بنات أسئلتكم عن مواد , أستاذات , أماكن تدريب ... إلخ

[تونيا]

المشاركة الأصلية كتبت بواسطة reemoo.rs موضوع حلو وجا في وقتو الدوره قربت المهم انا باقيلي ماده حره وماده اختياري والبحث والتدريب افكر اخذ حكومة الكترونيه من كلامكم عنها او ادارة خدمات صحية مع نظام سياسي سعودي ايش افضل مادتين بينهم اقدر اختارها والتدريب بالنسبة لبنات ادارة اعمال دولية انا بصراحه مابغى بنك لاني ماحستفيد ولااااااااشي وانا بصراحه داخله عالماده دي انها حتهيأني لجو العمل ومتحمسه لها بس خايفه اعطوني امثله لشركات ممكن ادور فيها وهل احد راح دار عالقنصليات لقى رفض ولا قبول لو رفض ايش السبب والقبول ايش الشروط ياريت بالذات تجاوبو على موضوع القنصليات لان جالسه ابحث بس مالقيت تجارب ايش رايكم في الخطوط السعوديه تونيا ياريت ابغى اعرف منك كيف طريقتك مع الاستاذه بالنسبه للبحث ومناقشته انا مافهمت نقطه اني احدد انا الموضوع مو اسالها ايش هوا موضوع البحث ياريت تفيدينا عشان ندخل بثقه عالاستاذه وجزاك الله خير

بالنسبه للمواد أنا رأيي ادارة خدمات صحيه وعلوم سياسيه
وبس لاتروحي يمين ولا يسار (اسألي مجربه)

وبالنسبه للشركات, حلم عمري ماقصرت وجابت الشركات كلها
والقنصليات الي هيا السفارات كمان كويسه وانا وحده منكم كلمتها على الايميل وقلتلها روحي السفارات ,
وأشوف لو كانت الوحده أجنبيه وراحت سفارتها فيكون أفضل لانها راح تلقى منهم اهتمام
وانا في وحده من البنات هذا الترم كانت تبغى تروح السفاره الإيرانيه وهيا مو ايرانيه وطلبت مني أروح معاها لأني رحت قبل كده , بس ماقدرت أروح معاها
وراح أسألها ايش سوت واكلمكم , وكمان الخطوط حلوه ودوليه وزيها زي الشركات السياحيه الي كلمتكم عنها
وموضوع البحث زي ماقلت قبل إني انا فكرت فيه وكلمت الاستاذه عنه ووافقت
يعني انتي لازم تجيبي الموضوع من عندك وتكلمي الاستاذه ولو ما عجبها تغيريه وتشوفي غيره
المواضيع كثيره وقلتها واعيدها موضوعي أنا الأيزو , وحده من صحباتي غسيل الأموال , والثانيه تسعيرة التجوال الدوليه(هذي اتدربت في موبايلي)
المهم انتوا جيبوا مواضيع وانا أقولكم رايي فيها
لاتخافوا ولا تشيلوا هم والله البحث والتدريب ممتعين

الله يسهل لكم ويكتبكم عند أحسن الاستاذات وتبدعوا يارب

[تونيا]

المشاركة الأصلية كتبت بواسطة دنيا غريبة فديت قلبك ياتونيا تسلمي ياحبيبي بس معليش سوال مين افضل دكتورة في الادرة الاستراتيجية وش رايك في امل تركستاني بحوث عمليات الله لا يحرمكي الاجر يارب لكي اطيب تحياتي

والله أخجلتيني ياعسل

وعشان كلامك الحلو اسألي كل الي في خاطرك , لا تخجلي أبداً

انا الي أعطاني ادارة استراتيجيه أستاذع اريج فيومي

لكن انتي قوليلي مين يعطوا هذا الترم وأنا أخترلك

وبالنسبه لبحوث عمليات إختيارك صحيح ,أصلا ما ينفع غير أمل تركستاني لأنها الوحيده الي تشرح


وجزاك الله خير على الدعوه

ولكِ أطيب الأمنيات

[تونيا]

المشاركة الأصلية كتبت بواسطة ورد جـوري يعطيكم العافيه بناااتـ لكن ودي اسأل .. ايش احسن دكتوره لمادة . موارد بشريه انجليزي ؟؟

حبيبتي أنا الي اعرفه يعطيها دكتور

بس لو دكتوره أتوقع ممكن تعطيها دكتوره غاده

بس والله دكتوره غاده ماعجبتني من زماااااان من يوم ادارة اعمال انقليزي وحذفت الماده وجا الترم الي بعده وكانت عند شهيناز وكانت راااااائعه


هذا الي عندي وياليت لا احد يبخل ويعطيكي المفيد

[تونيا]

المشاركة الأصلية كتبت بواسطة ليون الصغيره بنااااااات في احد يعرف متى ينزلو اسماااااء الاستاذات حقون البحث والتدريب مانبغى الاسماء كلها بس على الاقل ينزلو حق البحث والتدريب عشان نبدا نسال الاستاذه ونتدرب بدري احسسن

متى ؟؟ الله أعلم


لكن الأكيد انهم ينزلوا استاذات البحث والتدريب قبل باقي المواد


لا تخافوا راح يمديكم وتخلصوا

انا كرهت موضوعي من كثر ما طول انتظاري , ووحده معايا يوم التسليم نسيت اوراق التدريب


وهذا كله من كثر ما طال الوقت وخلانا ننسى الدنيا

أنا اشوف كل وحده تفكر في موضوع وتجمع عنه معلومات عشان توفر الجهد والوقت


الله يصبركم

[حلم عمري]

^

تونيا الله يعطيك الف عافيه والله شايله الموضوع شيل مافي منك 2 اموواه

اللي تسأل عن اداره استراتيجيه كإني اخذتها مع عائشه بامخرمه بس مو متأكده ع العموم لو في يكون تمام وأريج فيومي كمان مره تمام واحسن بس للأسف دحين ماتدرس

بالنسبه ل reemoo.rs حكومه او إدارة خدمات

أفضل إنك تطلعي على ملخص حكومه الكترونيه وكتاب ادارة خدمات وتختاري وكمان انتبهي مين يدرس الماده لأن تفرق الأستاذه

بالنسبه للتدريب انا كمان نفسي بقنصليه أو شيئ زي كدا ماابغى اروح مكان واجلس مااسوي شيئ ربك يسهلها

المهاتما تسونامي

جدولك كويس بس كيف الإنجليزي معاك ؟

أنا جاوبت أجوبه مختصره لأن تونيا ماقصرت :)

[تونيا]

المشاركة الأصلية كتبت بواسطة حلم عمري ^ تونيا الله يعطيك الف عافيه والله شايله الموضوع شيل مافي منك 2 اموواه

wow
what a wonderful world

كل هذا ليا !!

ولو ياحلم عمري نحنا أبظايات


وأحب أأكد كلامك بالنسبه لعائشه بامخرمه فهي ممتازه , كانت تقول استاذه اريج انها زي امهم وترى لما اخذتها عند اريج كانت استاذه عائشه تطي نفس الترم لشعبه تانيه , والأسئله كانت موحده وكانت رااااااااااااائعه

[عبير الوجدان]

ياحلوين هنا تلاقون نماذج التدريب

http://art-gcu.kau.edu.sa/content.as...ng=AR&cid=5240

[تونيا]

Bravo

والله انك شطوره

هيا اطبعوا النماذج الثلاثه وأعملوا الي قلت عليه

[عبير الوجدان]

^^^

هذا واجبنا ياقمر

بالنسبة للخطوط السعوديه قصدكم يكون التدريب في المطار؟؟

افيدوني اللي يعرف

[تونيا]

والله أنا مادري , أنا الي اعرفه شركه سياحيه

لكن الخطوط طبعاً فيها مكاتب , وفي قسم نساء , وأتوقع هناك يكون التدريب


والله أعلم ,,

ياليت الي اخترعت المطار تفيدكم أكثر