الأسئلة والاستفسارات عن كلية طب الأسنان ..

[همس المشااعر]

يعطيكم العافية :)

[Dr~NanoOok]

الانجليزي ما يحيكون عائق باذن الله
ومع الوقت حتتعودي الدراسة بها وتشوفيها سهله

اغلبنا بالمدرسة نكون عارفين الجرامر والكثير من المفردات بس ما نعرف نصيغها في جمل ونتحدث بيها
انصحك بمعهد بيرلتز للغات ، تركيزهم علي المحادثة بشكل كبير ويطورك في دا المجال

،بالتوفيق لك

[غ يــر البشر]

د. نانوك
يعطيك ربي ألف عافية
آسفع ع تأخير ردي بس كنت مشغولة

[شقاوة طفلة]

السلام عليكم ورحمة الله وبركاته
كيفكم اخباركم ان شاء الله تمام ؟؟


انا طالبة حتخرج دي السنة ان شاء الله
و حابة احط في بالي تخصص محدد يعني عشان يكون دافع ليا اني اجتهد



ايش رايكم في التخصص ؟؟
و كيف الدراسة فيه (ما حسالكم من حيث الصعوبة لان كل صعب بالاجتهاد يصير سهل )
يعني ايش تدرسو و ايش طبيعة المواد ؟؟
هل طب الاسنان في جروح و شق و دي الاشياء ؟؟
و ايش حتكون الوظيفة بعد التخرج ؟؟
و هل التخصص مطلوب ومرغوب فيه ولالا ؟؟
و بالله كيف القسم يستاهل الواحد يدخلوا ولالا ؟؟

يعني حرام الواحد يدرس ويكرف و ما يدخل قسم عليه القيمة

اسفة طولت عليكم بس دا مصير لازم الواحد يفكر في تمام

[شقاوة طفلة]

خلاص دخلت القسم و اتعمقت في

و مررا عجبني

بس سؤالي دحين مادة الاناتومي << مدري هي صح كدا تنكتب

ايش تاخدوا فيها ؟؟

[Dr~NanoOok]

اهلين عزيزتي

بالتوفيق لك يارب وشدي حيلك وباذن الله نشوفك معانا بطب الأسنان ^_^
حتستمتعي بالتخصص كثير اذا حبيتيه وحبيتي الشغل العملي

والاناتومي شايفتك اخده همه ومن تشريح الجثث
ابدا لا تاخدي همه ؛ كتيرين كانوا متخوفين من دي المادة ومن المشرحة
لكن ما حصل شي؛ واقري تجارب البنات

حناخد جسم الانسان وكل الاجهزة اللي فيه بالتفصيل لكن بشكل اقل من الطب البشري
لكن عندنا بيركزوا على منطقه الرأس والعنق اكتر شي

تاخدوا المحاضرات نظري بعدين تشوفوها عملي بالمشرحة

ما حتشرحوا جثة كاملة
هي حتكون مشرحه وجاهزة و اجزاء معينه من الجسم
مثلا قلب - كبد - طحال وهكذا

اقري موضوعين سنة ثانيه وحتلاقي اجوبة لاغلب تساؤلاتك باذن الله
http://www.skaau.com/vb/showthread.php?t=418364

ومواضيع القسم المثبته حتساعدك كثير


يلا بالتوفيق وربي يختارلك الخير

[khaled-02]

اولا / حاب اقول لكم كل عام وانتم بخير بمناسبة شهر رمضان المبارك اعادة علينا بالخير والمسرات وتقبل الله منا ومنكم صالح الاعمال ..

ثانيا / عندي استفسار حاااااب اسالكم متى موعد التحويل انا سالت الدكتور حسن شلال رئيس قسم الكليات الصحيه وقال لي ان التحويل سيتم ببداية شهر رمضان المباارك والي حد الان لم يتم التحويل ولم ياتي شي جدييد ..

اللي عنده خبر اتمنى يسااااعدناااا الله الموفق [/b]

[طارق الحارثي]

وانت بخير ياعسسسل
هذا انت خالد ما غيرك
والله ما ادري صراحة لكن ان شاء الله مايجي نص رمضان الا هي نازلة ... او مع نهاية الترم الصيفي يوم 19 رمضان

[khaled-02]

الله يسعدك طااارق ان شالله عما قريب نفرح توكل ع ربك انه قريب مجيب الدعوات ..

[NoOoNy360]

السلام عليكم

انا عندي سؤال
هل في اختلاط في الدراسة في كلية طب الأسنان وحتى لو في بعض المحاضرات؟؟