تجمع طالبات الجغرافيا(اللي انقبلت جغرافيا تدخل)....

[اميره العاشقين]

الله يسعدك ياقلبي ويوفقك يارب ...........

[Mo0oNE]

يلآ شدوو الهمه
بدآناا الجد

الله يوفقنا ويكتب لنا الي فيه الخيير,,

[ناعمة العود]

مســاء الخيـــر صبــايا

ابسألكم مين عندها محاضره بمبنى c5
انا عندي محاضرة جغرافية اقتصادية مع نجوى اصيل هناك..هو مبنى العلمي مو كدا؟
الي معايا تقوول لي...
وبالتـوفيق يارب ..وان شاء الله يكون الترم هذا احسن من الاول ومعدلاتنا تكون اعلى...

[Mo0oNE]

انا كمان عندي محاضره في c5

بس مادة نظم المجتمع السعودي

معقوله يكون علمي,,؟

[MS.Fabulous]

المشاركة الأصلية كتبت بواسطة Mo0oNE انا كمان عندي محاضره في c5 بس مادة نظم المجتمع السعودي معقوله يكون علمي,,؟

مرحبا
شوفي ياعسل انا انجلش وعندي بالعلمي 3 محاضرات في بنات في الادبي ياخذو عندهم والعكس العلمي كمان ياخذوا في الادبي
اذا مكتوب عندك
مبنى c والغرفه تبدا برقم 102 مثلا يعني مبنى c الدور الارضي
اذا يبدا ب 208 مثلا يعني مبنى c الدور الثاني
واذا يبدا ب 302 مثلا يعني مبنى c الدور الاخير
اتمنى اكون افدتك
موفقه

[Mo0oNE]

^^

يسلموو على التوضيح ,,

وصلت المعلومهـ ,,

[جوري جده]

مين اخدت اليوم محاضره جغرافيا سياسيه من 10 الى 10.50 ؟؟؟؟
عشان بشوف اخدتو شي ولا لا ؟؟؟

[هـــدوء!]

آآآآآهــــــــــــــــــــــــــــ

بنات جدولي يتغيييييييييير يناس خلاص بنبدا محاضرات وهوا يتغير اموت واعرف مين يغيروا آهـــ ضايق صدري بدرجه اوب طبيعيه
المرشده تقول مو انا الجامعه يغيروا

[رورا الامورا]

مساااااااااااااااااااااااء الورد
كيف حالكم يابنات وكيف كان اول يوم محاضرات معاكم؟؟
وكيف الاستاذات ؟؟والمواد؟
أنا بالنسبه ليا كان عندي تطور فكر مادخلت عشان جيت متأخر بس صحبتي اللي معايا تقول كل شي تمام الاستاذه والماده
ونصوص جغرافية اخدنا 6 مصطلحات وتعريفها ودكتوره دكتوره دريه طيبه وبنت حلال
وقالت كل اسبوع راح ادي 3 بنات تكاليف انهم يأخدو الكلمات ويترجموها بطريقة ابسط
وبعدين أخدنا جغرافية المدن مع الدكتوره إفراج....بصراحة للأن ماكونت فكره ولا تعليـــــــق بس واضح ان الماده دسمه على قولت الدكتوره..
الله يعوض تعبنا وصبرنا خير
البنات اللي مع دكتوره عائشة عبدالقادر قولولنا ايش يسير معاكم..وأنصحكم خليكم معاها كويسين تراها دكتوره ماتتعوض..ياليت كان جدولي يسمح اخد معاها

يلا ياصبايا ياحلوين قولولنا ايش سار معاكم

<<<<لحد يدقق في كلامي في حالة إكتئاب بعيد الشر عنكم وعن كل مسلم ومسلمه

[جوري جده]

انا الاستفتاحيه
اول محاضره كانت نظم وبناء المجتمع السعودي مالها لا مبني ولا قاعه فماحضرت
والتانيه كانت جغرافيا سياسيه وماحضرتها << اللي حضرتها تقولي اخذو محاضره ولا لا
والثالثه نصوص جغرافيه الماده شكلها حلوه والاستاذه دريه طييبه