اي اسئله عن التحويل لكلية ابن سينا الاهليه انا جاهزه

[سوكرـآ]

المشاركة الأصلية كتبت بواسطة Đяeǎм ^^ يلا الله يوفقك بس غرريبة صحبتي كانت بتسوي كدا وجابت معدل ماشاء الله بس ماوافقولهاا _ هذا الكلام هذي السنة ., بحجة النظام مايسمح _ يلا الله يختارلك الخيييير ياارب

لا الله يسعدك لاتقوليها
انا قرأت في الكتيب الي اعطونا هيا
وبابا يعرف ناس في التحويل ان شاء الله يتم يارررب
واذا ماتم وشوفت نفسي ماني قادره اتقبل حأجي جده واتغرب مابيدي غير كذا

[انا التي كويسة]

السلام عليكم
وضعي الان بالتفصيل
خريجه ثانوية عامة هذي السنه 1432 سجلت في عزوز تسجيل نهائي وختموا شهادتي الاصلية حتى كمان نزل جدولي في موقع الجامعه.
كنت اتمنى طب اسنان بطيبه في المدينه لاني ما حبيت اني اخد سنه تحضيريه عامه بعدين فيها ادخل وفيها ما ادخل طب اسنان . وما سجلت لاني بجده
بعد ما اتقبلت بعزوز سمعت اني ممكن اسجل على طول بابن سينا اوالفارابي او البترجي.

اسئلتي:
-اش افضل جامعه من الثلاثه في طب الاسنان؟
-اقدر اسجل دحين قبل بدايه السنه الجديده بالرغم انو شهادتي الاصليه للثنوي مختومه من جامعة عزوز؟؟
المستندات المطلوبه مني في التسجيل (حاليا انا ما معايا الا شهادة الثنوي الاصليه مختومه من عزوز باقي اوراقي عند الجامعه بس اقدر اجيب اختبار القدرات والتحصيلي واوراق بياناتي الرسميه طبعا (بطاقه الاحوال والعيله ...)؟؟

ابى اضمن تسجيلي بطب اسنان قبل ما اسحب ملفي من عزوز

اعتذر عالاطاله
واتمنى التقصيل التفصيــــــــــل لاني تنحت بعد متابعة عزوز
والي عندوا اي اضافه او معلومات فليتفضـــــــل

[WaNa]

ابن سينا احسن من الفارابي و البترجي <<<متأكده من دا الكلام
بس للاسف قفلوا التسجيل اكتفوا
وبالنسبه لشهادتك المختومه مايدققوا لانها كليه خاصه مو حكوميه

[دانية خالد]

المشاركة الأصلية كتبت بواسطة ناريمان جوري رررائع ^__^ طيب ارسلي لي ايميلك على الخاص ارسلك محاضرات الميدكل اللي تذاكري منها الانقلش لو تذاكري اللي درستيه في الجامعه زيو راح يجي كلو اختيارات عادى احيانا اذا معدلك ما شاء الله عالي ما يحتاج مقابله شخصيه او انهم راح يرسلو لك على الجوال مسج بيوم المقابله فيها منحه الموارد البشريه لطب الاسنان والصيدليه والتمريض تقريبا كانو مسمى صيدليه بس لانو نفس المواد بس ما تقدري تحولي طب اللي تجيبي معدل عالي العفوو ولو واجبنا ^^ مرررره تمام اذا خلصتي العربي المستويين والثقافه المستويين راح يعادلوها يب تختبري بدون ما يدرسوكي اذا قدمتي ارسلي لي ايميلك ارسل لك المحاضرات اللي تذاكري منها الدوام من السبت اللين الربوع من الساعه 8 الصباح لا عادى موتعب ولا شيء في الخدمه :) وبعدين بدل مني جالسه فاضيه في البيت افيد اخواتي اللي راح يصيرو صاحباتي في الكليه ^^

بلييييز انا كمان ارسليلي انا نفس الحالة بس ما اقدر ارسل مسج على الخاص :(

[Dr:HQ]

مشكوره على جهدك اناسجلت وعندي اختبار معادله في رمضان
وان شاء الله انجح فيه ابغى اسالك في المنح اكتب اني رايحه سنه ثاني واكتب نسبة الثانوي او المعدل

[mika]

طيب انا اليوم روحت اليوم صندوق التنميه وقدمت عليه بس ماقدمت على ابن سيناء دحين كيف الحل ؟!! أروح اقدم على ابن سيناء ولا كيف ؟؟
واللي في صندوق التنميه قالتلي إحنا حنبعتلك مسج إزا أنقبلتي أو لا في المنحه
أيش رايكوم أروح أقدم قبل مايجيني القبول ولا أستناه ؟؟؟؟

[fatoom sweety]

الله يوفقكم بس كنت بسال فيه تقديم الترم الثاني من السنة اللي جاية ؟ واقدر اقدم وانا ادرس بعزوز ولا لازم اسحب واقدم عند ابن سينا لانه خايفة اذا لاسمح الله مايقبلوني منحة اقعد بالبيت على الاقل اضمن ياهنا ياهناك

[WaNa]

المشاركة الأصلية كتبت بواسطة fatoom sweety الله يوفقكم بس كنت بسال فيه تقديم الترم الثاني من السنة اللي جاية ؟ واقدر اقدم وانا ادرس بعزوز ولا لازم اسحب واقدم عند ابن سينا لانه خايفة اذا لاسمح الله مايقبلوني منحة اقعد بالبيت على الاقل اضمن ياهنا ياهناك

تقديم الترم التاني بس صيدله ،، طب واسنان لازم بداية السنه

عادي تقدري تقدمي وملفك بعزوز بس ما تجيكي المنحه لانك مسجله في جامعه حكوميه وهادا يخالف شرووط المنحة

استخيري حبيبي والله يوفقك انشاءالله،،

[WaNa]

المشاركة الأصلية كتبت بواسطة mika طيب انا اليوم روحت اليوم صندوق التنميه وقدمت عليه بس ماقدمت على ابن سيناء دحين كيف الحل ؟!! أروح اقدم على ابن سيناء ولا كيف ؟؟ واللي في صندوق التنميه قالتلي إحنا حنبعتلك مسج إزا أنقبلتي أو لا في المنحه أيش رايكوم أروح أقدم قبل مايجيني القبول ولا أستناه ؟؟؟؟

لازم طبعا تكوني مسجله في الكليه نفسها قبل ما تطلبي منحه او موارد
بكدا مستحيل يقبلوكي لانه مالك كرسي اصلن

بس ياريت برضو تكلمي الموارد وتستفسري

[WaNa]

المشاركة الأصلية كتبت بواسطة dr:hq مشكوره على جهدك اناسجلت وعندي اختبار معادله في رمضان وان شاء الله انجح فيه ابغى اسالك في المنح اكتب اني رايحه سنه ثاني واكتب نسبة الثانوي او المعدل

ههههههه انا زيك بالززززبط ونفسي احد يجاوبني

بس اللي سمعتو انك تقدمي بشهادة الثانوي عااادي وهما حيقارنوها باللي في الكليه

لانه لما تختاري طلب منحه من موقع الوزارة مافي غير نوع منحه واحد طالبين فيه نسبة الثانوي
يعني اعتقد انه حتى سنه تالته ورابعه يقدموا كدا... والوزاره تعرف من الكليه النسبه الجديده
والله اعلم،،