مناقشة محاضرة ( تجارة الكترونيه bus 457 ) شعبة JA + JBمع د \ محمود الزيود .......

[ROMANILO]

ماهر عبدالله


أخوي إذا إنت مو من جدة و ما تقدر تراجع الجامعة
أرسل لي رقم جوالك ع الخاص و أنا بشوفك موضوعك و أروح الجامعة
و أشوف ايش الموضوع عندهم ..

و أي خدمة أنا تحت أمرك

[socpa1989]

مادام الدكتور غايب 3 محاضرات اكيد معصب والاختبار يكون صعب

[LAYAN89]

إن شااااااااااااء الله خير يااااااااااااااااااااااااارب

:)

[براءة الورد]

قولوا "لا إله الا الله" تفلحوا
عسى ان يكون خير باذن الله..
تفاءلوا بالخير تجدوه..وربنا كريم..
براءه،،،،،،

[ROMANILO]

المشاركة الأصلية كتبت بواسطة socpa1989 مادام الدكتور غايب 3 محاضرات اكيد معصب والاختبار يكون صعب

سبحان الله كيف فسرتها كذا


الغايب عذره معاه
وتفآئلوا بالخير تجدوه

[Love Candles]

المشاركة الأصلية كتبت بواسطة layan89 ياجماعة الأسئلة مقالية ولا اختياري وصح وخطا؟ ومن فين نذاكر بالضبط كتاب ولا بوربوينت ايش اهم؟

نفس السؤال ياليت أحد يجاوبنا............

[عاشقة المستحيل]

مساء \ صباح الورد
انا مستغربه اعتذار الدكتور
عسى المانع خير
و ان شاء الله يوم الاثنين يحضر
و بالنسبه للاختبار
انا سمعت أن طريقته
صح و خطأ
أختاري
و المقالي مباشر مثل عددي
و ان شاء الله خير

[m!ss lala]

المشاركة الأصلية كتبت بواسطة layan89 كان فيه محاظرة اليوم؟!!!!! وايش سالفة البنت الي اشتكت الدكتور وكيف عرفتوا وليه اشتكته؟؟؟؟؟؟؟؟؟؟؟

الله يرد لها البنت هذه من جد :)

عموماً لكل الزملاء والزميلات

انا حابه استفسر عن اجابات اسئلة كل فصل لأني لاحظت أن الاسئله بعيده تماما عن ما تم ذكره في الفصل

فياليت للاخوان الطلاب يطلبون بكرا من الدكتور حل الاسئله وشرح اشياء منها لأنها غير مفهومه

وبالنسبه للاخوات الطالبات كتابه نفس هذه الملاحظه(( للمشرفه )) عشان تقولها للدكتور لان احنا بحاجه لحل هذه الاسئله وفهمها
لأنه ذكر في احدى المحاضرات انها مهمه + الحل الموجود في الكتاب خاطئ :)

وبالتوفيق للجميع

[حأقعد عالكاشير]

أبغا أسأل
جا الدكتور اليوم
الله يسعدكم قولولي وقال شي عن الاختبار ؟؟

[ROMANILO]

^
^

الدكتور حضر اليوم قال إن الإختبار حيكون في (الفصل الأول) و (الفصل الثاني) فقط..

و حيكون عبارة عن سؤالين :

السؤال الأول من 10 درجات (اختيارات متعددة 10 فقرات)
الثاني مقالي من 10 درجات (اشرحي أو عدّدي أو اذكري أو عرّفي)


وقال إن الإختبار جيكون مررررة سهل
و قال لازم تجيبوا درجات حلوة و تستغلوا الفرصة

لأن الإختبار الثاني و النهائي حيجيب أسئلة صعبة ..


في طالبة سألته إذا نذاكر من الكتاب أو شرايح الباور بوينت الي رسلها لكم
الدكتور قال الشرايح عبارة عن تلخيص للكتاب ,

و إحنا مطالبين بكل مافي الكتاب ..


و بس


أي استفسار أنا جاهز