تجمع طالبات الجغرافيا(اللي انقبلت جغرافيا تدخل)....

[نينا..]

مساااء الخير عالحلوين...

انا داومت يوم السبت .. واخذت تطور فكر ااااااااااااه ببكي من هذي الماده كأننا في حصة املاء,,,>>> وحشتني كلمة حصه هع

الموهيم وبعدها اخذت سياسيه استاذه دليل مرررره طيوبه رغم اني سمعت عنها كلام عكس كذا بس الحمدلله,,, بس مشكلتها صوتها واطي يعني لازم تجلسي في الصفوف الاولى عشان تسمعي...
وبعدين حضرت مبادئ مساحه ... وصح انو الاستاذه طول الوقت وهيا تقول صعبه صعبه >>> ماتعرف تجامل... يالله خلينا عشان نجتهد ... والله اني اكثر ماده خايفه منها مساحه ...

10 درجات على سؤالين تسألك هيا طول الترم. وانتي وحظك لو غطلتي مره تروح عليكي 5 درجات او كنتي غايبه ولو تكرر هذا الشي راحت عليكي العشره الله يعينا وننجح بدرجات عاليه وكامله ياااارب ومعدلات تشرف....
واليوم ماداومت عندي نظم وبناء ,,,, وثقافه 3 اللي داومت تقولنا لو اخذو شي,؟؟

[نينا..]

صح موني مبروووووووووووووك عليك القسم الجديد

الله يوفقك يااارب وييسرلك امورك...

بس لاتقطعينا زورينا كل يوم سلمي واطلعي ههههه...

[جغرافية 2010]

موني الف الف الف مبرووووووووووك يا الغلا

وربي فرحتلك من كل قلبي

موفقة يا رب

-----------------

كيفكم يا حلوات

ابغاكم تساعدوني بحظر محاظرة تطور فكر جغرافي بس ابغاكم تدورولي شعبة مناسبة

ابغاها يوم s.m يا ليت تساعدوني وربي راح ادعيلها من كل قلبي :)

[ناعمة العود]

هلاا جغــرافيـــه

اممممممم
فيه محاضرة تطور فكر جغرافي شعبة FA مع سلوى محمود حافظ مبنى C قاعه 205 من الساعه 11 الى 11,50
وفية شعبه تانيه CA بنفس الايام مع سلوى محمود حافظ قاعه 207 مبنى c
من 9.00 الى 9.50

ان شاالله اكون فهمت طلبك وساعدتك..
بالتوفيق لك ياقمرر

[جوري جده]

نينا ياقلبو ابغاكي تعطيني اسم كتاب ماده الجغرافيا السياسيه لاني ماحضرت لها يوم السبت

[نينا..]

والله ياروحي انا حضرت بعد الوقت بعشر دقايق لاني والله كنت اجري من قاعتي الى المدرجات
طبعا اعطتني كلمتين بس كانو خفاف شوي ودخلتني..

بس مامداني اخذ اسم الكتاب ياقمر بس ان شاء الله اذا اخذتوا بعطيك هوا,,,
انتبهوا احد يتاخر عندها فيه وحدع دخلت بعدي انا وصاحبتي وطرجتها والله رغم انها اول محاضره
وخليك دايم جالسه في الصفوف الاولى عشان تسمعي صوتها كويس

وحاولي كمان تكتبي معاها,,,

[Mo0oNE]

الله يبارك فيكم ,,

ولوو نيناا ,, انا كل يوم قاطه هنا في التجمع ,,

جغرافيه ياقلبوو

فيه كمان شعبه da من 9:30 آلى 10:20

يوم الاحد والثلاثاء

الله يوفقكـ حبوبه ,,

[نينا..]

المشاركة الأصلية كتبت بواسطة mo0one الله يبارك فيكم ,, ولوو نيناا ,, انا كل يوم قاطه هنا في التجمع ,, جغرافيه ياقلبوو فيه كمان شعبه da من 9:30 آلى 10:20 يوم الاحد والثلاثاء الله يوفقكـ حبوبه ,,

ههههه


شطوره فيكي الخير والله ياموني..

نورينا كذا... الله يوفقك

[نينا..]

اللي حضر للاستاذه دليل... متى حددت الاختبار


لان الاستاذه خيريه والاستاذه سلوى ... حددوا مواعيد اختبارتهم...

ويقولن بنات انو المدن حددوها بس اتوقع اللي مو مع افراج مو الدكتوره الثانيه.....لان انا ماعندي مدن

وبغيت اعرف لو احد اخذ مادة نظم وبناء المجتمع...

[رورا الامورا]

السلاااام عليكم ورحمة الله وبركاته
كيف حالكم يابنات ان شاء الله بخير
أنا ولله الحمد والمنه كأن يومي حلو تقريباً
أول حاجه أخدت جغرافية أقتصادية مع دكتوره أمينة السوداني
وكانت المحاضره حلوة والدكتوررره الله يسعدها تعرف تشرح زي العسل ماشاء الله لا قوة الا بالله<<ذكرتني بدكتوره عائشة عبدالقادر الله يسعد قلبها والله من الفرحه حسيت حالي حبكي أنو في دكتوره زيها في الشرح
وطلبت مننا كتاب الجغرافية الاقتصادية للدكتور محمد محمود الديب وقالت ماراح نحتاج منه غير أول 100 صفحه
وتاني محاضره كانت مع الأستاذه أفنان الديباني ثقافة أسلامية..برضو عسل بس أخدنا مقدمه وقعدت تتكلم معانا عن الاختبار والمحاضرات والحرمان ووقت دخول المحاضره وطبعاً كتاب الثقافة الاسلامية مستوى 2
وثالث محاضره كانت الجغرافية الحيوية مع الدكتوره إبتسام العواري حبوبه وعسل كمان ماشاء الله عليها وحسيت انو الماده راح تكون ممتعه ان شاء الله امممم والكتاب قالت انو لسا ماأستقرت على كتاب ولما تستقر راح تقولنا..
دا اللي سار معايا اليوم
بس حبايبي حبيت أسالكم عن كتاب جغرافية المدن دورتو في دار الحافظ وخوارزم وجرير مالقيتو اللي لقيتو او شافتو او سمعت الدكتوره تقول فين الله يسعدها تقوووول لاني لفيت ولا لقيتو..
يلا حكونا انتو ايش سار معاكم وكبف كان يومكم..
يارب يارب ياكريم ياعظيم تكرمنا وتوفقنا كلنا وتنجحنا بدرجات نفتخر فيها