من لديه سئوال أو استفسار في الرياضيات 111 أنا حاضر ؟

[خلدون15]

سلام ياليت احد يفيدنا اش المحذوف في الرياضيات 111

[أبو تركي 18]

المشاركة الأصلية كتبت بواسطة خلدون15 سلام ياليت احد يفيدنا اش المحذوف في الرياضيات 111

وعليكم السلام ورحمة الله
بالنسبة للمحذوف حسب ما اعرف انه لايوجد محذوف في المنهج ولم يسبق وخصوصاً من الأخوان إلي حضروا الدورة التأهليه افادوا بأنه في محذوف .
ولكن هناك مسائل في المنهج يعني مش من مستوانا مثل الورثة وحق الزوجة والزوج والأبناء لأن هذه مسائل تخصص صعبة علينا كثير وان شاء الله ما تجي

[pharm D]

ممكن نماذج اختبارات سابقة للرياضيات الله يسعدكم

[أبو تركي 18]

المشاركة الأصلية كتبت بواسطة pharm d ممكن نماذج اختبارات سابقة للرياضيات الله يسعدكم

موجودة الأسئلة في نفس الموضوع صفحة 2 - 3 وأيضاً يوجد رابط في ردي على سئوال لأحد الأخوه

[نايف الهادي الهادي]

السلام عليكمتكفى ماهو المحذوف في الرياضيات

[معتزة بذاتي]

طلبي من الاخت الغالية صعب تمتلكني ..
اذا عندك شرح لباقي الابواب جاهزة علشان ما اتعبك
يا ليت تحطيها هنا علشان نستفيد منها
جزاك الله خير ,, ويارب يوفقك

[أبو تركي 18]

المشاركة الأصلية كتبت بواسطة معتزة بذاتي طلبي من الاخت الغالية صعب تمتلكني .. اذا عندك شرح لباقي الابواب جاهزة علشان ما اتعبك يا ليت تحطيها هنا علشان نستفيد منها جزاك الله خير ,, ويارب يوفقك

تأكيد لطب الأخت (معتزة بذاتي )ودعماً لطلبها اتمنى إذا فيه شرح لباقي الأبواب أن تنزليه
ياأختنا العزيزة ( صعب تمتلكني )

[صعب تمتلكني]

المشاركة الأصلية كتبت بواسطة أبو تركي 18 تأكيد لطب الأخت (معتزة بذاتي )ودعماً لطلبها اتمنى إذا فيه شرح لباقي الأبواب أن تنزليه ياأختنا العزيزة ( صعب تمتلكني )

معتزة بداتي وابو تركي
انا شرحت الباب التاني في موضوع تاني
ودا الرابط
http://arabsh.com/vf4k5p2r3912.html
والباب الثالث ادا حابين اشرحه بشرحه انا ماعندي جاهزة >>بس ابغى دعواتكم انتظم

[صعب تمتلكني]

البــــــــاب التالث 3.1
معادله من الدرجه الاولى في مجهول واحد
((الصورة القياسية حتكون ax+b=0))
المعادلة لازم يكون فيها طرفين ايمين وطرف ايسر وبينهم علامه (=)
كيف اعرف انها معادله من درجه اولى اشوف الاس حقت x ادا مالها اس يعني درجه اولى ادا الاس ب2 معادله درجه تانيه ادا ب3 من الدرجه التالثه وزي كدا

لنحل معااله من درجه اولى بمجهول واحد
مثال: 5X-20=0 >>دي معادله لانو بين الطرفين (=) من درجه اولى لان x بواحد

اول شي نخلي نعملو انقل (-20) لطرف الايمين عشان بس ابغى بالطرف الايسر معامل x
لما انقلو حتتغير الاشاره ازا سالب اخليه موجب والعكس
حيكون 5x=20 >> انا ابغى بس الx بالطرف الايسر مايمديني انقل ال5 لانو معاها مو لوحدها اقسسم 5 على الطرفين
حيكون 5x ÷5=20÷5
x=4 >> دا الحل بس فضلي بالطرف الايسر x


مثال تاني :اوجدي قيمة x في المعادلة 3x -7=2x +1

نفس الطريقه اخلي المجاهيل بطرف والاعداد بطرف الايمين
حنقل 2x للطرف الايسر وحنقل (-7) للطرف الايمين >> مع تغير الاشارات
حيكون 3x -2x =1+7 >> اطرحي الطرف الايسر واجمعي الطرف الايمين
x =8


معادلة من الدرجه الاولى بمجهول واحد بطريقة الكسسر
حتضربي وسطين بطرفين ((عملية المقص ))
البسط الاول حيكون من المقام التاني والبسط التاني حيكون مع المقام التاني
مثال 8 ص 150::
بعد ماضربنا الوسطين وحتعملي نفس الطريقة تحلي معادله من درجه اولى


معادله من الدرجه الاولى بمجهول واحد بطريقة الجذر ::
(( ملاحظه: اي جدر عشان اتخلص منو اربعه ويطير الجدر انزل العدد بدون جدر ))


مثال 11 ص 151: اربع الطررفين مو بس الجدر لازم الطرفين كلهم يتربعو

حيكون بعد التربيع 2x+3=25 >> اللي تحت الجدر ينزل بدون جدر ولما ربعت (5) طلع 25
اعمل طريقة حل معادله من الدرجه الاولى انقل 3 للطرف الايسر مع تغير الاشاره
واقسم الطرفين على معامل




معادله درجه اولى بمجهووووووولين >>يعني حيكون معادلتين
[/COLOR] وهنا له ثلاث حالات :
1_ ادا كان a1.a2 (=) b1 b2 ادا كان a و b متساويان (( الخطان متوزايان وليس للمعادله حــــل))


2_ادا كان a=b=c ((كلهم متساويين الخطين مستقيمين منطبقين ))

3_ ادا كان a لا تساااوي b ((الخطان مستقيمان متقاطعااان في نقطه واحده ))


ايش يعني الهرج دا

2x+3y+7=0
4x+6y+9=0

دي معادلتين كل اللي تعمليه اللي فوق حتاخديه مع اللي تحتو بالترتيب
يعني 2x اللي تحتها 4x خليه على صورة كسر وبسططي الكسسر لابسط عدد حيكون (1\2) >>دا حيكون a
نعمل نفس الطريقه على b
3y على 6y وخليه على صور كسر وبسططي الكسسر لابسسط شي حيكون (1\2) >>دا حيكون b
ونفس الطريقة على 7 و 9 خليه على صوره كسر وبسطي مايتبسط اكتر من كدا حيكون (7\9)


هناااا شوفي الناتج a زي b
a=b >>حقول الخطان متوازيان وليس للمعادله حل

نفس الكلام بمثال وزي كدا اهم شي تحفظي الحالات الثالثه مثال 14 على الحاله التانيه ومثال 15 على الحاله الثالثه
>>ادا مافهمتيهم اعيدهم واشرح الامثله


طريقه الحدف
2x-3y=1 (دي المعادله 1)
3x+4y=10 (دي المعادله 2)
انتي بتحدفي بين المعادلتين بتحدفي 2x و 3x
عشان تحدفيهم حتضربي المعادله الاولى ب (-3)
والمعادله التانيه تضربيها ب(2) عشان يطيرو x

2x-3y=1 دي حتضربيها ب-3
3x+4y=10 دي تضربيها ب 2

حتكون بعد الضرب
6x+9y=-3-
6x+8y=20

حتحدفيx 6 و-6x
وتجمعي البااقي
17y=17
نقسم الطرفين على معامل y
حيطلع بالنهاااااااااااية =1
تاخدي المعادله الاولى وتعوضي عن قيمه y=1
2x-3(1)=1
2x-3=1 >>>هنا تحلي معادله من الدرجه الاولى تنقلي (-3) للطريق الايمين الاشاره تختلف
2x=1+3
2x=4 >>نقسم الطرفين على 2
x=2

[صعب تمتلكني]

[color="rgb(0, 255, 255)"]الباب الثالث 3.4[/color]
حل معادله من الدرجه الاولى بيانيا

مثال (1) ص 185
حل المعادلات بيانيا

x-2=0
نعمل جدول مكون من x و y حيكون من -1 لين 2 زي ماهو حاط بالجدول
اعوض عن x
يعني اشيل الx اللي بالمعادله واحط مكانها -1 ومره صفر ومره 1 ومره 2
واحسسب حيطلع y
امسك كل نقطه من x وكل نقطه من y واحددها على الرسسمه واشوف تقاطعو عند مين

ونفسسو كل الباب كدا جدا سههل


الباب الثالث 3.5
معادلات من الدرجه الثانية
صوره المعادله من درجه ثانيه يعني الx الاس حقها 2 >>عشان كدا قولنا من درجه تانيه
حتكون الصورة ax2+bx+c=0
اهم شي في المعادله من درجه تانيه الطرف الايمين لازززززززززززم يكون صفـــــــــــر

لما نحل معادله من الدرجه الثانية الناتج اللي يطلع بالنهاية حيكون
عدد موجب >>ادا حل معادله طلع عدد موجب حيكون للمساله حلين
او صفر >> ادا حل المساله طلع ب(0) حيكون عددين حقيقين متساااااويين
او عدد سالب >> ادا حل المعادله طلع عدد ســـالب حتكون ليــس للمعادله حل
نشوف الكلام دا بعد مااحل المعادله


مثال (1) ص 193
حل المعادله x2-3x+2=0 >>دي معادله ليه ..؟ لانو بين الطرف الايمن والايسر علامه (=). دي معادله من الدرجه التانيه ليه ...؟ لانو الx حقها ب اس (2)
لازم الطرف الايمين يكون صفــــــــــــــــــــــــــــــــــــــــــــــــ ـــر
احدد ال a,b,c
a=1 b=-3 c=2

اول شي اعملو احدد المميز ايش قانون المميز (( b2-4ac )) دا القانون يتحفظ
ابدا اعوض عن القانون حيكون
(2) (1) 9-4
9-8=1
الناتج =1 >>عدد موجب يعني حيكون له حلين مختلفين

كيف اطلع العددين المختلفين القانون هوا ص193 اللي هوا سالب b +- الجدر التربيعي للمميز قسسمة 2 a

>>سوري ماكتبت القانون لانو ماعندي بالكيبورد جدور والكسر

حعوض 2/1+(-3)-
=3+1/2
=2 >> دا الناتج الاول

الناتج التاني نفس الطريقه بالزبط بس فوق اخدت بال(+)
والحل التاني اخدو بال(-)

2/1-(-3)-

=1 >> دا الناتج التاني
الاول مختلف عن التاني


حــــــــــــــــالات خاصه : هيا بس 3 حالات
1) الحالة الاولى ادا كانت c=0
ax2+bx+c=0 اتفقنا دي هيا الصوره القياسيه للمعادله من درجه تانيه
بس يقولك في حاله ادا كانت c=0 يعني مش موجود ايش نعمل

مثا 7x2-7x=0
حدد ال a , b, c
a=7 ,b=7 ,c=0
c مو موجود لها رقم حقسم الرقمين على معامل x
7÷7 =1 و x2-x=0 >>
يعني الحل حيكون امااا x=0 او x =0


2) الحاله التانية ادا كانت b=0 ,c=0

3) الحالة الثالثة ادا كانت b=0



حل معادله من الدرجه التانيه بصورة كسسسر
حيكون على هيئة كسسر والx اسها 2



مثال :(9) ص 198
طبعا بالرياضيات ازا جاني كسسرييين مع بعض بس اللي اعملو وسسطين بطرفين اعمل عملية المقصص
حيكون بعد ماعملت المقص
x(x-1)= 3+4
x(x-1)= 12 >>افكفك الاقوس ال x حضربها بالxاللي داخل القوس واضرب كمان x ب 1
حيكون x2-x=12 >>احلل مقدار ثلاثي اجيب عددين لما اضربهم =12 ولما اجمع نفس العددين =-1
اللي هما 3*4-=12 و 3+-4=1
(x-4) (+3)


حل معادله من الدرجه الثانية على صورة جدر
ملاحظـــــة :
انا كتبت اول انو بالرياضيات اي جدر بتخلص منو ماابغاها اربعو والتربيع حيطير الجدر

مثا ل 13:ص 200

السوال كاتب جدر x2-3x=2 > اربع الطرفين كلهم عشان اتخلص من الجدر
بعد التربيع يكون x2-3x=4>>دي مااقدر اعمل شي لانو الطرف الايمن مش صفر لازم يكوون صفر انقل (4) للطرف الايسر مع تغير الاشاره عشان يكون الطرف الايمين صفر
حيكون بعد النقل x2-3x-4=0 >>دي معادله من درجه تانيه لانو الشرط لازم يكون الطرف الايمين صفر
واشوف ايش العددين ضربتهم يعطيني (4) وبنفس الوقت لو جمعتهم يديني (-3)
(-4) * (1) = 4
(-4) +(1) = -3
الحل (x-4) (x+1)