الزواج من المنتدى ...!

[..Huda Hamad]

وعليكم السلام ورحمة الله وبركاته..

موضوعك مره حلو..

,,,,

يمكن صح إنو عادي مره ‏..‏ ما فيها شيء..

بس بالنسبة ليا أنا مستحيل ‏‏<‏‏<مو أي أحد توثق فيه..

‏^‏‏_‏‏*‏..

[هنآدي العتيبي]

طرح رآئع وفيه آختلفت الآرآآء
مشكوور عآآصم والله يعطيك العآفيه^_^
بالنسبه لي مستحيل آقبل بهآلشئ ^_^

[Super Linux]

باك ياحلوين بعلق ع الردود بسم الله الرحمن الرحيم

وطبعا اليوم انا صايم لحد يقول سلامات ليه صايم خخخخخ بس عشاني حلفت على شي وعارفين كفارة اليمين صيام ثلاث ايام متتابعه

بس اليوم وسوسة لمن جيت اتأكد من الكفاره يقولك لو انت قادر على اطعام عشر مساكين مايجوز تصوم

والله فشله ديننا جاهلين فيه احنا مسلمين بس بالاسم حسبي الله ونعم الوكيل

يلا ان شاء الله ربي يكتب لي اجر الصيام

[Super Linux]

المشاركة الأصلية كتبت بواسطة ||سَعْي ~ وعليكَ السلام ورحمة الله وبركاته كَثُرت هذه الأيام الخلافات بين الأزواج لاختلاف الوِجهات والأفكار بصورة - متفاوتة جدًا - أو تُواجد صِفات مُعاكسه لايُمكن أن تُجمعْ بشخصين مَعًا الفكرة بشكل عَام مقبولة ولكن الطريقة المعروضة هُنا لا أظُن بأنها جيده ولا تتوافق مع الغالبية اكيد اختنا الفاضله لأنها سَتسبب شَكوك من الفتاة والأهل أيضًا تجاه المُتقدم ومن ضمن العواقب المذكورة : 1- شكوك الفتاة في مراسلة هذا الشَاب لغيرها 2- شكوك الأهل تجاه الفتاة بوجود علاقة وأن الرسالة مُتفقة بين الجنسين 3- شكوك الأهل والفتاة تجاه تقدم الشاب من النت وتبدأ الأقاويل منهم : - انرفض من الجَماعه ، مالقى أحد .. إلخ من التفسيرات المزعومة موضوع الشكوك لابد منه وهنا المشكله بحكم العادات والتقاليد هالطرق تؤدي الى الشبهات طبعًا تختلف هذه الأسباب بوجودها أو عدمها من أهل إلى أهل حسب تفكيرهم وعاداتهم ومنطقهم في اتخاذ القرارات من هذه الناحية ولو بقينا ننظر عن طريق فتيات المنتديات فكل مره سنعجب بواحده ونفضلها عن الأخرى وتبدأ حالة المُقارنات والرغبة بالتغيير ! والله صح كل شوي انعجب بوحده صراحه يعني يادوب اخلص من الاولى تطلع الثانيه وأنا أكتب رَدي كُنت أناقش إحدى الأخوات عن الموضوع عبر الماسنجر وهذه الجمله كانت من ضمن تعليقها فاقتبستُه بعد إذنِها : احس الشخصيات بالمنتديات غير الصداقة ننصدم فيها كثير كيف زواج ماعرفت احد الى ويقول هالكلام من جد شخصية المنتدى غيررررررر والله المستعان ،‘ المشكله وللأسف في بعض الأمهات يعتقدن أن الهَم الأكبر ورُبما الوحيد للرجل هو الشكل أذكر في إحدى المناسبات كانت هُناك واحدة من قريباتي وهي ماشاء الله جَميلة جدًا لكن : من أهل الأغاني واللبس القصير فوق الركبه والعباءه المتبرجه والغرور .. إلخ أسأل الله أن يهديها توقعت أن يتقدم لَها رجل من أهل يتقاربون معهم في الصفات أو لديهم قُبول من هذه الناحية المشكلة تَقدم لَها رجل من أهل دين وصَلاح ودائمًا كان شرطه - ملتزمه خلوقه محافظه - الجميع تَعجب ثُم اكتشفنا أن " الأم " قالت للشاب أتيتُك بفتاة " مُناسبه لَك تمامًا" فقط لأنها جميلة أصبحت مناسبه لهذا الملتزم !! والقصة أحداثها طويلة العجيب أن الشاب قَد تقدم لشقيقتي الكُبرى سابِقًا وكانت خلال تلك الفترة ترفض الحياة خارج جده لذلك لم تقبل بِه مع أسباب أخرى غير الاستخارة وحينما علمنا بالأمر قالت شقيقتي " سُبحان الله " هذه هِيَ الخيره قد ظَهرتْ !! سبحان الله والله يهدي امهاتنا وماخاب من استشار ربه كما أننا أحيانًا عند الانجذاب للأسلوب نجد أنفسنا تلقائيا وبصورة لا إراديًm نتخيل صورة جمالية للشكل وجوانب أخرى رغم أنه لا شأن للأولِ بالثاني ! على كُل حال إذا استخدمَنا طريقة المنتدى فـ هُناك وسيلة أشمل لجوانب الفتاة وفي الوقت ذاتِه طَريقة محترمه في التقدم : وهو أن يطلب الرجل من شقيقته التسجيل في المنتدى والتقرب من هذه الفتاة حتى تصل لِمقابلتها سواء في الجامعه أو غير ذلك وبالتالي سَتستطيع الفتاة معرفة مدى التوافق بين الشخصيات في المنتدى والواقع وكذلك الشَكل وتناسبه مع رغبة المُـتقدم .. إلخ بحيث إن تناسب مع المطلوب تقدموا بكل يسر وسهوله وإن لم يتناسب بحث عن غيرها دون أن تعلم وهُنا لم نجرح أي طرف من الأطراف ايه والله افضل طريقه عشان لاسمح الله لو ماحصل نصيب مانجرح البنت والله اخس شي كسر الخاطر بالذات للبنات فوالله مسألة الطلاق أو فسخ الخطوبة ليست سَهله أبدًا دراسة تناسب الأطراف في الحياة الزوجيه يجب أن تكون مٌسبقه ومتعمقه أذكر إحدى زميلاتي إلى الآن وهي تكره الرجال ولاتقبل أي مُتقدم بسبب تقدم رجل سابق لَها وفسخ الخطوبه لكثرة اشتراطاتِه الدقيقة في الشكل وقت - الشوفة - والجُرح إلى الآن باقي . ماقلت لكم كسر الخاطر مو هين للبنات واصلا تحمد ربها لانه باين ان الرجال ماهمه شي الى الجمال والله لو سمعتها زفت قبلها اهم شي البنت خوقاق فبكذا عرفنا ان الرجال داج ولا همه الى الجمال وكل ماشاف وحده حلوه حول عليها فراح تتعب لو تزوجته موقف قَريب : كُنا نبحث لـأحد أقربائي زوجه مُناسبه وخلال فترة بحثِنا والسؤال قلت لَهم اتفقنا أن نختار خلوقه وحَسنة المظهر وو لكن هُناك نقطة مهمه إن كان بإمكاننا سؤال إحدى زميلاتها ولها بها صله قوية فعلينا السؤال عن مدى حساسيتها ؟ فإن كانت كبيرة أو زائده فلا أظن بأنها مناسبة والسبب يتلخص بأن هذا الشاب المُتقدم فيه من السلوك مانتمناه لـكن - لايُحاسب أبدًا في كلامه - كما يقول البعض " دبش - عفش .. إلخ " أي أنه عند الصراحة أو الحق أو أي شئ في القول لايُحسن الأسلوب أبدًا مما يؤذي الفتيات خاصَة ماشاء الله عليكم دقيقين جدا ليتكم تعرفون اختي ولا أمي :) عشان اضمن بعد الله ان الي راح تختارونها حتكون مناسبه لي :) وكما ذكر البَعض هُنا التصنع وَارد وحتى وإن كان الفِكر في الطَرح طبيعيا ومتوافقًا مع الواقع فسيكون نسبه 20% من الشخص والبقية سنَجدها في السلوك والصفات ووو.. إلخ صحيح 100% موقف مناسب : قابلت إحدى الأخوات كانت في منتدى نسائي سابِق " توقيعها " شُكر وحمد وتسبيح ورسالتِها الشخصية إيمان وطاعه .. إلخ مما يتصور للقارئ أو المشاهد أنها على الأقل - ملتزمه بالأساسيات - وسٌبحان الله صادف أن رأيتها في مكان ما وكانت تضع السماعات قلت في نفسي لعلها تستمع للقرآن أو ربما الأناشيد ثُم اكتشفت سَماعها للأغاني ونمص حاجبِها قلت في نفسي أحسني الظن مره أخرى لعلها تكتب هذه الرسائل الدينيه لتؤثر في عقلها الباطن وتدفعها لمجاهدة النفس والتغيير لكن للأسف كانت تفتخر بما تفعل بكل أريحيه ، بالله أين التوافق ؟ ومع ذلك لم أدخل في تفسير النية التي والله أعلم - ظاهره بوضوح - انا لله وانا اليه راجعون ياكثر هالشاكله وقريب حكاني نفس قصتك أعرف إحدى الفتيات كثيرة الممازحة في المنتدى فتوقعت عند رؤيتي لَها أن تكون كما اعتدتُها في المنتدى مع العلم أنني لا أحب المبالغة في المزح لذلك فور رؤيتي لَها ابتسمت وضَحكت حتى لا تأخذ عني فكرة بأنني جادة جدًا وفي النهايه اكتشفت أنني أنا من أضحك وهي تتكلم بَحزم وبعد العشره قالت لي أحب أن أكون في عالم النت بهذه الشخصيه الممازحه بخلاف الواقع إذًا هي لَها وجهات وتفكير خاص بِها فكيف سَنستطيع الحُكم الآن ! صراحه النت انا اشوفه يظهر شخصيت الحقيقيه لانه الحيا والخوف والاحراج كلها معدومه وانتي على النت فأكيد البنت دمها خفيف بس في الواقع تستحي وكذا فماتطلع خفتها دمها الى مع الايام لمن تطيح الميانه عرفتي شلون بس برضو والله غريبه جديه حتى مافي شوي مزح :) كذلك صديقتي هُنا كانت تزعم خُلوِي من صفه معينه ووصلت لأن تٌقسم بذلك فقلت لَها والله أنَي أملك صفه مُعاكسِه تماما حتى أدركتْها قبل أيام . سبحان الله فعلينا أن نعترف بالطبائع والصفات فمهما أخفيناها تبرزها المواقف فكيف بحياه زوجيه وعشره تدوم لسنين العَجله وسوء الاختيار قد تُودي بحياة اثنين وأكثر . لفتَه / عند قراءتي لبعض الردود تيقَنت بأن الغَرب أدُوا رسالتهم بصورة جيدة حتى وصل التأثير الفعَال للأفلام لِمتابعيها والله المستعان ! اذا قصدك على بيو كيميائيه تراها شيعيه والوضع اعتقد عندهم في شوي انفتاح والله يهدي الجميع [ فاظفر بذات الدين تربت يَداك ] يارب أرزقني بمطوعه حافظه القراءن << امنيت حياتي لو تحققت معد ابي شي من الدنيا أسأل الله أن يكتب لَكم الخير في سائر أموركم ~ عُذرًا على الإطالة بالعكس والله انقهرت لمن انتهي ردك

أخت سعي مرتين قريت ردك ماشاء الله تبارك الله

والله يعجز لساني عن الرد .. من جد مدري وش اقول ماشاء الله عليك

ماخليتي شي للنقاش كفيتي ووفيتي والله يستر عليك


ونورتي

[never hide]

للأسف كتبت كم رد و طارو المهم يا اخي اتفق مع سعي في قضية الشكوك ميه في الميه و بالمناسبة سأذكر لك موقق حصل لصديقتي كنا بفتره نعمل في مكان مختلط المهم جأت لي البنت و لونها مخطوف و السبب ان فيه واحد من الرجال فجأه و بدون مقدمات فاتحها بموضوع الزواج المهم على قد ما ضحكت على الاسلوب اللي فجع البنت بيه قلت لها احلفي ايش اللي بينكم و الله ان البنت حلفت لي مليون يمين انها ما قد كلمته و لا تعرف اسمه حتى و لا حصل بينهم الا انه طلب رقمها قبل هالمره و هي رفضت و نهرته المهم بغض النظر عن نيته و هل هو جاد و لا لَا قلت لها قولي له اذا تبغاني روح لاهلي و فعلا اليوم الثاني هو طلب منها رقم أمها لكن الغريب في الموضوع فعلا انه لا هو و لا امه و لا احد من اهله اتصل و الظاهر ان البنت اتأثرت نفسيا من هالموقف لانه حاجة من الاثنين يا انه كذاب و حب يتسلى او انه اهله رفضوها و الحمد لله ان البنت ماقالت لأهلها ان فيه واحد حيجي و يتقدم لها لانه لو عملت هالشيء كان أكيد جاها عقال على قولتكم او حتى كانت معرضة لخساره ثقة اهلها او فقد وظيفتها و بصراحة أنا اللي قلت لها لا تعلمي اهلك لانه احتمال يكون كذاب أش رايكم في نصيحتي لها و الشاهد من القصة هو ان اكبر غلطة يرتكبها الشاب هو ان يفاتح البنت بموضوع زي كدا عشان هالشي يجيب الشكوك و يضر اكثر مما ينفع لذلك نصيحتي لك يا اخي انتبه انتبه للطريقة و يتحسن ان يكون هناك وسيط امك او اختك او حتى إمام الحي او اخ ناصح يحب لك الخير. اتوقع يلدرم شكله قاعد يدرس الموضوع و يفكر انه يفتح قسم لجمع رأسين بالحلال ههههههه هذا اذا ما قفل الرسائل الخاصة عندك ههههههه

[سكون الورد k.a.u]

المشاركة الأصلية كتبت بواسطة ||سَعْي ~ الفكرة بشكل عَام مقبولة ولكن الطريقة المعروضة هُنا لا أظُن بأنها جيده ولا تتوافق مع الغالبية لأنها سَتسبب شَكوك من الفتاة والأهل أيضًا تجاه المُتقدم على كُل حال إذا استخدمَنا طريقة المنتدى فـ هُناك وسيلة أشمل لجوانب الفتاة وفي الوقت ذاتِه طَريقة محترمه في التقدم : وهو أن يطلب الرجل من شقيقته التسجيل في المنتدى والتقرب من هذه الفتاة حتى تصل لِمقابلتها سواء في الجامعه أو غير ذلك وبالتالي سَتستطيع الفتاة معرفة مدى التوافق بين الشخصيات في المنتدى والواقع وكذلك الشَكل وتناسبه مع رغبة المُـتقدم .. إلخ بحيث إن تناسب مع المطلوب تقدموا بكل يسر وسهوله وإن لم يتناسب بحث عن غيرها دون أن تعلم وهُنا لم نجرح أي طرف من الأطراف فوالله مسألة الطلاق أو فسخ الخطوبة ليست سَهله أبدًا دراسة تناسب الأطراف في الحياة الزوجيه يجب أن تكون مٌسبقه ومتعمقه

ابدعت ِ يااخت سعي ..

كلامك في محله .. وعين العقل ..

ماشاء الله عليك ِ تبارك الله

اجل ياعاصم دام فكرة الزواج من المنتدى تقبلهاااا شريحه عاقله وواعيه ..

فهنا بصيص أمل .. بزغ امام عينيك ..

ولكن المعضله كما تفضلت الاخت / سعي + الاخ قوربتشوف ..

ان الطريقه هي خطأ ..

اذن ارسل اختك تسجل بالمنتدى وتتواصل مع الفتاهـ .. ثم تطلب منها المقابله بالجامعه ..

ومره بعد مرهـ .. لاينقضي ترم الا وقد توطدت العلاقات مابين اختك والفتاهـ ..

بعدها فلتفاتحها بالموضوع .. وقبل المفاتحه .. استخر الله عزوجل .. ولا تمش ِ مع اهواءك بلا استخارهـ .. فالله أقدر واعلم ..

تمنياتي لك بالتوفيق ماحييت والقبول من الفتاهـ التي ترغب بها زوجه على سنة الله ورسوله


دمتم بود

[Patricia]

ياحليلكم .. شكله الاختبارات ع الاجازة ضربت في رووسكم وجابت مفعولها ..

أقول .. يازين الزواج التقليدي ..

ونسييييييييت أقولكم إذا أحد تزوج من ربعنا بالمنتدى .. وقدرتوا توفقوا راسييين بالحلاااال ..

لاتنسووا تعزموني لزوووم نسوي الوااااجب ..

[THE HILL]

المشاركة الأصلية كتبت بواسطة سكون الورد k.a.u ترااااني حربيه من القصيم ... وعندنا وعندكن خيييييييييير .. دمتم بود

منذ مبطي وحنا ندور قصيميه لاخوي خلاص انتظري الرساله ع الخااص خخخخ
بس عادي مووب حربي يعني تميمي ينفع


بالنسبه لموضوعك يا استاذ عاصم > يا خي كان ما قلت اسمك صريح مدري يمكن لو اسمك محمد نتقبل الفكره خخخ


الممهم شكلك ودك ببنت الحلال وتراهم وااجد الله يرزقك بوحده منهن ومن دااخل المنتدى هههههه


اما حكايه رساله وخااص نو كومنت صرااحه ^^"

[tariq_101]

المشاركة الأصلية كتبت بواسطة بيو كيميائية ^_^ أنت بس قريت جملة وبدون فهمـ وقيمت القيامـة أنت متى تفكر وتقرأ الكلامـ كامل وتفهمـه وتتركـ أسلوب التحوير وأنا أقصد حب مثلًا واحد حب زميلته في العمل الجامعة بنت جيرانهمـا من هالقبيل يعني وكانت عيونهم هي اللي تتكلمـ كلامك واضح .. طيب سمعتي بالنظره الشرعيه ؟؟ ترا في شباب يحبو الزواج من العمل بس بشرط أن البنت محترمه ماتطالع يمين ويسار الحين أيامـ زمان شلون يعرفون أنهمـ يحبون بعض مو من عيونهمـ يشوفون بعض وينزلون عيونهم ويخجلون ويرتبكون وين يشوفون بعض بعد الزواج ولا قبل؟؟ ولا في النظره الشرعيه ؟؟ ويمكن ماأكون أحمل مشاعر إتجاهه لكن هو إنعجب فيني وجاء وقال لي أبي عنوان بيتكمـ أو رقمـ الوالد عشان يبي يخطبني هذيك الساعة راح يكبر في عيني هذا سبب كثرت الطلاق .. يعني اي واحد يجيك عطيني رقمك أبغى أتزوجك .. توافقين ههههههههههه ماصدقتي وبعدين أنا أشوفه معاي فعارفة أخلاقه وتصرفاته في ناس في العمل يااهووو وش ذا الأخلاق لكن لمن تقربي منه بتلاقينه عكس كذا يعني ماراح يكون فيه خداع وترا ياكثر اللي تزوجوا من زميلاتهمـ في العمل وبعدين إن كان الزواج التقليدي كويس كان ماشفنا نسبة الطلاق زايدهـ من فين جبتي هذي المعلومه .. بالله عطيني المصدر .. ولا قدحتيها من عندك .. وكله بسبب الإختلافات والخداع وساعات يكون مريض نفسي وأهله ماقالوا للبنت لازم الأب يسأل عن الرجل المتقدم لبنته .. وليه شرط الولي في الزواج .. علشان الحرمه بطبيعتها حساسه رقيقه المشاعر ترضى فيه بكل عيوبه إذا حبته .. فالأب لازم يسأل عنه جيرانه .و إمام المسجد يصلي أو لا. ويحملهم الآمنه في تزكيته .. وحتى في العمل يسأل حتى لو كانت البنت زميلته . علشان البنت لاتكون مخدوعه فيه .. وإلا من متى نسمع وحدة عمرهـا 22 مطلقة في عالم الحب الزائف وأصغر صرنا نسمع

عيدي النظر بخصوص طريقة الزواج .. علشان لاتصبحي من أعداد المطلقات ..

[مهاوي2008]

الزواج والطلاق كله قسمه ونصيب

من داخل المنتدى ولا خارجه

اللي ربي كاتبه لكم بصير

ربي اذ كان رزقي في الارض فاخرجه واذ كان بالسماء فانزله

يعني محد يدري وش مكتوب ووش نصيبه بالهدنياااااااا