كتب الانجليزي ومستوياتو .... تعالوا اقولكم ايش الهرجة .... ^^

[برآءة حروف]

السلام عليكم ورحمة الله وبركاته


كيف الحال ..؟؟ ان شاء الله تمام .. ويارب دوم مو يوم


المهم


في ناس لليل مو فاهمين الهرجة


الهرجة ومافيها انو نظام الانجليزي لذي السنة 4 مستويات


زي ماقالولنا في اليوم التوجيهي اللي رحنالو قبل ماتبدا الدراسة
(تفتكرون )


للانتساب ياخذون مستويين للترم الاول اللي هو الاخضر (المستوى الاول ) والاحمر (المستوى الثاني )


والترم الثاني ياخذون كمان مستويين اللي هو الاصفر (المستوى الثالث ) والازرق (المستوى الرابع )

وطبعاً كل مستوى كتابين كتاب كبير وكتاب تمارين

يعني الاخضر كتابين والاحمر كتابين والاصفر كتابين والازرق كتابين

واللي اعرفو انو احنا الانتساب مو مهم كتاب التمارين

وكتاب التمارين هذا عبارة عن تطبيقات تطبقون فيه القاعدات الموجودة في الكتاب الكبير


والانتظام يختبرون اختبار تحديد المستوى وكل واحد يدرس عالمستوى اللي هوا فيه


زي دحين بنت عمي هي انتظام واختبرت اختبار تحديد مستوى وماجابت فيلو شي


وخلوها تدرس من المستوى الاول


والترم الثاني على مااعتقد (زي ماقالتلي) انها حتدرس المستوى الثاني


وماراح تتخصص الا لما تخلص الاربع مستويات كلها وتجتازها


المهم


انا شرحتلكم هرجة الكتب والمستويات ياليت فهمتوا

هيييييييييييييه << عصبت
خطة (أ) وخطة(ب) كلهم نفس الكتب ونفس المستويات
يعني كلنا دحين نشتري الاخضر والاحمر والترم الجاي نشتري الاصفر والازرق


واذا في اي سؤال ثاني انا حاضرة ومن عيوني ... ومايردكم الا يدكم


تحيتي :)