تجمُع طآلبآت بحث وتدريب - د/ أمل دمنهوري ~

[حنانيتا]

انا سلمتها التقرير كل مرة اجيها تقولي في اخطاء وعدلته 3 مرات
وحارسلة السبت وان شاء الله مايكون فيه اخطاء
حجم الخط 14

لازم يكون نفس خطوات المكتوب في الورق بالضبط

مكان التدريب والمقدمة عن نفسك في صفحة لوحدها
والمقدمة التانية في صفحة لوحدها
بعدين صفحة جديدة تكتبي متن التقرير
وتحته تحديد المشكلة وتبدا تكتبي خطوات تحديد المشكلة زي ماهي كاتبة في الاوراق
لاحظت خلال تدريبي ...
وتكتبي مشكلتك بصيغة سوال او جملة
والعوامل المستقلة والتابعة تسويها في جدول
والمصطلحات العلمية
ومرجع كل مصطلح تكتبي اختصار جمب المصطلح مثلا (علاقي ,2007, ص رقم الصفحة)
وفي المراجع اخرر شيء تكتبي المرجع كامل مثلا(مدني عبد القادر علاقي , ادارة الموارد البشرية, 2007م, دار خوارزم للنشر, جدة) زي كدا

وبعدين اهمية التقرير واهداف التقرير والجزء النظري توثقي المراجع جانب كل دراسة برقم الصفحة اللي اخذتي منه الكلام

واهم شيء تحليل المشكلة علية 10 درجات
نوع المشكلة انا رحتلها وكان تقريري عن الحوافز قالتلي نوع مشكلتك ادارية بس
نطاقها في مكان التدريب
كيف شاءت المشكلة
أسبابها
تحليل النقاط المهمة فيها
لماذا يجب حل المشكلة
آثار المشكلة
وتكتبي الاستبيان وتحللي الجداول

بعدين تحليل الفجوة تسوي جدول
ماكان ومايجب ان يكون
وتوثقي الكلام اللي جبتيه برقم الصفحة


والبدائل وافضل بديل

ونتائج الاستبيان

والتوصيات

والخاتمة في صفحة لوحدها

والمراجع

واخر شيء تحطي ورقة الاستبيان اللي سويتيها


طبعا لاتنسي
الغلاف اول شيء
والاهداء
والايه
وقائمة الحتويات
واذا عندك شكل تحطي قائمته في صفح لوحدة
وقائمة الجداول في صفحة لوحدها

[بنانة12]

طيب كيف سويتي تحليل الاستبيان ماعرفت اسوية

[inon]

بنات ممكن أحد يوضح لي المقصود ب : الآليات الاإدارية - المالية - الوظيفية ؟؟

[milami]

بنات طمينوني ايش صار اليوم بالتسليم بشرواَ

كل ما اكلم صحبتي من الصباح ما ترَد قلت لايكون أغمى عليها من المناقشة

[gardenia]

صبآح الخير بنآت

كيفكم والله وحشتوني

سآمحوني على الغيبه كنت مشغوله بالبحث والله والحمدلله رب العآلمين

تم تسليم البحث ومناقشته يوم السبت ويآرب يوفقنا ومايضيعلنا تعب اللهم آمين ~

طمنوني عنكم مين ناقشت وخلصت ومين لسه ؟؟..

الله يوفقكم ويسهلها عليكم يآرب ولآتشيلو هم ترى الدكتوره مريحه جداً في المناقشه الله يسعدها ~

أهم شي تكوني واثقه من نفسك ومن اللي إنتي كاتبتو في التقرير ولاتتوتــري

والبوربوينت لازم يكون عباره عن النقاط الهامه والرئيسيه في بحثك مو كوبي وبيست من البحث

عشان لاتضيع عليكم درجته وحاولو لاتكترو سلايدات ~

وووووبسس ... وأي سؤآل أنا حاضره

أستودعكم الله ~

[gardenia]

المشاركة الأصلية كتبت بواسطة inon بنات ممكن أحد يوضح لي المقصود ب : الآليات الاإدارية - المالية - الوظيفية ؟؟

حبيبتي طبعاً بعد ماتختاري البديل الأفضل من البدآئل حقتك لازم تذكري الآليات اللي حتساعد

في تنفيذه ..

الآليه الإداريه : يعني دور الإداره في تنفيذ هذا البديل ..

الآليه الماليه : يعني الأموال أو المبالغ اللي رح تساعد في تنفيذ البديل بمعنى تخصيص رأس مال معين

لتنفيذ البديل الأفضل ..

الآليه الوظيفيه : يعني مايخص الموظفين أو الوظائف اللي لها علاقه بتنفيذ هادا البديل ..

فهمتي ي قلبي ؟؟ ..

ولو مافهمتيني أعطيني البديل الأفضل حقك وأحاول أساعدك إنشآلله في إيجاد الآليــــآت

موفقه يَ رب

[بنانة12]

ايش الاسئله اللي سئلتك عن التقرير

[milami]

تسلمي غاردينيا على كل شي وللأسف أنا لسة ما خلصَت

بس زي ما قالت عندنا فرصة وأرسلتها الجزء الأول من التقرير من كم يوم ووإلى الآن ما في رد

شكلها مشغولة !

كنت أبغا أسألك في حالة ما ردت هل أطبع التقرير وأديها مرة وحدة لما انزل جدة وهي تصحح لي زي ما صار للبنات يوم السبت ؟

هل نعمل الإستبيان ونحلله بعد أختيار الآلية الأفضل أو قبل ؟

بالنسبة للمراجع ضروري يكون كتابين وبس ولا عادي الزيادة خير وبركة ؟

عذراً للإطالة غاردي

[ولي في الغد امل]

بنات ،،،،،،،، ابغى اسلم البحث للدكتوره متى الاقيها في مكتبها

يعني اتقيد بالساعات المكتبيه فقط ولا اي وقت اقدر اروح لها خلال هذا الاسبوع

[gardenia]

المشاركة الأصلية كتبت بواسطة ولي في الغد امل بنات ،،،،،،،، ابغى اسلم البحث للدكتوره متى الاقيها في مكتبها يعني اتقيد بالساعات المكتبيه فقط ولا اي وقت اقدر اروح لها خلال هذا الاسبوع

مسآء الخير حبيبتي ~ لو حابه تروحيلها وإنتي متأكده من وجودها وضامنه إنها تكون فاضيه

أنصحك تروحي الموعد التاني اللي حددتو هي للمناقشه اللي هو يوم 15/7 السبت ..

يوآفق السبت الأول من الأسبوع التاني للإختبارات ~

بكذآ تضمني إنها تنآقشك وتاخدي وقتك معاها زي كل البنات اللي رح يكونو معآكي ..

أفضل ماتروحيلها وهي مشغوله وتكوني لحآلك ..

وإنتي على رآحتك~

موفقه يآرب ~