قبول الطلاب والطالبات الغير سعوديين

[بحر الحرية]

المشاركة الأصلية كتبت بواسطة موطن السعادة يعطيكـ ألف ألف عافية أخوي / بحر الحرية وكل شيء وااااضح وما قصرت وان شاء الله بكرة رح ارووح لعمادة القبول والتسجيل بس انا نفسي في طب ايش اسوي؟؟؟؟

أهلين عزيزي..
أول شي ألف مبروك إنهم أخدوو منك الأوراق، وإنشاا الله يارب يكتبلك ربي القبول ف الجامعة وتكون معاناا وتستااهل كل خير خيووو..
تاني شي الطب ممنوع على غير السعوديين إلا برسوم، ويسموه الطب الموازي، بس ما أعرف كيف طريقته بالزبط، لكن له رسوم تدفعها كل ترم أو كل سنة على مدى السنوات الدراسية كلها.
لكن قبل ما تدخل الطب حاول تقابل أطباء كتير، وتسأل وتستفسر قبل ما تدخل عشان ما تندم، ولا تغرك نسبة الثانوية أو نسبة القدرات والتحصيلي، لأنوو الوضع ف الجامعة مرررره غير، وف تخصص الطب غييييييير، حاول كمان تشوف ميولك، ولا يكون عشان Dr ، ترى كتيييير يدخلوا بس عشان مجرد الاسم، وبعدين يندموو كتيييييييير، ووقتها ما ينفع الندم، لأنوو صعب إنك تسحب، بعد ما تكون مشيت 3 سنوات أو أكتر..
ع العموم في موضوع ف منتدى الطب، للأخت Dr.Cilia، انشاا الله يفيدكم كتيير اللي يفكرو ف التخصص http://www.skaau.com/vb/showthread.php?t=156320 ، ولو عندكم أي استفسار عن التخصص، أو عن الطب الموزاي، عندكم كل تخصصات الجامعة موجودة ف المنتدى كل تخصص له قسم معين، تقدروو تستفيدوو من خبراتهم وتحطوو أسئلتكم، وللأسف أنا قانون فما أقدر أفيدكم ف الطب، لكن عندي أخويه تخصصو طب، إداا فيه شي انشاا الله ما نقصر معاكم والأخوان والاخوات هناا كمان مهم مقصرين مع الجميع..

الله يوفقكم ياارب انت والأخوان والأخوات أجمعين، ويسهل عليكم انشاا الله؛؛

[بحر الحرية]

المشاركة الأصلية كتبت بواسطة мέmό0ό ـآميييييين ويوفقك وييسر لك ـأمرك ـأخوي والله جهود جباره تبذلها في هذا الموضوع الله يسهل عليك كل صعب ولايحرمك من الاجر =)

العام قبلو اللي نسبهم المركبة 90 % خبر يقين =)

أهلين خيتوو..
90% مو المركبة، 90% الثانوية، لأنوو شوفي كأني قريت ف رد طالبة قدمت بتقول انوو الثانوية 90%، وداا الخبر اللي عندي، بس يمكن يكون تغير.. الله أعلم.
والله يسمع منك ياارب، ويكتبلنا ويكتبلك كل خير وتيسير وسعادة خيتووو..

التوفيق لكي وللجميع يااارب؛؛

[ضياع الروح]

بحر الحرية ..

حوكل شخص يقدملي الاوراق


عادي ولا لازم اروح بنفسي ؟؟

[blsam]

طيب يا أخوان
هل فيه أحد منكم اقل من 95 واعطوه استمارة التجيل ولا لا ؟؟ قالولكم لازم أعلى ؟!!!!!
انا نسبتي 93 بس ما اعطوني هيا !! وأبغى اتاكد منكم ..

[بحر الحرية]

المشاركة الأصلية كتبت بواسطة ضياع الروح بحر الحرية .. حوكل شخص يقدملي الاوراق عادي ولا لازم اروح بنفسي ؟؟

أهلين خيتوو..
انشاا الله مافي مشكلة، لأنوو هياا مجرد تقديم..
ع العموم لا تنسي ياخد رقم المعاملة اللي راح يقدملك، لأني شايف الأخت نور بوزيدان لمن قدمت ادوهاا رقم معاملة والله يكتبلك اللي فيه الخير ياارب..

موفقة انشاا الله؛؛

[ضياع الروح]

الله يعيطك العافيه متعبينك معانـــا ..


بس برضووو بسأل ><
مكتوب فراغ النسبه ..
اش اكتبلهم 89.78
ولا نسبة ثالث 91

[Dedy~]

المشاركة الأصلية كتبت بواسطة ضياع الروح الله يعيطك العافيه متعبينك معانـــا .. بس برضووو بسأل >< مكتوب فراغ النسبه .. اش اكتبلهم 89.78 ولا نسبة ثالث 91

معليش أنا بجواب عن بحر الحريه <<آسفه
يمكن مايدخل ويتأخر عليكي بالرد

تحطي نسبة ثاني وثالث =التراكمي يعني ^^

[Dedy~]

المشاركة الأصلية كتبت بواسطة ضياع الروح الله يعيطك العافيه متعبينك معانـــا .. بس برضووو بسأل >< مكتوب فراغ النسبه .. اش اكتبلهم 89.78 ولا نسبة ثالث 91

معليش من الحمآس تكررة المشآركه

[ضياع الروح]

اوووك ديدي الله يسسعدك =)



بس بكذا مابيقبلوووو التقديم
لأنووو طلبهم نسبة فوق الـ 90

[موطن السعادة]

كيفكـ أ / بحر الحرية
ان شاء الله بخير ....
بخصوص الطب الحمدلله انا 2 من اخواني اطباء وافادوني بكل شيء

وانا الحمدلله استخرت والحمدلله مرتاح وانا اصلاً حلمي من صُغْرِي اكون طبيب

ومشكوور وما قصرت على اهتمامكــ

أسأل الله ان يجعله في ميزان حسناتكــ...