ماحصل في الدورة التأهيلية الخطه ( أ ) لعام 1430 هـ ." لـلــطـــالـــبــــات ".

[حلاالدنيا]

المشاركة الأصلية كتبت بواسطة موون00000 حلا الدنيا وينك ياحلوه قاعده ارسلك ايميلات وانتي ولا احد ابغى اكلمك ضروري انا في معاناه بسبب الانقلش

حبيبتي موون والله ايميلي كان فيه مشكلة مارضى يتفتح يومين وانا احاول
بس اليوم سويته خلاص حملت المسنجر الجديد
انتظرك على المسن

[سـجـايـا]

يابنـات كيف المذاكره معاكم إن شاء الله كل شي تمام


بسألكمـ مكتوب في الجدول مبنى 420 أول مره اسمع عنه موجود في الجامعه وين مكانه ..؟

[L O T U S]

هنا المشكله انا اعرف انو البنطلون في المعهد عادي
بس قلت بما انو احنا ماندرس في المعهد واحنا تبع الجامعه قلت يمكن يكون الوضع غير

حلاالدنيا ياقلبي انا ماعطيت الموضوع كل اهتمامي
بس لأنو انا مابي اجي وانا ماعرف الوضع كيف وزي ماقلتي ممكن اكتب تعهد أو لفت نظر
وانا مابي اي شي يوترني ,, لأنو طول عمري نظاميه ^_^


وتسلميلي يا انتساب .. يعني بس اهم شي البطاقة والإيصال .. طيب انا اتذكر انو قريت الجدول آخذه معي !!

[L O T U S]

بنات ابي اعرف طريقة الأسئلة في مادة الرياضيات كيف
يعني كلها اختياري والا كيف !!!

[Salha]

أيوهـ كل الاسئلـه اختياري وصح وخطأ

نفس طريقة النماذج الي بآآخر الكتآآب

[بنوتة هلالية]

بناااااااااااااااااااات ف الحاسب ص 328 مكتوب اختيار التنسيق المناس فوقي نشرات شرائح عرض ع الشاشة مافي هاادي بعدين كاتب عرض عادي او فارز وعرض وصفحة ملاحظات مافهمتو يعني هواا نفسوو
ابغى احد يفهمني الشريحة الرئيسية

[حلاالدنيا]

انتساب لاتفتي من عندك لو سمحتي انا بنفسي سالت وشفت البنات اللي لابسين البنطلونات لما كنت في الدورة التاهيله
قالولهم ماتفسخوا العبياه وتقفلوا الازارير دام لبسكم مخالف ولو نزلتوا العباية وانتوا بالبنطلون تكتبي لفت نظر
ولو اتكرر طبعا لكي حساب تاني معاهم
عموما انا ماجبت شي من عندي وثقي اني مااتفلسف مااقول شي الا وانا واثقه ومتاكده منو
انا عليا اني بلغت وانتهى الموضوع لانكم سالتوا وبس
كل واحد حر في نفسو حبيت اوضح للعلم وللي مهتمين بالانظمه
واللي مايهمهم شي براحتهم يروحو بشورت ماعندهم مشكلة
حتى لو وصلتهم الدراهم النظام نظام
لاتقولي عادي لحد ماتتاكدي
البنطلون ممنووووووووووووووووع
وبعدين مااسمو معهد اسمها جامعة ياحلوه

[فرحة]

المشاركة الأصلية كتبت بواسطة l o t u s بنات ابي اعرف طريقة الأسئلة في مادة الرياضيات كيف يعني كلها اختياري والا كيف !!!

الاسئله في الرياضيات اختياري كلها

وايضا جميع المواد اسئلتها اختياريه

[فرحة]

بنات الله يعينني الحاسب لسا ما عندي كتاب ولا اشتريتو ولا ادري عنو
والانجلش كمان ما مسكتو طبعا اقسملكم بالله اول قبل اسبوعين مسكتو وحفظت كل الكلمات والقرمر بس اتنست تماما مو فاكره منها شي
لكن الحمدلله على كل حال
انا دحين بس ابغا اتعرف عليكم سجايا ومون وكل البنات ياريت نتراسل على الخاص ونتعرف على بعض وكمان اذا
رحنا للجامعة ياريت اننا نتقابل
ناويا اعمل حفله اخر يوم اجيب كيك وحلويات خخخخخخخخخ
افتكرت اخر يوم اختبارات في المدرسه كنا لازم نجيب كيك ونعمل حفلة كانت ايام حلوه مره ايام ما تتنسا ايام الطفوله الجميله
طولت عليكم لاني طفشانه وبصراحه دخلت النت ارغي شويا من كتر الطفش
بنات لا تنسو الي تبغا تتعرف عليا ياريت تراسلني على الخاص نفسي اتعرف عليكم كلكم
انا مره احب اكون صداقات

[بنوتة هلالية]

بنات ف موضوع عن الحاسب نزل قبل فترة اللي نبه علية الدكتور انا شفتو بعضوا مو شارحوا الكتاب شكلوا قديم لانو كتابنا مختصر عن اول انتو ايش رايكم شوفوه وردو عليا طمنوني لاني كول ماشوف اسئلة زي كدا احس انو مازاكرت