تجمع طالبات الجغرافيا(اللي انقبلت جغرافيا تدخل)....

[Mo0oNE]

ياقلبي عليكي

ان شاءالله يكون اخر جدول

انا شكلي بداوم بكره واروح للمرشده اشوف حل عشان لايخبصونا كل شويه

[جوري جده]

حتى انا حذوفلي هيا الله يحذفهم
لما سالت استاذه خيريه تقولي مو مني الحذف من النظام نفسو
يعني النظام دا يستهبل ويحذف من حالو حسبي الله ونعم الوكيل

[اميره العاشقين]

بنات طلبتكم اللي تعرف شي تفيدني
انا حذفت حيويه مع ابتسام الغامدي
واضفت جغرافيه المدن مع افراج عزب السيدباشا اللي تعرف شي او درستها ياريت تقولي كيف اسلوبها اسئلته كيف
والله يجزيها بالخير.................

[Mo0oNE]

اميره لييش حذفتي الحيويه هما قالو نغير بس استاذه ابتسام لانها ماراح تدرس الماده

بالنسبه للاستاذه دي ماعرف عنها شي

اتمنى يفيدوكي ,,

[سكر جدهـ]

صبايا انا كنت بغير الشعبه في مبادى المساحه وانحذفت ههههههههههههههه مدري وش القصه

بس لما شيكت على القاعات قبل كانت 6 والحين حطوها 4 ومقفل الشعب كل شعبه فيها 50 طالبه


فـ عششان كذا في بنات انحذفت من عندهم المبادى ..


والللي تسسال عن افراج هي درستني سنه اوله الترم اللي فات

اسئلتها سسهله
بسس ترى تعتمد على المحاضره الكتاب لا تشترينه ولا تتعبين نفسك ماتجيب منه ششي

بس انتي اكتبي المحاضره معاها وبسسسس

تعاملها مع البنات ما اقدر احكم لك له

لانها كانت سنه اوله سيئه نوعا ما والترم اللي فات ولا ارووع لا تحضر ولا طلبت تكاليف واسئلتها مررره روعه

بسسس اتوقع ان النعره اللي فيها راحت هههههههههههههههههه

اخذي الماده وانتي متطمنه ^_^

[اميره العاشقين]

mooone وسكر جده مشكورين حبايبي والله ماتقصرو
حبيبي انا حذفت الماده لاني ابي ادرسها مع ابتسام الغامدي درستني الترم الاول مررررررررره زي العسل
في الاسلوب والاسئله حلوة
واتمنالكم التوفيق...........

[جوري جده]

طيب حذفو مبادئ المساحه وماقلنا شي
بس بجي اضيف ماده ولا ماده لها شعب ايش اسوي طيب ؟؟؟

[اميره العاشقين]

الله يعينا والله ويش نسوي طيب روحي اسالي بكرا......

[تنـــاآآآهـــيد]

وااااااو مبادىء المساحة انحذفت من جدولي ايه الحكاية بنات
انا حمدت ربنا اني خلصت تعديل جدولي وصار زي الفل
يقومو يحذفولي أهم مادة مو معقول هالكلية

يــــــــــــــــــــــــــارب لطفكـ

[رورا الامورا]

فييييييييينكم يابنات؟؟
كيف الجداول معاكم؟؟