الأسئلة والاستفسارات عن كلية طب الأسنان ..

[خليل الغامدي]

العفوو

[دره جده]

السلام عليكم ورحمه الله وبركاته
...........
انا في السنه التحضيريه وعندي كم سؤال الله يرضا عليكم ..
دحين قالو طب أسنان تدرسيها 7سنين وبعده تتخصصي
ممكن اعرف كل تخصص كم سنه تاخذ ؟؟

وسؤالي التاني / طبعا اكيد الدراسه في كل أقسام الطب بالإنجليزي
فبسألكم اش الطريقه الي بفضل الله قدركم لحفظ مصطلحات طب الاسنان ..اوبمعنى اخر /اش الطريقه الي ممكن نسويها وتقدرنا ع عدم نسيان المصطلحات و ما ندرسه ف عالم طب الاسنان ؟؟
....................

وجزاكم الله خييير

[مَـزٍآج ..}..]

المشاركة الأصلية كتبت بواسطة دره جده السلام عليكم ورحمه الله وبركاته ........... انا في السنه التحضيريه وعندي كم سؤال الله يرضا عليكم .. دحين قالو طب أسنان تدرسيها 7سنين وبعده تتخصصي ممكن اعرف كل تخصص كم سنه تاخذ ؟؟ وسؤالي التاني / طبعا اكيد الدراسه في كل أقسام الطب بالإنجليزي فبسألكم اش الطريقه الي بفضل الله قدركم لحفظ مصطلحات طب الاسنان ..اوبمعنى اخر /اش الطريقه الي ممكن نسويها وتقدرنا ع عدم نسيان المصطلحات و ما ندرسه ف عالم طب الاسنان ؟؟ .................... وجزاكم الله خييير

نعم سبعه سنين .. وبعده التخصص

التخصصات كثيرهـ و تختلف بين تخصص للثاني

وهي بيـن 2 الى 5 سنين .. !!

ومره بدري على تفكيرك في التخصصات اذا كان ودك في الطب يعني .. لانه قدامك

سبعه سنين .. راح تعرفي كل شئ عن كل تخصص ..


بالنسبه للسؤال الثاني ..

صح المصطلحات كثيرهـ .. ولكن راح تحفظها بالتكرار .. لانها تتكرر كثيـرر

لا تشيلي هم اانك كيـف تحفظيها لانك راح تحفظيها بشكل طبيعي من كثر ما تتكرر

وبصراحه حفظ المصطلحات دي من اسهل الاشياء في الطـب

بالتوفـيق ..

[اعتبرني ذكرى وعدت]

السلام عليكم
لو سمحتو ابغى اعرف فين مكان عيادات البرج في الجامعه
لان فيه دكتورة قالتلي روحي عيادات البرج عند الدكتورة ميمونه بادحدح
الله يخليكم اللي يعرف ضروري يدلني
او رقم الدكتورة ميمونه
انا بس ابغى اعرف فين مكانها العيادات دي

[دره جده]

الله يجزاك خير طمنتني كنت شايله هم الحفظ
......
طيب عندي سؤال كمان
دحين كل الي تخرجو من طب اسنان بعد ال7سنين .. كلهم لازم يتخصصو ف شئ ولا اختياري ..
امكن سؤالي غريب .. بس عشان كنت اسمع ناس تخرجو من طب اسنان بعد 7سنين وانتهو وجالسين يدورو وظائف
بس ما أسمع انهم اختارو تخصصات بعد ال7سنين ؟؟


واسفه ع إطاله ,,

[مَـزٍآج ..}..]

المشاركة الأصلية كتبت بواسطة دره جده الله يجزاك خير طمنتني كنت شايله هم الحفظ ...... طيب عندي سؤال كمان دحين كل الي تخرجو من طب اسنان بعد ال7سنين .. كلهم لازم يتخصصو ف شئ ولا اختياري .. امكن سؤالي غريب .. بس عشان كنت اسمع ناس تخرجو من طب اسنان بعد 7سنين وانتهو وجالسين يدورو وظائف بس ما أسمع انهم اختارو تخصصات بعد ال7سنين ؟؟ واسفه ع إطاله ,,

تقدري تتوظفي بمسمى طبيبة اسنان عامه .. لكن بالتخصص تزيد فرص وظيفتك

[دره جده]

(مزاج) مرررررره مشكوور ..

[Rawsan]

السلام عليكم ورحمة الله وبركاته

انا محتاره بين طب وجراحة وطب الاسنان

سمعت انو ممكن لو كان تخصصي طب وجراحة اقدر بعد ما اخلص البكلوريوس اكمل في طب الاسنان برا السعودية
هل هذا الكلام صحيح ؟

ياريت احد يقدر يفيدنيي

[xx MEMe xx]

السلام عليكم
انا حابه استفسر انا جايبه ف الكيمياءa+ والانجليزي a
بس للاسف ف الاحياء جبت c+
وان شاء الله دا الترم تكون درجاتي احلى
هل ف امكانية ان شاء الله ادخل طب اسنان ؟؟
مع العلم انه معدل كان حلو تقريبا الحمد لله

[مَـزٍآج ..}..]

المشاركة الأصلية كتبت بواسطة xx meme xx السلام عليكم انا حابه استفسر انا جايبه ف الكيمياءa+ والانجليزي a بس للاسف ف الاحياء جبت c+ وان شاء الله دا الترم تكون درجاتي احلى هل ف امكانية ان شاء الله ادخل طب اسنان ؟؟ مع العلم انه معدل كان حلو تقريبا الحمد لله

اكيد في امكانيه ان شاء الله ..

لانهم يأخدوا معدل جميع المواد .. مو كل ماده لوحدهـآ ..

شدي حيلك وبالتـوفـيق ..!!