وظائف للمعيدين والمعيدات-والمحاضرين والمحاضرات بكلية العلوم والاداب بخليص

[امونة المزيونة]

انا رحت المقابلة اليوم تخصص مهارات كونا برضو 12 اصلا هم اللي دخلو الاختبار هما اللي عملو المقابلة ومافي محاضرات يا ام فرح وذكرى كولنا اعادة .. بس البنات يقولو المحاضرات بغرفة تانية يعني ممكن فيه بس ماشفناهم...:)

المقابلة زي ماذكرت الاخت مرتين مرة عامة ومرة بالتخصص ، صراحة التخصص تعمقو فيه يعني ماكان احد حاط ببالو يسألو اسئلة بالتخصص لانو سبق واختبرنا يعني تفاجأنا بالاسئلة...

بكتبهاا ممكن تفيد احد بأحد الايام:)
اول شي تكلمي عن نفسك ، ولما قلت تخصصي علم نفس قالتلي الاستازة السودانية تخصص جميل بس اش علاقته بمهارات الاتصال؟ وسألتني بعدها هل لمهارات الاتصال علاقة بالعلوم الاخرى؟! قلت طبعا يدخل بكل العلوم قالت زي ايش ومثلي؟!
وسألتني عن نظريات الاتصال قمت عطيتها كم شغلة قامت تضحك وقالت لو مو عارفة ياايمان لا تألفي قلت طيب بس كأنو قريت كذا:d
وسألتني عن الحوار الايجابي والسلبي والفرق يينهم؟! وانواع المتلقي؟ وقالت كلمة جدل وكلمة حوار اي وحدة مشتقة من الثانية وسألت سؤال بتخصصي موقف افتراضي لطالبة متمردة وطالبة جانحة اش تعملي معاهم؟! وعطتني كلمااات بالعربي اترجمهاا انقلش ههههههه وماااا احس اني اخترعت لغة جديدة :p
حتى الاستازة نفسها استغربت:/
وجات الاستازة السعودية وسألتني وقالت بحكم انك دارسة علم نفس>> لما يقولو هالجملة تحسي شي بيجيكي بعميييق التخصص وتجيك المغصه بالبطن خخخ
المهم قالتي لو عندك طفل عنده فرط حركة وطفل انطواي كيف توفقي بينهم وتخليهم بنسجمو مع بعض؟؟!!!

هذي الاسئلة طبعاااا لازم من سرعة البديهه اول ماتسأل ويخطر شي ببالك جاااوبي لانو اغلب الاسئلة اقعد افكر فيها ولما اجي اجاوب تجي تسأل سؤال ثاني ماتعطي فرصة تفكري ابداااا ، حتى لو ابتذكر شي عالطول تقطع ويجيك سؤال ثاني ....!

يعني كلو تأليف بتأليف لانو ماكنت مستعدة ابدا انسأل كذا اسئلة متعمقة:( بس تراهم حبوبين يعني مايخوفو ولا ياكلو ههههههه عشان والله البنات يفجعو يخرجو زعلانين ووجيههم ملونة او معصبين تحسي معارك بتصير جوا بس لما دخلت حسيتهم عادي صح ماكنت بيرفكت بس مو لدرجة انهم يستفزوا مرة..:)


بس والله تعبت لجنة وحدة لكل المترشحات وانا كونت ااااخر وحدة بكل المتقدماات ، قفلت الجامعة بعدي هههههه بس الحمدلله ع كل حاااااال ويارب تبشرناااا عما قريب...:)
يعني ناامووو قبلها كووووويس انا جيت 10 الا ومادخلت المقابلة الا وحدة ونص!!

واللي يسألو متى النتايج وحدة قالت عالاسبوع الجاي وانا سألت استاذة اسماء لما خرجت قالت ماعندنا خبر متى بس راح نبلغكم بالمسجات ، بس مو بعيد..:)

[هنووو1]

fresh water

سؤال هل وصلت لك رسالة مقابلة والا لا
ومتى راح تكون مقابلة بنات الكيمياء

[هنووو1]

امونة الله يكتب لك الخير

[ام فرح وذكرى]

شكرا لك امونة والله يكتب لك الخير فيها ترا انا اللي محيرني اني قدمت على محاضرة مهارات انا ووحدة اخت غيري بس اذا كنت فكرتني انا اللي كنت باخر الصف عند الشباك بس فاتني اخد رقم الاخت الثانية والله يرزقنا بأحسن منها كسبنا معرفتكم الطيبة تحياتي

[همة همة همة]

أمونة هل صادفتي بنات وجدوا اسماءهم في قائمة المقابلة ولم تصلهم رسالة
مثل حكاية الاختبار
الله يرزقك الخير ايينما كان وحل
لانك على قولك 10 طالبات ونفسهم هم الي في الاختبار
يعني مش 4 يختارو ا2 اكيد و2 احتياط انما ماشاء توصل للعشرة


بنات انا ماوصلتني الرسالة للمقابلة تنصحوني اروح بكرة لان بكرة مقابلة تخصصي
اش رايكم من راح تسوي كذا
تخيلوا باقي امل وبكرة مقابلة تخصصي
ههههههههههههه

[Kaname]

بصراحة يا همة حلو الواحد لما يكون عنده بصيص امل ,,,
بس ام ميسا اكدت لنا انو اللي ماجاتها رسالة المقابلة يعني مستبعدة

ومع اني لسه لاخر لحظة بيظل عندي امل بس خلاص الحمدلله على كل حال ,,,
اخاف تروحي على الفاضي
هما لو ينزلو الاسماء في الموقع زي بعض الجامعات كانو يفكونا من اللخبطة حقتهم

بصراحة استخيري الله اول لو انك ناوية تروحي عشان ما يكون مشوارك على الفاضي

[همة همة همة]

مابروح
لان ام ميسا اعطتهم اسمي وبياناتي عشان يتاكدوا هل من ضمن المرشحات فيرسلوا فاكيد اني ماني مرشحة
فما بروح
اكيد

انت اول مرة تقديمي ياكانيم ؟

[Kaname]

ياقمر عدي واغلطي من كتر ما اقدم هههههههههههههه
لا انا ليا سنتين ونص متخرجة والحمدلله على كل حال
وقدمت كتير ودخلت اختبارات كتير لكن رزقي لسه ما جا ^_^
افكر اقدم في الجنوب دحين بس بعيدة والله يسهل امرنا يمكن رزقي هناك ...
وبعدين لا تيأسي انتي اول مرة تقدمي صح ؟؟,, بالعكس هذا يعطيكي خبرة ودافع اكبر عشان تواصلي وتواصلي وتجتهدي اكتر ,,

الله يوفقك يا رب

[همة همة همة]

الله يسعدك وتنقبلي في الجنوب
انا مالقيت تخصصي

تدرين مو صح الميزانية حقت المملكة زادت كما في العربية
وراح ينشؤوا 40 كلية
و742 مدرسة
يلا نتشجع يارب يكون لنا نصيب عاجلا غير اجل
ردي على ايملك بعد قليل
مو انت اسمك يبدا بحرف الراء ؟

[Kaname]

الله يسعدك يارب ويرزقك الوظيفة عاجلا غير اجل وان شاء الله ما تفقدي حماسك .,,

ايوا اسمي اللي بحرف الراء ههههههه

تصدقي مالقيت تخصصي كمان
شكلي ببعد كمان شوية واشوف وظايف نجران ><