خاص بالمقابله الشخصيه لوزارة الخارجيه

[أم ولايف]

..

مرحبا بنوتات ..

الحمدلله اليوم كانت مقابلتي والحمدلله كويسة نوعا ما ..

تعالي بدري تقريبا وصلت ع العشرة وكانوا البنات عسولات يعني المجموعة مره حلوه ..

اتبادلنا المعلومات .. ولما أزف الوقت 12 بدأنا شوية نتوتر ..

والحمدلله كنت من اوائل اللي دخلوا وارتحت ..

نفس حركة لا تكلموا بعض اللي تخرج من المقابلة ..

امممم .. دخلت كان تركيز شديييييد وانصااااات ..

لكن صراحة مريحات وامكن اللي ريحني اكثر في دكتورة من الدكتورات تدرسني بالجامعة << انتساب ..

تصدقوا نفس الاسئلة اللي فوق ..

+

اش الفرق بين كوريا الشمالية والجنوبية ..

عدد اعضاء مجلس الشورى ؟؟

( كنت اقول للبنات مفروض يسألونا لو حصلك كذا وكذا موقف اش تتصرفي موش اسئلة سياسية خلاص اختبرنا )

وسبحان الله اغلب اسألتي كدا ..

لو قدمت خطاب لمديرك طبعا ما عندك مشكلة يكون مديرك رجل ..؟ صح .. قلت ممكن ..!

المهم قدمت خطاب واخدوا ومزقوا قدامك اش حتسوي ..؟

جهزي لاجتماع ..

لو كنت مديرة وتحت امرتك مجموعة من الوظفين ومنهم الاتكالي اش حتتصرفي معاه ..

سألوني عن لغتي ..

وكلمة ملف / ومجلد بالانجليزي ..

..


كانوا يطالعوا بيديني .. الوضع ابدا مو موتر .. لكن رهبة الموقف ..

حاولت اكون متماسكة .. :)

انبسطوا شي مره حلووو والله لا تقلقوا ..

ع قولة وحده من البنات حتى لو ما اتقبلنا لكن ما راح تتنسي وبرضو تجربة نستفيد منها بالحياة ..


دعواتكم صباياااااا ابغى بس دعوة بظهر الغيب ..


وبليز بنات اللي عندها خبر متى حتنزل اسماء المقبولات القبول النهائي تذكرلنا ..


جزاكم الله خير من قبل ومن بعد ..

[طموحي لا ينتهي أبدا]

الله يجزاكم خير على المعلومات .. نسال الله العلي القدير ان يوفقكم لما فيه الخير لكم

افدتونا بالمعلومات ... بكره حتكون إن شاء الله مقابلتي .. ادعولي يا أخوات .... وانتظروني غدا

بمشيئة الله ...

[مدرسة الحاسب]

شكرررررررررررررررررررررررررررررررررررررررررررا لكم
ننتظر المزيييييييييييييييييييييد

[selfConfidance]

بنات حاولوا انكم تلبسوا لبس رسمي ( حق مقابلات و شغل ) لاني شفت ثنتين من الدكاترة طالعوا بلبسي و بعدين هزوا برؤسهم لبعض >> انا كنت لابسة لبس رسمي

[مدرسة الحاسب]

السلام عليكم اخواتي حبيت استفسر الوظائف هاذي اختلاط ؟؟؟
وكيف يكون مديري رجل ؟؟؟مثل البنوك يعني مديري رجل لكن في القسم الرجالي
وين بتكون هالوظائئف
اللي يعرف بللليز يرد

[طموحي لا ينتهي أبدا]

السلام عليكم ورحمة الله وبركاته

كما وعدتكم من الجامعة لللاب توب
تم بحمد الله وبفضله اجراء المقابلة اليوم الاحد وهذه تفاصيل باهم الاحداث
اول شي صدق التوكل على الله سبحانه وتعالى ثم الاستغفار يا اخواتي ..
الوصول الساعة التاسعة والمقابلة الساعة 12 ونص
عرفي عن نفسك .. ليش تستحقي هذي الوظيفة بالوزارة .. عددي خمس من المنظمات التي تشترك فيها المملكة ..ايش هيا اعمال السكرتير .. كيف تجهزي للآجتماع .. عدد المناطق الاداريه بالمملكة
سؤال ذكاء .. عرفي عن نفسك بالانجليزي .. ايش قراءاتك بالانجليزي .. كيف تعرفين عن الاسلام
وطبعا حافظي على هدوئك .. حركاتك .. ضروري ما تتفسلفي .. اساسا كل ما تمكنتي من الاجابه حيرجعو يسالوك السؤال اللي بعده ...

صديقتي كانت مقابلتها اليوم وسالوها .. نفس الاسئلة بطريقة مختلفة بالاضافة الى ما هي المنظمات التي لم تشترك معها المملكة الى الان ..وسؤال في الذكاء ايضا

على العموم الوضع كان جدا مريح المقابلة تمت مع 3 من الدكتورات ..

والله يوفقكم جميعا

[أحيا وأموت وعزتي راس مالي]

[quote=طموحي لا ينتهي أبدا;2140834]

السلام عليكم ورحمة الله وبركاته

كما وعدتكم من الجامعة لللاب توب
تم بحمد الله وبفضله اجراء المقابلة اليوم الاحد وهذه تفاصيل باهم الاحداث
اول شي صدق التوكل على الله سبحانه وتعالى ثم الاستغفار يا اخواتي ..
الوصول الساعة التاسعة والمقابلة الساعة 12 ونص
عرفي عن نفسك .. ليش تستحقي هذي الوظيفة بالوزارة .. عددي خمس من المنظمات التي تشترك فيها المملكة ..ايش هيا اعمال السكرتير .. كيف تجهزي للآجتماع .. عدد المناطق الاداريه بالمملكة
سؤال ذكاء .. عرفي عن نفسك بالانجليزي .. ايش قراءاتك بالانجليزي .. كيف تعرفين عن الاسلام
وطبعا حافظي على هدوئك .. حركاتك .. ضروري ما تتفسلفي .. اساسا كل ما تمكنتي من الاجابه حيرجعو يسالوك السؤال اللي بعده ...

صديقتي كانت مقابلتها اليوم وسالوها .. نفس الاسئلة بطريقة مختلفة بالاضافة الى ما هي المنظمات التي لم تشترك معها المملكة الى الان ..وسؤال في الذكاء ايضا

على العموم الوضع كان جدا مريح المقابلة تمت مع 3 من الدكتورات ..

والله يوفقكم جميعا

أشكر جميع المشتركين في منتديات طلاب وطالبات جامعة الملك عبد العزيز على التعاون والمشاركة في المعلومات حبيت أقولك أنا اختياري كان اليوم والحمد الله كان تمام والبنات متعاونين ومتميزين الاختبار كان الساعه 2،30 كان عداد الدكتورات 4 وكان بنفس الطريقة بس الاسئلة مختلفة
عدد أعضاء الأمم المتحدة ؟ ماهونظام في كوريا ؟ ماعدد سور القران ومجلس الشورى؟
تكلمي عن نفسك عربي وسؤال تكلمي عن نفسك نجليزي ماهي هوياتك بالنجليزي
سؤال الذكاء. بتوفيق الجميع

[مدرسة الحاسب]

السلام عليكم اخواتي العزيزات
السؤال اللي بالانجليزي لازم تجاوبي عليه عربي ولا انجليزي ؟هل يترجم
وشو هو سؤال الذكاء ؟ اكتبوا لنا صيغة السؤاال
وكيف اعرف عن الاسلام ؟؟ من اي نااحية

بللليز بنات ردوا لي

[zaitona]

اليوم وهو اخر يوم مقابلتي
تكلمي عن نفسك
تقرأي صحف ... اخر خبر سمعتيه
تحبي اللغة الانجليزية كلغة او كأدب ؟؟
ماهي منظمة اليونسيف ؟؟؟
متى تم جمع القران ؟؟؟
من قال (لو بيني وبين الناس شعرة لما قطعتها )
والباقي كلة اسئلة عادية بالانجليزي ؟؟؟
تقييمي على المقابلة كانو لطيفيين معايا وماكانت تخوف ابدا


^_^

دعواتكم

[منتسبه*]

اخبارك زيتونه والله يطمنك... بالتوفيق يارب

الحمد الله مقابلتي كانت زي مااحب وجدا هاديه ورائعه والدكتورات كانو جدا رائعين

ان شاء الله ربي يكتبلنا الوظيفه

بالتوفيق اخواتي .......... الي تعرف متي راح تنزول النتائج تقولنا

انا قابلت وحده بالجامعه قالتلي انهم طالبين 25 بس من الكاتبات والباحثات

دمتم بالف خير