جدآولـــ طلآب وطآلبات آلحيوي //~

[فتاة جدة الذهبية]

بنات شو رايكم في جدولي ايض 2 وفيزيائية وتنظيم ايض ومصطلحات وثقافة3
وتطبيقات حاسوبية في الكيمياء الحيوية ((15 ساعة و رايكمـ^^ولا ضغط

[Pr!ncess]

المشاركة الأصلية كتبت بواسطة فتاة القرآن السلام عليكم

المشاركة الأصلية كتبت بواسطة فتاة القرآن عندي استفسار خارج الموضوع ... المواد بالصيف هي محددة ولا لا؟ يعني أقدر اطلب مادة ابغاها ولا لا؟ وكم عدد الساعات المسموح بها ؟ وكم معمل لكل مادة بالصيف؟

{ وعليكم السلآم
تقدري تطلبي أي ماده , بس يفتحوها صيفي على حسب كثرة الطلب على الماده دي , وكمان على حسب وجود دكتورة تديها
قدمي طلبك انتي وقروب , وأسألي رئيسة قسمك عن احتمالية نزول الماده اللي تبيها
مسموح لك بالصيف بس 9 ساعات , معملين بالاسبوع تاخدي للماده الوحده ~


~

المشاركة الأصلية كتبت بواسطة غوالي. ^^^

المشاركة الأصلية كتبت بواسطة غوالي. نفس السؤال انا ودي اخذ تحليليه ومايكرو بالصيف بس مااعرف اذا تنزل او لا ؟

{ اسألي رئيسة القسم وشوفي ايش تقولك
وكمان برضو يفتحوها لو مطلوبة الماده وأحد يدرسها ~

المشاركة الأصلية كتبت بواسطة فتاة جدة الذهبية بنات شو رايكم في جدولي ايض 2 وفيزيائية وتنظيم ايض ومصطلحات وثقافة3

المشاركة الأصلية كتبت بواسطة فتاة جدة الذهبية وتطبيقات حاسوبية في الكيمياء الحيوية ((15 ساعة و رايكمـ^^ولا ضغط

{ حلو جدولك مو ضغط أبدن :)
ولو حابه زيدي طاقه إذا ما أخدتيها , لأن جدولك موادو تسمح تاخدي كمان ماده بساعتين
موفقه ~

[فتاة جدة الذهبية]

مشكورة^^ خلاص انا اخذت الطاقة الحمدلله
بس اخاف مايسمحوا لي اخذ حاسوبية لاني مو تخرج

[Pr!ncess]

{ أجل خدي تحليلي مع صفاء
وغالبا ما راح يسمحوا لك حتى لو أضفتيها راح يشيلوكي من الشعبه من عندهم ~

[الشيمآء]

^
كيف صفاء ؟ كويسة ؟
مو هيا اللي بتدي طاقة و لا ديكا ميسون ؟

[Pr!ncess]

{ لا ديكا ميسون
صفاء أحسن وحده بالجزيئيه <- على كلام البنات
لأن اللي أدوا الترم اللي فآت هاله & اعتماد & صفاء
هاله خلاص أخدت معاها تحليلي توبه , اعتماد كتير قالوا لي تغيرت ويكفي نشرة الدرجات اللي شفتها للبنات كلهم اشتكوا
وصفاء ما شفت حد ذمها , فأعتقد هي المرشحه الأولى :p ~

[الشيمآء]

^
آهــا XD
الله ييسر , دحين شايلة هم أستازات المعامل أكتر من أستازات المواد نفسها 3x
<~ حالتي صعبة :/ .

[Pr!ncess]

{ لا تشيلي همها إن شاء الله خير ~

[الشيمآء]

^
آمين يارب :") ~

امممـ .. قاعدة أفكر أضيف هرمونات لو فتحت من 1 لـ 2 , مع تحليلية, فيزيائية, تنظيم, طاقة و ثقافة 3 ..
بس لو سوتيها دوامي ح يكون - زي الطيبين - من 9 لـ 2 متواصل :/
يجي كدهـ و لا كتير عليا ؟

شكرًا :) .

[sho0ory]

شيماء
جدولك حلو كان ع بالي اقلك حطي مادده اختياري
بس السهله


هرمون يقولو حفظها مرا كتير ليش ماتاخذي سرطانيه او مصطلحات