✿!{.. آراءكم في الدكتورات |{للطالبات}ﾟ¨ﾟ*

[koooka]

المشاركة الأصلية كتبت بواسطة kau333 هاني العمري ادارة عمليات كيف

تمام شرحه

[livelove]

هاااي كيفكم شو عاملين مع الاختبارات ,
احم بمانو نحنا علي نهاية الفصل الاول والحذف والإضافة فتح خطر في بالي اسوي موضوع عن الاستاذات وكل وحدة تدخل تكتب موادها واستاذاتها ورايها فيها وايش تطلب طلبتها كثيرة او لا بس . وياريت ما يكون في شات خارج نطاق الموضوع

بسم الله نبدأ
المستوي الثالث
[انقليش 1 ]مع أستاذة رجاء هيا طيبة واخلاق عادي عندها تحضري وتخرجي او تيجي نص الكلاس بس المصيبة ماااافي شرح كلو كلام وكيف تقسمي وقتك في الاختبار وشرحها قليل بلاصح مالو داعي

[اقتصاد جزئي] مع حنان جشعم شرحها كويس مؤ قد المدح ! وهذي المادة اساسا تعتمد على ترجمة والتست بانك

[محاسبة 1]
مع أستاذة اقبال احلي شي فيها مهتما وتدي اوراق وتلخيص يجي منو في الاختبار وشرحها كويس للتركز وتذاكر بس معاملتها تخوف بس تساعد وقت الاختبار

[احصاء اعمال] مع عبير الثبيتي تشرح واخلاق لكن سريعة


[عربي1] مع نسرين بامنصور أخلاق وعسل وفرفوشه مشاء الله عليها وتشرح



وبس هذي تجربتي
يلا أستنا تجاربكم

[esraa.kh]

السلام عليكم ورحمة الله وبركاته

سامحوني حبيباتي بس رح اكتب كل شيء عندي عشن افيد اللي بعدي وأتمنى كل بنت تكتب في المواد اللي عندها..

المستوى الثالث
بسم الله نبدأ
Econ107 الإقتصاد الجزئي : مع هدى خيري عبد الحميد
أستاذه عسل بصراحه وأخلاااااق حتى لوكنتي مضيعه في حصتها عادي تضحكلك بس ماآآآتحب الكلام أثناء المحاضره اكييد
اول ماحضرتلها انفجعت لأنها تقرأ السلايدات وتترجم بعدين تشرح شويه بصراحه تفهمي اذا تركزي
شرحها حلووو ماكتشفت دا الشيء الا آخر الترم لما بدأت اركز
بس الاقتصاد مايبغالو هداك الشرح الا في جزئيات التمارين ركزوو..
بس بصراحه هيا اكتر استاذه مرتااااحتلها تعاملها طيييب وسهل دايمن تقول اللي عندها اسئله تجي تسألني
تحضر كل كلاس يعني لازم تحضري وال10 درجات للواجبات تديكي 6 واجبات مافيها تعقيد وأغلبها تكون من التست بانك!
حتى أسئلة الاختبار سهله ومن التست بانك تساعدك وقت الاختبار وتقدر وضعك اذا كلمتيها وتشلك الغيابات اذا سرلك حرمان..

Account 117 محاسبه: مع سحر جبروني
مو قد المدح صحيح شرحها تمااام ولكن انا اهم شيء عندي الاخلاق للأسف كتير احيان تعاملها جااااف وأبدن ما أرتااااح لأسلوبها وتعاملها..
بعكس بعض الطالبات يرتاحو لطريقتها بس انا ابدن لاء..
نظامها زي المدرسه لازم تشاركي وتنتبهي في الكلاس وفي البدايه كانت تسأل قبل ماتبدأ المحاضره عن المحاضره
اللي فاتت وتنادي عالاسامي اللي عندها بالكشف!!+ اذا مسكتي الجوال اتحملي التهزيء والهجوم اللي يجيكي قدام كل الكلاس
+ أبدن مهي متساهله في الحضور والغياب والتأخير بغياب
شرحها حلوو يفهم و to the point بس اللي متعوده تتأخر وماتركز ما انصحها تروح عندها الااا والاااااا وهيا مدية الماده حقها وحاسبه حسابها
ومنتبهه من البدايه ومركزه وحاضره عالوقت واكيييد بتنبسط.. ولااااازم مجهود منك في المذاكره كمان لاتعتمدي عليها بس
أما اذا غير كده بتكرهي المحاسبه..
وماتعطي واجبات وال10 درجات بيدهاآآ حسب مشاركتك
بس ماشاء الله عليها بتعرف أغلب البنات.. طبعن كل بنت لها رأيها والأسلوب اللي يريحها

Arab101 عربي: مع أستاذه نسرين بامنصور
انسانه رائعه جدن انيقه ومرتبه أخلاقها رااائعه وحتى شرحهاااا رآآآآآآآئع بس نظاميه
بس تحضررر كل كلاااس اسم اسم يعني لااازم تحضري وماشاء الله كل البنات بحترموها وماحدا بيتكلم في كلاسها.. تعاملها سههل حتى في التحضير اذا كلمتيها بتقبل عذرك بصدر رحب

English201 : مع مس رجاء
أستاذه طيبه وعسل ومتساهله ومتفهمه عادي تتأخري تلت ساعه نص ساعه ماتحضري تخرجي على كييفك
بس ماتتكلمي في الكلاس والتحضير تطلع ورقه كل محاضره وتمررها عالكلاس يعني من ناحية الفله فلله..
نجي للشرح شرحها قليل بالنسبه لكلامها الجانبي ونصايحها اللي مااااااتخلص بس لما تنتبهي معاها تفهمي وشرحها حلووو..
تعمل شوية كويزات مررررررررره سهله وبيدها درجات كتير فتشاركي معاها وتحفظيها اسمك بداية السنه وتمشي معاها تماااااام..
تركيزها في الشرح عالرايتنق وماتشرح القرامر كتير


Stat271 إحصاء أعمال: مع هبه باشيخ
أستاذه طيييييبه ومخلصه ومتفهمه وشرحها حلووو كويس ويفهم شويه لخبوطي وسريييييع بحكم انو الماده كده
بس ماااااتحب الكلام وقت المحاضره وتلتزم بالماده والتحضير بس والله عسل اذا منتي فاهمه شيء تروحيلها وهيا على اتم استعداد انها تراجعلك الشبتر كلوو..
بس أهم شيييييييييييء من أووووووووول محاااضره تكتبوو معاها كل كلمه تقولها لأنو الشرح مو موجود في الكتاب واذا مامشيتو معاها من البدايه صح رح تضيعوو..
نحنا كنا مضيعين في الماده رحنالها انا وصحباتي وراجعتلنا اغلب شباتر اللي موفاهمينها الله يجزاها الجنه..
مخلصه وفاهمه الماده بس شرحها سررريع ممكن تضيعي اذا ماتنتبهي تمام على نفسك.. هيا الماده قلق وواجبات وبحوث فأنتبهو لها من البدايه

ومن المستوى السادس
Mrkt260 تسويق: مع أسماء زاهر
أستاذه أسماء زاهر والله بصراحه مع اننا نجلس مفهيين في الكلاس بس شرحها كويس تديكي امثله عشن تفهمي
بس اغلب شرحها قراءة من السلايدات لأنو الماركتنق هوا كلو مصطلحات وحفظ ومنهج طويل فلازم تسرع..
هيا هنديه فطبعن شرحها وكلامها كلووو انقلش بس بتدي امثله وتوصل المعلومه و الحلو فيها تديكي كم واجب مقالي مو صعبين
واتوقع بتاخدي عليهم ال10 حقت المشاركه.. وأي شيء منتي فاهمتو تروحي تسأليها وتحرص انها تفهمك هوا..
أحلا شيء انها تقلك عالمواضيع المهمه قبل كل اختبار وهادي المواضيع المهمه هيا اللي تجي في الاختبار..
واذا ماقالتلكم روحو اسألوها ايش المواضيع اللي نركز عليها وبتساعدكم..
التحضير تحضر بداية كل كلاس.. شرحها مو مره تسأل كتير احيان تحب احد يشاركها ويناقشها بس طبعن ماعندنا سالفه..
بس مرره مرتاااحه معاها بصراحه..

اتمنى اكون افدتكم ولو يشيء بسيط وأتمنى لكم التووفيق

[]

[لمحة إحساس]

نصيحتي حنان الجشعم جربتها بالاقتصاد الكلي وربي ندددددددمت اني اخذت معها مرررا مو قد المدح حتى بالتصحيح تخسسفففففك بالدرجات و شرحها وربي مو قد ذاك المدح كمان احيان ننتظرها بالكلاس و ماتجي و لمن يكون الاختبار ماتعرفك بالمرة حتى لو بس بتساليها معنى كلمة او شي تتنرفز و تقول ماعندك اجابة سلمي الورقة والله هذي تجربتي معها نددددمت مرا و درجات اختباراتي مخسووفة منهااا تمنيت اني اخذت المادة مع وحدة غيرها

[Hannah smith]

مممم بما انو تقريبا خلصنا دا السمستر مو باقي غير الاختبارات النهائية
فحابة اكتب تجربتي مع الدكتورات
* المستوى الثالث *
محاسبة : دكتورة اقبال
منجد رائعة و خسارة انو ما تدرس محاسبة 2
اذا حضرتي معاها اول باول و فهمتي
صدقيني رح تضمني ال100 بإذن الله
و مراااا كويسة و تراعيكي و كل شيء حتى الحضور ما تدقق عليه
بس انتي لازم تحضري لنفسك طبعا ^_^
انجليزي : عيشه
صح هي فلة و كول و تعطينا ساعة كل يوم تقريبا بس صارت الايام الاخيرة ثقيلة دم
و مرا ما تراعي بالدرجات يعني تصحح من قلب و على كل غلطة صغيرة تطير ربع درجة
يعني من النهاية دقيقة في التصحيح

ثقافة و عربي : ما يهم الاستاذات لانو كل الدرجات على الامتحان
بس استاذة زينب حبيب الله مرا كويسة و طيبة و أخلاق و حتى أستاذة هدى الذماري

سيرة نبوية : مادة حرة .. نصيحة خدوها مع دكتورة سمر و محا تندمو
حروب صليبية : مادة حرة .. للي يحب التاريخ ياخدها و الدكتور طيب مرا و الكلاس وناسة

[دجه ورجه وفله]

التمويل

خديجة حريري

انسـانه تعشق التمويل وحياتها تربططها بالتمويل ماشالله عليها + تحب الهرج الكثير + تنفع للي يبغوا تخصص تمويل مستقبلآ + ماتهتم للتحضير + الواجبات أول بأول عندهـا + تعطيك حقك فالدرجات فقط + لو ماتفهمي تعيد مره واثنين وعشره ووممكن توقف الكلاس عشانك + تهتم لمصلحتنا بقوه وتبى نحب التمويل زيها لكن لللاسف احنا مو زيها

نظم معلومات

صباح الصومالي
المادة عامة سهله الفهم + الدكتورة شرحه حلو مو جميل ولا سيء +محترمه + تهتم بالحضور والغياب جدا + اذا تبغي تكلميها او شيء يابالايميل او ساعاتها المكتبيه ماتحب احد يكلمها وقت الكلاس + بالدرجات كويسه

تسووويق

أسماء باهرمز

وماادراكم من أسماء؟؟؟ + انجلش هندي مايينفهم كلامها قبل شرحها + تحب اللي يشارك معاها وهذا نادر في كلاساتها + واجباتها خنفشاريه مثلا سؤال واحد يكون اشرحي وعليه 5 درجات ومايعجبها اي شيء + سئيه فالتعامل وماتراعي + واخذت معاها درجه سئية بسبب الدرجات اللي في يدها الله يسامحها ويعوضني خخير بس

سيرة نبوية

سمر محمدي
ذي مادة حرة + كلمة رائعه مبدعه خلوقه قليل فيها + تشرح المنهج كأنه قصه + تسمعوا (بطيخ - وأبيض ياورد - وسبيستون) كثير عندها هههههه + اسئلتها جدا سهله +ماتهتم بالتحضير + تأشر المنهج واللي نختبر فيه مانرجع له + تضممني معاها أ+ بأذن الله

ثقافه 2
هدى باجبير
تهتم بالحضور جدا + ماتحب احد يتكلم فالكلاس ولازم الكل مركز معاها ويطالع فيها ماينشغل لا بجوال ولا بشيء + الحضور والغياب هوس عندهاااا مسويه قروبات وكل ليدر تحضر قروبها ومره كشفت بنتين حضّروا بعض وشهرت فيهم وفي الاخير طلعت هيا غلطانه ههههههههه

وووبس تقيمي ان شالله يفيدكم

[RHF]

^

د/ رنا ، حقت الادارة ، في الضياع ,,

حتبدأ المحاضضرة بعد 10 دقايق من وقتها ، وبعد 10 دقايق حتلاقي نفسك خلصتي وخرجتي , وتاخد حضور

مممممممم تفتح السلايدات و تجلس تقرالك هي ، وخلاص ،

تطلبك مشروع عليه 10 درجات اعتقد و 5 درجات كويز ( اعتقد لانيي ناسية )

المهم انو الدرجات الي بيدها حتساعدك فيها وتديكي عليها درجة حلوة

بس انها كشرح سيئة تماما , هههههه اصلا مين قال انها تشرح ؟ هي بس تقرا السلايدز

دكاترة الادارة اصلا مضروبين ، بس شوفي وحدة غيرها و لو مافي رنا تمشي الحال هههه اقلها شي تضمني الدرجات الي ف يدها و الاختبار زاكريه من التست بنك و السلايدز ( واهم شي الكتاب هههه ) !!!

[RHF]

انا مممممم اخدت الترم دا

محاسبة 213 مع هيام ، وتعتبر كويسة ، بس كانت تسحب كتير وضغطتنا محاضرات اكسترا مرة كتير , طبعا مافي تأشير و كدا ، بس احسها تراعي كتير في الدرجات الصراحة ، واخر شي عملتلنا كويز عليه 10 درجات مرة كان سهل ،

واخدت تسويق مع اسماء زاهر ، سوبحان الله الخالق الناطق = رنا ديفيا ، ههههههه نفس الشرح تفتح السلايدز وتقراه و تاخد الحضور قبل ما يجو البنات كمان ، بس قبل الاختبار كانت تأشر ( الاختبار نفس التأشير تقريبا ) بس في النهائي احس مممممم جات الاسئلة صعبة او مدري , في يدها 20 درجة احسها نقصتني منها كتير ، ههههه يعني انا ما غلطت كتير في الفاينل ، ومع ال 20 درجة دي لقيت اني ناقصة 9 درجات ، انقهرررت !!! ما تراعي يعني

اخدت نظم معلومات ادارية ممع كمال الخوالدي ، اصلا مدري ليه كنت احضرلو ، اللهجة معدومة ويقرا السلايدز بس و فوق دا كلو دمو تقيل و يسوي نفسو يخففو اااااااه خلاص مابا اتزكررر :@:@
نقولو كم درجاتنا ؟ يقول درجاتكم ؟ طيب خلوها تجيني ؟ من فين اعرف درجاتكم ؟ < يكبر الموضوع
و كان في يدو 20 درجة ، الله اعلم كيف اعطانا هي هههههههه والاختبارات مضروبة حقتهم ، الله يستر من دي المادة ، المهم اني ما انصح بدا الدكتور ابدا ,

واخدت سقافة 2 ، مع اوستازة بدرة ، تدقق في الحضور ، بس تخلص بعد نص الوقت ، يعني تخرج بدري ، ما ناسبتني ، بس انها كأخلاق طيبة ,

واخدت سيرة نبوية مع دكتورة فوزية الشمري ,, < حبيتها في الله
مررررررة طيبة ، وانا كتبت عنها في رد مدري فينو , المهم هي مرة كويسة
واللي بتاخد عندها يا بنات ، اقولكم كيف طريقتها ، حتأشر مسلا , تقول زاكرو تاريخ غزوة الخندق < مثال
انتو لا تزاكرو التاريخ بس ، اقرو معلومات الغزوة كلها ،
كمان في المحاضرة سجلو معاها الكلام المهم ، كان اول سفير اول من استعمل مدري ايه ، الكلام المهم ف المحاضرة اكتبوه لانو اكيد حتجيبو في الاختبارات ، وترا وتدي بونس , مرة يناسو و طيبة :)

بالتوفيق لكم جميعا .

[Lazeza]

^^^
قانون تجاري مع أمل شلبي أصلا مافي غيرها يدي هاذي المادة
ماشاء الله عليها طيبة و شرحها جمييل توصل المعلومة و تثبت .. ربي يسعدها


بنات أبغى أسأل عن سيدة مختار
في مادة ادارة عمليات
كيف الدكتورة من ناحية الشرح؟ و الدرجات اللي في يدها تساعد ولا لأ ؟؟

و شكرا ..

[طالبة عزوز]

ياللا ابدأ اتكلم عن مواد السمستر اللي راح :

1) سيرة نبويه ¸ مع استاذه سمر : والله ذي الحرمه ماادري كيف اوفي حقها بالكلام ¸ اخلاق واسلوب وشرح وتأشير اختبار وماراعاه ف النشاط اللي عليه 10 اسئلتها سهله وماتعترف بالتحضير يعني كامله والكامل الله :d اللي تاخذ معها تضمن الاي بلس ¸ تقيمي لها 10/10.

2) اقتصاد كلي ¸ استاذه لبنه : هذي الادميه قريبه من اللي فوقها بس هذي تحضر والعشره حقتها ع الواجبات وسهله ¸ الماده حلوه اسهل من الجزئي كثير ¸ تدي بونس اخر السنه ع وحده من اختباراتك يعني ترفع درجة واحد لين ماتوصل لدرجة الثاني ¸ تقيمي لها 9/10 لانها ماتشرح زين مرره.

3) ثقافه ¸ استاذه بدرة : هذي تفتح الكتاب وتقرأ وتحضر بدون قلم كيف ما اعرف ¸ عالعموم أنا يمكن حضرت لها شهر يعني 8 او 10 محاضرات والباقي ? ماتدري عن الغياب ابدا ¸ تقيمي لها 8/10.

4) انقليزي 2 ¸ استاذه صايمه : هذي ما اعرف شقول وا? كيف اقول ¸ تقيمي لها 5/10.

5) نظم معلومات ¸ استاذه شيماء : هذي الاستاذه شرحها مرره كويس وكل شيء تمام عندها بس الغياب تموتين ما ترفعه لك يعني مو اي عذر تقبله وتعطي محاضره حتى بيوم الاختبار وبيدها 20 ع العرض تختار لك شابتر وتشرحيهلها انتي وقروبك ¸ تقيمي لها 8/10.

6) تمويل ¸ استاذه نسمه : شرحها فنان وتعيد لك ان شاء الله لبكره وتدي واجبات عليها 10 تهتم بالحضور كثير ¸ تقيمي لها 10/9 ?نها تدقق بالتأخير.

والله يعينا ونتخصص عشان نعرف ايش نضيف مواد :(