تجمع للجداول و تعديلها||~

[LeLou]

المشاركة الأصلية كتبت بواسطة edison habis أهلا عنان :) حليت المشكلة الحمد لله غيرت موعد معمل فيزياء عامة وقدرت أحصل مادة أمن وسلامة مختبرات كيميا200 جدولي دحين : فيزيا2 فيزيا3 ماث202 ثقافة1 أمن وسلامة مختبرات chem200 عدد الساعات 15 كويس كدا ولا يحتاج أضيف تاني؟ في مشكلة لو ما أضفت أمن وسلامة مختبرات الثاني؟

مافي مشكلة..
أنا أخذتها الترم اللي راح..

[شبآصصة]

ما رضي يضيف لي ثقافه اسلامية 1
يجيني " خطأ ف ادخال التسجيل "
أيششش يعني و كيف أقدر أضيفها ؟
و اذا ما تنضاف خلاص ايش اسوي ايش تنصحوني بمادة غير الثقافه

[Tiu]

السلام عليكم
انا اتخصصت كيمياء و ناوية ان شاء الله احول السنة الجاية مختبرات
جدولي :
كيمياء عامة 2
كيمياء عضوية 1
اللغة العربية 1
ثقافة 1
لو تبو اضيف مادة حرة كمان قولولي ايش اسهل شي لو سمحتوا

[RAWAN^_^]

نفسسس جدووولي بسس انا اضفت تفاضل وتكامل وثقافه ما اضفتها

ايوهه لله يسعدكم اللي عنده معلومات عن المواد يقولنا

[LeLou]

إعلان مهم:~

المشاركة الأصلية كتبت بواسطة فوبو اليوم رحت الجامعة في ورقة شفتها معلقينها كاتبين أنه فتحوا فيزياء طبية والي يبغى يسجل يروح الشؤون التعليمية الي في العلوم عند أ. أعتماد

[LeLou]

المشاركة الأصلية كتبت بواسطة شبآصصة ما رضي يضيف لي ثقافه اسلامية 1 يجيني " خطأ ف ادخال التسجيل " أيششش يعني و كيف أقدر أضيفها ؟ و اذا ما تنضاف خلاص ايش اسوي ايش تنصحوني بمادة غير الثقافه

عادي يا عسل روحي السبت إن شاء الله للشؤون يضيفوها لك..
بالتوفيق||~

المشاركة الأصلية كتبت بواسطة tiu السلام عليكم انا اتخصصت كيمياء و ناوية ان شاء الله احول السنة الجاية مختبرات جدولي : كيمياء عامة 2 كيمياء عضوية 1 اللغة العربية 1 ثقافة 1 لو تبو اضيف مادة حرة كمان قولولي ايش اسهل شي لو سمحتوا

يجوا بنات الكيمياء يفيدوك بخصوص المواد إن شاء الله..
لكن,,
أنا أنصحك خذي فقط المواد اللي راح تتعادل لك في التخصص الثاني + مواد عامة و حرة..
//

بالنسبة للمواد الحرة يمدحوا مادة إقناع مع الدكتور أنمار..
و سيرة نبوية..

[عنآن السحآب"]

سؤال أختي LeLo

أنا إن شاء الله رآح أمشي ع الخطة الدراسية للقسم..
فهل كيمياء200 تعتبر من المتطلبات أو مادة حرة؟

[LeLou]

المشاركة الأصلية كتبت بواسطة optimistic sona . . السلام عليكم ... كيفكم مع حوسة الجداول ؟؟ المهم أنا فيزيكس مستوى رابع نزلت دي المواد ومحتارة خايفة اتورط المستويات اللي بعدها :/ ميكانيكا 1 نظرية 1 معادلات تفاضلية ثقافة 1 لاب كيمياء أمن وسلامة كيمياء حديثة مستحيييل أضيفها دا السمستر.. فكرت أضيف ديناميكا وأحذف أمن وسلامة لأنها تتعارض معاها ما رأيكم ؟؟؟

أول شي بسألك سؤال ملقوف شوية:~
ليش ما تبغي تضيفي حديثة؟!
إذا ما تبغي تقولي السبب هنا أرسلي لي عالخاص عشان أعرف أتفاهم معاكِ..
و إذا مو حابة ترسليه كمان براحتك..
لكن إنتِ شايفة الخطة,, و عارفة أنه المادة دي مرة مهمة و في مواد كثير متطلبتها..
//

فإذا مو حابة تضيفيها أضيفي ديناميكا على الأقل عشان لا تتراكم عليك المواد..
و غيري موعد معمل الكيمياء..

بس أنا حأقول لك عشان قبل لا تضيفي الديناميكا و تدعي علي:~
معادلات تفاضلية لازم تشدي حيلك فيها كويس..
مو صعبة لكن الاستاذة تصحيحها دقيق جدًا و تودي درجات..
بس شرجها حلو و أسئلتها مو مرة صعبة..
و المادة مو مرة سهلة,, بس مو مرة صعبة..
بس حلوة لو شديتي حيلك شوية بإذن الله تنجحي فيها..
+
الميكانيكا عليك العوض و منك العوض,, ما راح تفهمي كويس..
+
الدكتورة سناء إنتِ عارفة أسلوبها و طريقتها و شرحها و أسئلتها و ما إلى ذلك..

لذلك أنا بقول لك دا الكلام عشان تكوني في الصورة..

*

أصلاً أنا للآن ما أخذت ديناميكا و راح آخذها الترم الجاي إن شاء الله ..

[LeLou]

المشاركة الأصلية كتبت بواسطة عنآن السحآب" سؤال أختي lelo أنا إن شاء الله رآح أمشي ع الخطة الدراسية للقسم.. فهل كيمياء200 تعتبر من المتطلبات أو مادة حرة؟

تعتبر متطلب..

[شبآصصة]

Lelou

اذا قفل الحذف و الاضافة يمديني اضيف مواد ؟؟
اخاف يقفل الحذف و الاضافة و بعدين يرفضو يضيفولي الثقافة
يعني خايفة اتورط :|