تجمع طالبات الجغرافيا(اللي انقبلت جغرافيا تدخل)....

[رنين الشوووق]

يابنات انا انتساب ومعدلي 2.76

قالت لي المرشدة اكتر شي 12 ساعه ورفضت اني ازيد ساعات

صح اقصى شي لمعدلي 12 ساعه ...؟؟؟

انا ابغى اخلص جاوبوني الله يوفقكم

[كبرياء شموخي]

المشاركة الأصلية كتبت بواسطة جوري جده انا مانزل ليا لا رقم قاعه ولا مبني شعبتي za

اهاااا نفس شعبتي جوووري الساعه 8 بس مدري حينزلوا قاعااات لها ولا لا ...

[Mo0oNE]

المشاركة الأصلية كتبت بواسطة جوري جده انا مانزل ليا لا رقم قاعه ولا مبني شعبتي za

انا نزل ليا المبى والقاعه والوقت

شعبتي ga

[جغرافية 2010]

سلام يا عسولات

كيفكم ؟؟ كلو تمام

اشوفكم حايسين بالجدول

يا رب يوفقكم و ييسرها عليكم

موفقات حبيباتي ,,

.

.

المشاركة الأصلية كتبت بواسطة رنين الشوووق يابنات انا انتساب ومعدلي 2.76 قالت لي المرشدة اكتر شي 12 ساعه ورفضت اني ازيد ساعات صح اقصى شي لمعدلي 12 ساعه ...؟؟؟ انا ابغى اخلص جاوبوني الله يوفقكم

ما ادري قد قريت موضوع بهذا الخصوص دورية

رنين متى سويتس جدولك ؟؟

و مين المرشدتك ؟؟

و ايش حطيتي مواد؟؟

معليش اتحمليني شوية :)

استناكي

,

’

[ناعمة العود]

انا برضه شعبتـي za
ومانزل المبنـى ولا القاعه...
سمعت ان الاستاذه اللي رح تدرسنا جايه من الجامعه..

واعتقد انه على السبت رح يكونوا منزلين المبنـى والقاعه...

[نينا..]

المشاركة الأصلية كتبت بواسطة رنين الشوووق يابنات انا انتساب ومعدلي 2.76 قالت لي المرشدة اكتر شي 12 ساعه ورفضت اني ازيد ساعات صح اقصى شي لمعدلي 12 ساعه ...؟؟؟ انا ابغى اخلص جاوبوني الله يوفقكم

هلا ياقمر..

انتي مسموح لك 15 ساعه..
بس لو اضفتي كل الساعات المسموحه لك لازم تشدي حيلك عشان معدلك ماينزل...

الله يوفقك..

[Mo0oNE]

بنات نداوم بكره ولا لآ

راح يكون فيه محاضرات ,,

[رورا الامورا]

المشاركة الأصلية كتبت بواسطة mo0one بنات نداوم بكره ولا لآ راح يكون فيه محاضرات ,,

أنا جدولي بكرا اوف ماشاء الله
بس بليييييييييييييييييز اللي داومو يقولونا في محاضرات ولا لاه

[Mo0oNE]

انا بس عندي محاضره وحده ثقافه 3

رورا ,,

اذا وحده عدلت جدولها من النت وراضيه عنه خلاص

لازم تروح توريهم هوه وتسالهم ولا خلاص ,,؟

[جوري جده]

حتى انا عندي بكره اووف
ان شالله اداوم السبت