][ تجمع للجداول و تعديلها و الحذف و الإضافة ][

[ĐŪ7Ǻ¹«]

المشاركة الأصلية كتبت بواسطة asma2 السلام عليكم بنات ... أنا أحياء مستوى خامس ، رح امشي على نفس الخطة بس راح استبعد حيوان أو نبات و أخذ بدالها وراثة لأني أخذتها المستوى اللي فات مع دكتورة هند الزهراني في الفيصلية و صراحة كانت مرررره ما تعرف تفهم بس كانت تراعي بالتصحيح وأنا ما احب أعدي مادة و أنا مؤ افهمه منها شئ ... الزبدة بعد ذي البربره كلها ابغا اعرف أحسن استأذات للحيوان و للنبات و للمايكرو و للوراثة الله يخليكم تنصحوني عن تجربة أو من درايتهم بشخص موثوق فيه + ابغا مساعدتكم كيف أجيب في ذي المواد معدل عالي لأنو و لا مره وصل معدلي 4 :( .. و مشكككوووريين سلفا و صدقوني كل وحدة رح ترد عليا سواء افادتني وإلا لا رح ادعي لها من كل قلبي لأني مهموما و ضايقه فيني الوسيعه لان كل سمسار جدولي يكون تعبااااان من ناحية الاستاذات و الأوقات :(

وعليكم السلام والرحمة .,

بالنسبة لمادة الحيوان أخذتها أنا مع د/ اريج باخريبه
جداً رائعة وتشرح بقلب وما تخرج من المحاظرة إلا والكل فاهم تضمني معاها الa وإذا شديتي حيلك ال a+


بالنسبة لمادة النبات أخذتها مع استاذة صالحة الشمراني
جداً رائعة وشرحها وافي وتضمني الa معاها

المايكرو اخذتو مع نهاد قمقمجي
حلو شرحها واسئلتها من المنهجما تخرج عنو ابداً وتضمني ال a

الوراثة أخذت مع منى الشريف وما أنصح احد يآخذ معاها
لآني ما خرجت من المادة بأي شيء ما تعرف توصل المعلومة
وغير ملتزمة بأوقات المحاظرة , طبعاً لكل شخص عذره

يعني تضمني ال b فيها ..


وبالتوفيق :::*

[كل الحكي]

بليز لو احد مر بذي التجربه يفيدني ... انا ومجموعه كبيره من البنات كنا مسجلين في شعبه لماده كيمياء حيويه غير عضويه وفجآه انحذفت الشعبه ولما كلمنا المشرفه قالت يمكن خلاص حذفوها او بيدمجوكم مع شعبه ثانيه .... ايش اعمل افيدوني

[flowerqueen]

السلام عليكم ورحمة الله وبركاته

ممكن نروح الجامعة في هذي الايام عشان نعدل الجدول ولا لازم بعد العيد ابغى اسافر وخايفة اطول ومايمديني اعدل جدولي

[LeLou]

المشاركة الأصلية كتبت بواسطة flowerqueen السلام عليكم ورحمة الله وبركاته ممكن نروح الجامعة في هذي الايام عشان نعدل الجدول ولا لازم بعد العيد ابغى اسافر وخايفة اطول ومايمديني اعدل جدولي

و عليكم السلام و رحمة الله و بركاته..

صحباتي اللي يآخذوا صيفي حاليًا قالوا لي أنهم سألوا الشؤون و قالوا لهم الحذف و الإضافة يبدأ من عندهم يوم 19 رمضان بإذن الله..
كمان يا حلوة الحذف و الإضافة لينا احنا مفتوحة حاليًا تقدري تعدليه بنفسك =)
+
لو ما قدرتي تجي الجامعة على أول أسبوع تقدري تشوفي لك واحدة من صحباتك أو قريباتك إذا رايحة الجامعة يصير تاخذ ورقة حذف و إضافة و تعبيها لك باسمك و رقمك الجامعي و المواد اللي تبغي تضيفيها و تديها للشؤون يعملوا لك هي..

بالتوفيق||~

[samrona]

بنات الحين بخصوص خطة السمستر الخامس
ايش طبيعة المواد للي بياخذها كاملة يعني .
- كيمياء حيوية تغذية
- كيمياء حيوية غير عضوي
- ايض2
- احياء دقيقة !

[NSMR]

السلام عليكم ..
بنات الله يسعدكم مين قد اخذت مع استاذة منال الحلوجي *-* (بالفيصليه ) وكيف شرحها كويس اخذت معاها مادتين

[NSMR]

وكمان رشا ونجلاء ( بالفيصليه ) اللي تعرف تقول كيف شرحهم الله يسعدكم ..~

[samrona]

المشاركة الأصلية كتبت بواسطة nsmr وكمان رشا ونجلاء ( بالفيصليه ) اللي تعرف تقول كيف شرحهم الله يسعدكم ..~

رشا ماشاء الله عليها كويسة تطمني معاها :)
اما نجلاء ب سلامتها مإخذت شيء معاها

[NSMR]

المشاركة الأصلية كتبت بواسطة samrona رشا ماشاء الله عليها كويسة تطمني معاها :) اما نجلاء ب سلامتها مإخذت شيء معاها

الله يسعدكِ ي قلبي طمنتيني جزاكِ الله خير ♥♥

[asoma312]

يابنات الله يوفقكم احد يقولي استاذة سوسن رحيم الدين مادة كيمياء حيوي كيف شرحها واسئلتها ؟؟
شعبتها الوحيدة اللي يناسبني وقتها , محتارة آخد الماده معاها ولا أأجلها للترم الثاني ..