( هل لديكِ سؤال عن أستاذات المواد ,, تفضلي هنا )

[جود بنت الفهد]

بحوث عمليات نسرين الملا يابنات وانتو مغمضين
الله يسعدها ويوفقها هالاستاذة .. ماتتوقعون قد ايش المادة معها سهله وبالاصح مسهلتها وهالستاذة قرريبه من القلب مررا ولازم الحضور لانو الماده تحتاج شرح ووافي ولا ماراح تنفهم زين

نظام سياسي سعودي .. هيثم لنجااوي قريت من الشباب يقولو من افضل الاستاذه عندهم ومتعاون
وخالدة اخذت معاها سياسه عامه او شي زي كذا ،، صراحه كنت احضر الكلاس وماني فاهمه شي بس العيب مني مو من اول الكلاس احضر المهم كان عندها ملازمه في المكتبه معتمده حلوه وسهله وجبت درجه حلوه والاسئله ماخرجت من الملزمه

عنود السبعان ،، اخذت عندها مادتين اداره محليه وسلوك تنظيمي هي اصلن المادتين حفظ وتعتمد ع الحفظ والتركييز اول باول لانو في كلام مشابه وجبت عندها سي وبي مع العلم اني مو دافوره

حياة راجخان نظم معلومات ،، زي ماقلت وحده من البنات الاستاذة قالت مافي مقالي وجابت مقالي غير انو ورقة الاسئله محشيه بالاسئله وراء بعض وحنا اخر ناس نزلت دراجاتنا بس جد جد اعطتني درجه ماكنت اتوقعها اخذت عندها ٨٨ وكثير مننا كان مستاء منها بس اغلبنا لمن شفنا الدرجات انبسطنا ونسينا كل شي

سياسه عامه خديجه الحربي ،، الاسئله ماتخرج عن اللي تقوله في الكلاس ،، والافضل اي ماده عند خديجه الحربي قبل لا تبدا الدوره دورا ملخصات معتمدينها البنات لمواد خديجه الحربي واحضرو فيها الدوره وطابقو الكلام المكتوب باللي تقوله اي كلام زياده ضيفوا ع الملازمه وانتهينا وبكذا تسهل المذاكره ونجيب درجات حلووه

اي ماده مع صباح المصري حلوه جربته في قانون اداري مدري العيب مني ولا كيف لاني من الاساس ماعندي استعداد احفظ والقانون محتاج شوية حفظ كنا نناشر معها في الكلاس وتعطينا اسئله ع كل فقره ((خلو معاكم دفتر للاسئله بحيث تكون تحت بعض وتقدور تميزو بين الاسئله ولا تشوه الكتاب لانو ماراح يكفي للاسئله )) واهم شي ام شي تكوني حاضره قبل مايبدا الكلاس بربع ساعه عشان المكان وعشان لايفوتك اي شي لانو كل اللي تقوله مهم ((كتاب للتاشير +دفتر للاسئله + حضور قبل الكلاس بربع ساعه مهم مهم مهم)) اضمني النجاح بدرجات كويسه باذن الله

عربي وثقافه عند اي احد لانو في النهايه ماده اساسيه والاسئله موحده بس احضرو الكلاسات عربي ون لازم تحضرو لانو في عك شوي عربي تو مو لازم بس اقرو المنهج زيين مرتين ع الاقل ،، ثقافه واحد سهل بس كلامه كثير ع المنهج القديم مدري عن الجديد ثقافه اثنين وثلاثه حلووين بس حاولو تحضروا لانو تصير لي كثير ماتطلع الاجابات صح الا لمن اتذكر الشرح وجد كلاسات الثقافه وخاصه ٣ ممتعه مررا

نظريه تنظيم اخذتها مع مها البرادعي استاذه راقيه وهااديه وافتكر ذاكرت من ملخص عذاري وماطلعت الاسئله منه وجبت عندها بي

ادرة خدمات صحه حلوه شوية تركيز ولازم تحضرو الكلاسات وتاشرو وشوفو الاسئله الاعوام اللي فاتت دورها لام رنيم اتوقع لاتهملو هالنقطه

وبس سلامتكم وموفقين

[فطوم وأسوم]

السلام عليكم

حابه احط جدولي والاستاذات وقولولي هل هما كويسين لا

نظريه التنظيم \\نسرين خياط

اداره الخدمه المدنيه \\عنود السبعان

تنميه الموارد البشريه \\امل تركستاني

سلوك تنظيمي\\عنود السبعان

سياسه وصناعه قرار\\خديخه الحربي

اممم كمان ابغ اسال ع الاسله كيف تكون موضوعي ولا مقالي

وهل لهم ملخصات ولا

كثره بالاسئله سوري

ومررا شكرررن ويعطيكم العافيه

[جمآآآنه]

حبايبي ابغى اقولكم اسماء استاذاتي وياليت تنصحوني باللي تعرفوه..

محاسبه..فاطمة كمال كنت ابغى انيسه او العنودبس كلهم فل شعبهم

قانون ..نجاة قنديل كان نفسي بصباح وبرضو فل

اقتصاد جزئي.. ايمان علي سمعت عن فيفان بس مالقيت اسمها

اداره عامه وهذا اللي خايفه منها عند خديجه سالم ضباب احد سمع عنها؟؟؟

علوم سياسيه عند امل عرب

ابغى رايكم الله يعطيكم العافيه

[بنت المدينة المنورة]

--------------------------------------------------------------------------------

السلام عليكم

يا بنات انا ابغى اضيف الادارة العامه مع عنود السبعان بس مو راضية تطلعلي شعبها في الاضافة !
اضفتها مع بدرية الجهني ايش رايكم ؟

[اكليل الورد]

سلام بنات نزلت لي ثقافة المنظمة مع نرفانا انا أخذت معاها قراءات إدارية كان المنهج قليل وسهل الاختبار بس كيف في ثقافة المنظمة اللي تعرف تقولي
وتحليل تنظيمي وأجهزة التطوير مع مها البرادعي من فين المذاكرة لها ملخص ولا كيف ؟؟؟

[كولا لايت]

اساليب وطرق عمل مين افضل استاذه ؟؟
يعطيكم العافيه

عندي ملاحظه بسيطه انو بعض البنات يكررون ويسألون عن نفس الاستاذات
يا ليت كل وحده تستفيد من الردود اللي قبل وتقرأ الموضوع كامل عشان ما يصير فيه تكرار

وبالتوفيق للجميع

[my Engel]

اياليت تفيدوني مين افضل وحدة من الاستاذات لمادة مبادى المحاسبة؟؟
ميمه عبدالعزيز عثمان خلاف الغفاري
هبه محمود محمد مومنه
صفية محمد مصطفى حمودة
مي ناصر محمد الثنيان
رغداء محمد فايز الرملي
اميمه عبدالعزيز عثمان خلاف الغفاري
حمديه عبدالغفار مهران سالم

[مـدى]

بنات مو قادره اضيف العربي 2 على جدولي حذفت كل المواد عشان اضيفها بس برضه ما اقدر ..

[غناتي 2010]

لوسمحتو ردوووووووووووووووووووووووعليه دحين لازم المود الحره اخذها اجبري يعنى زي الاقتصاد الكلى لازم اخذه علما انه ليس موجود في الخطه الدرسيه بالله ردو محتااااااااااااااااااااااااااره وش الاسهل بدله

[اثيرة الصمت]

سلام كيفكم
ياليت تفيدوني كيف مادة التخطيط الاستراتيجي سهله ولا صعبه
وكيف الاستاذه خديجه الحربي كويسه وكيف نظامها في الاسئلة