقلت تحاولي تفهمي المضمون
وفي اشياء تنحفظ زي التعاريف والتعدادات
وفي اشياء ممكن تجي ملحوضات فوق وتحت دي تنحفظ
اوقات يجيبو مقولة ويقولو مين قالها !
ويمكن مافي ف الكتاب كثير مقولات ..



- مهارات التفكير : اخذتو مع استاذه رائعة
وشرحها جدا جميل واخلاق
الله يوفقها استاذه : سمر الخليفي

المادة مشابهه للاتصال ف طريقة السرد
وشكل الكتاب واسلوبه
وايضضضضا جدا مممتع
يتكلم عن الذكاء وانواعه و التعلم وطريقة التعلم .. وتنميه التفكير
وفي اشياء ممكن تتكرر اخر الكتاب , ف تلاقي فيه تشابه وهذا يسهل المذاكره

في دروس فيها تعداد وتحت كل تعداد شرح كثير , نفس الكلام يبغالو فهم


* اتكلمت عن الاحصاء والانقلش ف الصفحات السابقة *:$

[HOF]

^

وااااو يسسسعدك ربيييي ياشييخه
جد مشكورة و الله يوفقنا جميعاآآ :)

[كستنآء]

السلام عليكم
كيف أعرف الأستاذات اللي يدرسوني من اودس ؟

[Wishes~]

^
التسجيل > التسجيل الحالي

[waad *]

-



اهلين ي جميلات
اللي بالسليمانية خطة أ وكدا


ودا جدولي كمان اللي شعبها زي شعبي تكلمني

[ALFN]

لاحضت ان الموضوع قلب تعارف

ياليت اللي تبي تتواصل مع احد تكلمه خاص ..

لأن من قوانين المنتدى ممنوع وضع اي روابط وحسابات تواصل

او ترسلي خاص وانا ازبط مشاركة موجود فيها كل الحسابات ..

؛

ياليت تكون التعليقات على الكلام اللي اكتبه .. واذا في اسئلة اانا جاهزة

[Reems6]

انا متوترة وماني عارفة ايش وضعي خصوصا ان رقمي الجامعي ماتفعل احد زي؟؟؟؟؟؟؟

ماني عارفة اي جدول لسى لان مايدخلني اودس


كيف رح يمدينا نتنقل بين المباني وما نتأخر على الكلاس؟؟ او حتى نضيع؟؟
خايفة من هالنقطة كثير

[ريهآم العمري]

السلام عليكممم
انــا خططه ب

الله يوفقناا ويسهل لنا يااارب

[ALFN]

المشاركة الأصلية كتبت بواسطة reems6 انا متوترة وماني عارفة ايش وضعي خصوصا ان رقمي الجامعي ماتفعل احد زي؟؟؟؟؟؟؟ ماني عارفة اي جدول لسى لان مايدخلني اودس كيف رح يمدينا نتنقل بين المباني وما نتأخر على الكلاس؟؟ او حتى نضيع؟؟ خايفة من هالنقطة كثير

حبيبي لا تخافي ..

جربي مرا ثانية لأنو اكيد اتفعل بس يمكن ماعرفتي لو

لما تدخلي اودس حطي رقمك الجامعي - والرقم السري يكون سجلك المدني بس بدون ال 1 ف البداية .. يعني تحطيه من الصفر

حاولي تفتحينه واذا مانفتح راجعي الجامعة الحين ..

واذا فتح شوفي الشرح حق الاودس ف الصفحات السابقة

شرحت كيف تشوفي الجدول .. واذا حابه مساعد افهمك هوا , فكلميني خاص


-

اذا ع المباني فصدقيني صدقيني حتتعرفي ع بنات وتحوسو سوا

وتضحكوو ع بعض كمان

انا جلست يمكن شهر ع بال حفظت كلاس الحاسب والله نقابل بعض ف المبنى نضحك انا وبنات الكلاس

ونصير مجمموعات نمشي ..

والاستاذات ججججججججدا يقدرو الوضع بما انكم مستجدات

ممممرهه يساعدوكم ومحايحاسبوكم بدايه الايام .. واذا صار ف كلموهم وقولو احنا لسى مو حافظين المباني

واذا مرا تهتي اسالي البنات ف الجامعة .. حيساعدوكي

انا كنت امشي واذا تهت أسأل و والله في بنات مايقصرو يوصلوني لين باب المبنى

+

اذا دخلتي المبنى كل كلاس رقمو واسمو جمبو ف اجلسي دوري وحتحصلي واذا مالقيتي أسألي

وخلي جدولك معاكي عشان تعرفي فين تروحي وتعرفي الاوقات والكلااسات واذا ماعرفتي وري اي وحده تعلمك

_

لآ تتوقعي انك حتدخلي الجامعة وتكوني لحالك تايهه .. ترا كل البنات اللي قدك زيك

يعني حتمشي وتلقي بنات يسألو وبنات معاهم خريطة الجامعة ويدورو

ف كلكم ف الهوا سوا ..

جدا لا تتخوفي بداية الايام الكل معاكي والبنات والاستااذات فيهم خير

ومع الايام حتبدي تتعودي وتصيري تعلمي كمان

[ALFN]

المشاركة الأصلية كتبت بواسطة ريهآم العمري السلام عليكممم انــا خططه ب الله يوفقناا ويسهل لنا يااارب

امين حبيبتي