هنا نستقبل استفسارات العلاج الطبيعي

[Deev]

المشاركة الأصلية كتبت بواسطة dr.w.s.w عندي سؤال بسيط كم عدد طالبات قسم العلاج الطبيعي او بشكل عام كم عدد طالبات كلية العلوم الطبية التطبيقية ؟

عدد الطالبات يختلف من دفعه لدفعه
عموما دفعتي الحين 24 بنت في العلاج الطبيعي

[Deev]

المشاركة الأصلية كتبت بواسطة وردة الكمان السلام عليكم في الآول آنا اشكركم ع الموضوع المفيد و عندي استفسار اذا مداكوم تجاوبوا علي في آسرع وقت ممكن ، آنا طالبة في السنة التحضيري و لما دخلت برنامج التخصص المناسب آخترت كلية العلوم الطبية التطبيقية و آنا آرغب بقسم العلاج الطبيعي بس لما سآلت العمادة قالولي انوا بعد ما انقبل في الكلية هما يحطوني بالتخصص المناسب لمعدلي بس آنا آرغب بالعلاج الطبيعي ، و سؤالي اذا كان صح حيوزعونا كذا ولا ؟ و كيف آضمن لنفسي تخصص العلاج الطبيعي و شكرا

هوا صحيح انتي بعد ماتنقبلي ف الكلية لازم ترتبي التخصصات بحسب رغبتك لكن التوزيع الاساسي يكون على معدلك فعشان كدا انتي شدي حيلك ولا تخافي ترا مرا نادر انك م تدخلي التخصص اللي تبغيه يعني بالنسبه ليا في الترم اللي فات شفت بنت او بنتين بس دخلوهم بتخصص ثاني في نفس كليتنا والباقي كلو على حسب رغبتو ^^

[احمد العمودي]

المشاركة الأصلية كتبت بواسطة bayan sait ايوا عادي هما يكتبولنا مختبرات بس اول يوم دوام حيوزعوا لكل المقبولات في الكلية ورقة و تختاروا ايش تبغوا قسم و ان شاء الله كلكم مقبولين في رغبتكم الاولى هما قصدهم يحطوكي عشوائي اذا نزلت الجداول و انتي لسا ما سجلتي عندهم ايش تبغى قسم فعشان كده لا تتأخري و روحي اليوم الاول بالعكس حيكون يوم تعريفي بالأقسام و حتستفيدي ان شاء الله

سلام عليكم...
تحية طيبة

حبيت استفسر عن اختيار التخصص في كلية العلوم التطبيقية

بخصوص اول ماننقبل في الكلية بعد السنة التحضيرية هل نقدر نختار التخصص اللي نبغاه ؟؟
ولا فيه سنة تأهيلية تعتمد على المعدل ؟؟؟

[منفائله رغم الصعاب]

سلام
الي يبي يحول من كليه طبيه لكليه طبيه ثانيه ايش يعمل والاودس ايش طلعلكم بالتحويل ايش خياراتكم ابعرف نفس خياراتي ولالا ؟؟!!

[memas]

السلام عليكم
انا تخصصي كيمياء حيوي وقاعده افكر اني احول لكليتكم
معني كنت ابغى ادخلها من اول بس الله ماراد ودخلت حيوي والحمد الله نسبتي كويسه
فحابة اشوف نصايحكم هل استمر في الكيمياء حيوي ولا احول لقسم العلاج الطبيعي وايش الافضل لاني مرة متوترة وضايعه وتعبت من التفكير ارجو الافاده وشكرا .

[رهآمم]

السسلام عليييكم
عندي اككثر من سسؤال ، ايش هيا آخر نسبه موزونه قبلوهاا السنه اللي راحت ؟؟ وهما يزيدوا مقاعد كل سنه عن اللي راحت ولالا ؟؟ وكم عدد الطالبات اللي يقبلوهم في الكليه كلها بشكل عام ؟؟ وبالنسبه لانهم فتحو موازي هالسنه ، زودو المقاعد وفتحوه ولا قسمو المقاعد جزئين موازي وعادي ؟؟
تتوقعوا نسبه 87 تنقبل ولالا !

وششكرا =)

[تحضيري ):]

^ لآيك مــــي xd

[R..F]

حرد عاللي اعرفه

الموازي كراسي جديدة غير عن الموجودة
حسب كلام الاستاذ oxo < اظن كذا اسمه xD

[زوز19]

ممكن اعرف كم حيكون راتب تخصص العلاج الطبيعي وكمان حابه اعرف هل طبيعه العمل حيكون بجلس ع مكتب وبيجو المرضى عندي مثل الدكاتره ولا كيف.؟؟؟؟؟؟؟؟؟؟؟؟؟؟؟؟؟