هل اجراءات الحذف والاضافة في الجامعة جيدة أم بحاجة للتطوير ؟!..

[*طالبة العلم*]

الحمدلله السنة هذي كان الاوديس من افضل السنوات من ناحيه السرعه وعدم تعليق الموقع .. لكن لايخلو من المشاكل ..!!

اتمنى ::

* إطالة مده الحذف والاضاءة
* امكانيه اضافة المواد الحره
* اذا كان هناك توسيع للشعبه الرجاء كتابتها من البدايه >> مو من بعد مانختار شعبه ثانيه بكم يوم يوسعونها


وشكرا لكم : )

[ام عبوددد]

ياالله اناجديدة في الجامعة مااعرف شي

[بيوشي]

اقترح اضافه المواد الاختياريه تكون من الاودس
لان الاضافه من الجامعه مره زحمه وماله داعي تكون من الجامعه يأخرونا ونتعب وبس
لو من الاودس نرتاااااح ..
مو نروح الدكتورات يتاخرو ما يجو ونستناهم واذا جو الف بنت تستناها والدكتورة تسوي لمين ولا مين
جدا شي يبيله تعدييييييييييل

[تولين22]

اولا يطولون مدة الحذف والاضاافه

ثانيا يحطون اسماء الاستاذات
ثالثا امكانية اضافة المواد الحره في الاودس >>هذي النقطة مهههمه جدا لاني اعااااني من المواصلات وماالقى احد يوديني حتى اضيف المواد الحره والله انها مشششكلة
ثالثا يوسعون الشعب من بدرري

[احلى غدير]

بالقوووووووووووة يحتاج تطوييييييييييير

ايش اللي يقفل من تاني يوم ،،
ايش اللي مااقدر اضيف مواد عامة الا من الشؤون ،،

ياليت يكون في دراسة للتطوير فعلن
وشكرن ،،

[لـ صمتي حكاية]

اولا : الف شكر ع الموضوع الحلو
ثانيآ : اضيف لاقتراحات الاخوات والاخوان قبلي
يضيفو مواد حره اكثر ومن قسم الجغرافيا

[jEmo0]

أول شي ..
أحنا في كلية الفيصلية الحذف والاضافة مو عن طريق الاوديوس .. ! [ يعني الاوديوس مالو داعي عندنا تماما ] !!
يعني عشان نضيف مادة .. " نروح للمشرفة .. والمشرفة تعطينا اسم مرشدة .. ونروح للمرشدة .. و نحط المادة وتوقعها .. بعدين نروح للشؤون التعليمية ..
| ليييش نروح للشؤون ؟! , بس عشان نعطيها الورقة وهيا تضيف المواد أو تحذف !!

اوكي بس نعطيها الورقة , الموضوع مافي نقاش ولا شي ..!

طيب عشان ندخل للشؤون .. نجلس امكن ساعه .. ساعة ونص !

طييييييييييييب ليييييييييييش .. اذا مرة النظام حقكم ابن كلب ... لاتخلونا واقفين كدا في القرف والحر .. وحضرتكم تشربو قهوة !!

جمعوا الاوراق مننا و قولولنا أتوكلو خلاص !!!

أش المسسخرة دي والله ماصارت !!!!


حاجة تانية .. المواد الي مافي .. أو مالها أستاذات .. ان شاء الله ليه حاطيتها في الخطة ..
زيادة مواد بس .. حركااات انو الجامعه شي عالي من التعليم وعندها مواد بدون استاذات ..


نجي ننزل مواد نكتشف مافي استاذات .. وبعدييييييييييين !!!!!! لمتى كدا !!

منجد يعني عشان بس اضافة مادة نتأزم بشكل مو صاحي ..

مايصصصصير والله يـاعاالم .. :@ :@ :@









>> وحدة حآقدة أقوى شي

[انعم من النواعم]

غريبه خيتو أنا في الفيصلية والحذف والاضافه من الأودس..؟!!
بس ياليت ياليت ياليت ينزلو اسماء الدكاترة قبل ماتنزل ايقونة الحذف والاضافه ..
أجل على اي اساس انزل الماده وانا معرف الدكتوره مين ؟؟!!!!

+المواد الاختياريه ليه ما ننزلها من الأودس مو حيكون أفضل بكثيييير.. ؟؟!!!

ولكم جزيييل الشكر جمييعا..~

[النورس الابيض]

1_اضافة ايقونة لتغيير الشعب الدراسية في الحذف والاضافة
2_ايجاد حلول لتفادي الضغط على السيرفر
3_ اضافة اسماء الاساتذة قبل البدء بالحذف والاضافة

[Swεεŧ AŋGзL]

المفروض تكون مفتوحة طول هالاسبوع لأنه لليوم والبنات لسا يضيفوا ويحذفوا !
والشعب المقفلة تنفتح واحنا ماندري ><