تجمع للمتقدمين والمتقدمات للدراسات العليا لعام 1432 - 1433 هـ

[عماد الحسن]

السلام عليكم ورحمة الله ،، تحية طيبة لكم جميعاً واسمحوا لي أشارك مع أختكم فتاة العصر (جزاها الله خير) في هذا الموضوع الهادف، الاخت (هنوووووني) تفضلي هذه الإجابات :

1 _ بالنسبه لقسم اداره تربويه ابي رايكم فيه في مجال التوظيف يعني يفيدني ولالا ؟؟ وفي ايش يفيدني هل يفيد في الجامعات كإداريه مثلا ؟؟
ج/هذا التخصص ما زال جديد وتخرجت منه دفعتين فقط، والغالبية موظفين وحصلوا على امستوى السادس في التعليم وبعضهم تعين محاضر او تم ابتعاثهم وكثير يكملون الدكتوراه، عموماً هو مجال طيب جداً وأنصحكم به.

2 _ بالنسبه للمواد الخاص (طبعا لان اداره تربويه فهمت انها بس خاص)ابي أسأل عن مواعيدهم هم كاتبين مساائي يعني ايشش من متى ممكن يعني تكون بعد المغرب ؟؟والعشا؟؟
ج/ دوام الماجستير التربوي لطالبات جدة من السبت للثلوث من 1-4عصراً.

3_ في وثيقتي هذا نص تاريخ التخرج تخرجت من كليه التربيه في الفصل الثاني 1427 هـ الموافق 2007 م
واسفل مره مكتوب بخط صغير حررت الوثيقه 9_7_ 1428 هـ ، يعني انا خريجه 1427 ولا 1428 هـ
ج/اكتبي التاريخ الثاني 28هـ ولا داعي للخوف من هذه المسألة لأن صورة الوثيقة عندهم في الطلب نفسه.

4 _ بالنسبه لي انا ابي اما احياء او اداره تربويه طيب المهم انا لو دخلت ستيب وماجبت الدرجه طبعا ماحاقدر اقدم ؟؟!!فكيف تقولوا يمديني ادخل دوره بديله للاداب يعني بعد عدم اجتياز الستيب اقدم عالدوره طيب كيف اقلهم اني قدمت عشان يقبلني الموقع ؟؟مع اني اعرف ان الخاص مايبغوا درجه معينه للستيب فقط 10 بالمائه لكن عشان اذا كانت سيئه ابي اضمن قبولي فهمتوا علي ؟؟
ج/اختبار ستيب لا يطلب درجة محددة في الادارة التربوية وكلها مقبولة منكم، أما الاحياء فلابد تكون نتيجتك 52% ، أما الدورة فهي لكلية الآداب أو الاقتصاد ولا تشمل الأحياء أو الماجستير الخاص.

5 _ اخر سؤال اقدر اسوي موضوع تجمع طالبات الاحياء ؟؟ ولا مرفوض من المنتدى عشان نقدر نستفيد ونعرف مراجع اختبار المفاضله لانكم كاتبين هنا احياء واحد واثنين مو عارفه اسم المؤلف ولا شي .
ج/من حقك تعملي أي تجمع للتخصص ولكن هو موجود أصلاُ في عدة مواضيع وممكن تراجعي المنتدى وتشاركي معاهم.

[هنوووووني]

المشاركة الأصلية كتبت بواسطة عماد الحسن ج/هذا التخصص ما زال جديد وتخرجت منه دفعتين فقط، والغالبية موظفين وحصلوا على امستوى السادس في التعليم وبعضهم تعين محاضر او تم ابتعاثهم وكثير يكملون الدكتوراه، عموماً هو مجال طيب جداً وأنصحكم به. يعني الحين اداره تربويه ماتفيد غير بالتدريس سواء جامعات او مدارس ..قهر يعني توقعت تفيد بالاداره سواء جامعات او شركات.. بس الحين تبين لي ان اللي ممكن يفيد في غير التدريس ممكن اداره اعمال .. ج/اختبار ستيب لا يطلب درجة محددة في الادارة التربوية وكلها مقبولة منكم، أما الاحياء فلابد تكون نتيجتك 52% ، أما الدورة فهي لكلية الآداب أو الاقتصاد ولا تشمل الأحياء أو الماجستير الخاص. اها توي عرفت ان الدوره ماتنفع لحقون الخاص ثاانكس .

ربي يسعدك انت مررررررررررره افدتني بمواضيع كثيره بالمنتدى

[شعشوعه]

شكراا للتوضيح فتاه العصر الله يجزاك خير يعني الحين اختار في الثلاث رغبات علوم احياء والله ييسر لنا وننقبل

هنووووني اي اختبار تقصيدين اللي شفتي مع البنات الكتب ؟؟
وانا معاك نبي صفحه للاحياء

[batbot]

مرحبا
عندي كم سؤال عن السيرة الذاتية
هل نكتب في راس الصفحة جملة السيرة الذاتية ولا نبدأ بالاسم على طول؟
و
ماهبي التنسيقات المتاحة للسيره الذاتيه من تغير الوان واطار .......؟

[فتاة العصر]

اختي هنووني
هلا بيك بموضوعنا واحب اول شيء اشيد بكي انكي قبل ان تسالي قراتي اولا واستفدتي ثم سالتي وهذا سلوك اشيد به لكي تحياتي وتصفيق حاااااار ،، لأن القراءة اولا هيا الاساس
ثانيا شكرا لكي لدعواك وانا فعلا احتاجها
ثالثا بالنسبة لأسئلتك اشكر الدكتور عماد واختنا همس المشاعر على توضيح الأمور لكيوزيادة من عندي احب انهبكي لشيء مهم وهيا ان البرامج الخاصة يجب ان تكون خريجة كلية تربية او ان يكون معكي دبلوم تربوي لتستطيعي التقدم للبرامج الخاصة ،، ونتائج القبول عامة لن تظهر الا بعد اختبارات المفاضلة لكل الأقسام وظهور نتيجتها
وبالنسبة لكتب الأحياء انا اقصد ملازك وكتب احياء 1 و2 في المواد اعلامة واذا عرفتي كتب اخرى حطيها هنا حتى يستفاد الاخرين

اختي batbot

السيرة الذاتية ممكن تسويلها صفحة بداية كعنوان السيرة الذاتية ورسمة بسيطة
ولكن التنسيق ارجو ان لاتكثري منه خصوصا لما تيجي تقدمي السيرة لجهة حكومية والأهم انك تحطي معلوماتك بشكل مرتب وواضح ومكتمل

اخي الدكتور عماد وهمس المشاعر
عن جد شرفتوني ونورتوا


تحياتي

[هنوووووني]

اختي هنووني هلا بيك بموضوعنا واحب اول شيء اشيد بكي انكي قبل ان تسالي قراتي اولا واستفدتي ثم سالتي وهذا سلوك اشيد به لكي تحياتي وتصفيق حاااااار ،، لأن القراءة اولا هيا الاساس اختي بالعكس انا اشكركم على هالموضوع يعني انا اذا قرأت اكيد بستفيد كثير بدل ماااكرر الاسئله وتتعبون ثانيا شكرا لكي لدعواك وانا فعلا احتاجها الله يزيدك خير ويفتح عليك انت تستاهلي كل خير البرامج الخاصة يجب ان تكون يخريجة كلية تربية او ان يكون معكي دبولم تربوي لتستطيعي التقدم للبرامج الخاصة اها اعرف والفضل لله ثم لقرائتي لما تفضلتم به من اجابات في الصفحات السابقه ،، ونتائج القبول عامة لن تظهر الا بعد اختبارات المفاضلة لكل الأقسام وظهور نتيجتها اهاا هذا اللي كنت ابي اعرفه مافصرتي وبالنسبة لكتب الأحياء انا اقصد ملازك وكتب احياء 1 و2 في المواد اعلامة واذا عرفتي كتب اخرى حطيها هنا حتى يستفاد الاخرين والله ماعرف شي بس يارب يفيدونا بنات الاحياااء بخصوص الكتاب اللي نذاكر فيه في الاحياء

اتمنى التوفيق للجميــــــــع

[فتاة العصر]

اختي bg
لو بتكملي في الانجلش او في قسم ترجمة مهنية يصير لازم تجيبي 83 حسب جدول الشروط
لكن الباقي طالبين درجة الاستيب 52
وكل البرامج الخاصة التربوية لازم يكون معاكي دبلوم تربوي عام او انك تكوني خريجة كلية تربية

تحياتي

[حبي لذاتي قمة أولوياتي ~]

الموقع مغلق او معلق مايفتح وياي


عسى يكون خير يارب ~

[HAMS_ALROOH]

السلام عليكم
ياجماعة انا تخصص بكالوريوس علوم حاسب معدلي 3,63 من 5 وبقدم ماجستير علوم حاسب هل القدرات والstep مطلوب وكم الدرجة المطلوبة ..
وهل استطيع تجاوز اختبار ال step في شهر اربعة اواقدر تأجيله لشهر 8 افيدوني الله يجزاكم الجنة


" الله يهونها على كل مسلـــــــــــــــــــمـ "

[عماد الحسن]

المشاركة الأصلية كتبت بواسطة hams_alrooh السلام عليكم ياجماعة انا تخصص بكالوريوس علوم حاسب معدلي 3,63 من 5 وبقدم ماجستير علوم حاسب هل القدرات والstep مطلوب وكم الدرجة المطلوبة .. وهل استطيع تجاوز اختبار ال step في شهر اربعة اواقدر تأجيله لشهر 8 افيدوني الله يجزاكم الجنة . " الله يهونها على كل مسلـــــــــــــــــــمـ "

عليكم السلام ورحمة الله ،، ونرحب بكل المشاركين
المطلوب لماجستير الحاسب هو 450 أو 67 في التوفل، والمفروض تدخلي الاختبار القادم للمحاولة وممكن اعادة الاختبار في شهر 8 لكسب الخبرة والله يوفقكم جميعاً..