تجمع خطة (أ) دفعة 2014 .. السنة التحضيرية (طالبات تعليم عن بعد) .. (New)

[الياسمين.]

اي عليه درجات

[sose hamad]

الياسمين : الدورة تحضريها في احدى الفرعين اما اللي في الجامعة او اللي في حي السلامة

Lightning :المنتدى عليه درجتين لكل موضوع وهما بس حكونوا موضوعين يعني المجموع 4 درجات

[sose hamad]

السلام عليكم ورحمة الله وبركاته

إجازة سعيدة يا قميلات
حبيت اليوم اكتب لكم كم معلومة ممكن تفيدكم البعض يعرفها والبعض لسى

الواجبات : 4 واجبات عليها 4 درجات لكل واجب المجموع 16 درجة
لما تبغو تحلوا الواجب حملوه على اللاب وحلوا كل الأسئلة بعدين متى ما تخلصوا ارسلوها وإنتبهوا لأن ارسال الواجب تتم مرة وحدة بس ويكون قبل موعد استلام الواجب اللي راح يتم تحديده

الإختبارات الدورية :اختبارين عليها 5 درجات لكل اختبار المجموع 10 درجات وطبعا حتكون اون لان وهي كلها خيارات >>
ودا بالذات انتبهوا لموعده لأنه يوم واحد فقط يبدأ 12 في الليل وينتهي اليوم التاني الساعة 12 في الليل وحاولوا انكم تختبروا قبل 11 يكون افضل لأنو لو بدأتوا الاختبار 11 في الليل وارسلتيه 12ودقيقة
ما يقبلوا الاختبار

المنتديات : موضوعين درجتين لكل واحد المجموع 4 درجات
دا عاد بكيفكم مالو وقت محدد ينتهي قبل الاختبارات النهائية باسبوعين تقريبا لحصر الدرجات والأفضلية تكتبوا من راسكم خصوصا لو كان انقلش

البريد : خليكم متابعينه على طول حتى في ايام الاجازة يمكن الاساتذة يرسلوا لكم رسايل بمواعيد تهمكم ... وممكن كمان تترسلوا مع زميلاتكم في الشعبة والاساتذة كمان

ملاحظة :الايميس الأفضل له انترنت اكسبلورر 8 او 9 لأنو في حاجات ما تفتح زي البريد و ادوات تغير الخط .. اللي في المنتدى

الاختبارات النهائية: حتكون في مقر الجامعة للي في جدة اما اللي برا ممكن تسجلوا في اختبار المناطق عن طريق الأودس

وبسس

[الياسمين.]

مشكورة حبيبتي ع المعلومات

بس حبيت اسال متى يبدا تسجيل اختبار المناطق

[sose hamad]

ما أدري مو كاتبين الموعد في موقعهم
بس اتصلي على احد فروعهم واسأليهم اذا حبيتي

[Lightning]

مركز التحميل الي قالت عنه الاستاذه غدير
وينه
وكيف انزل الملخصات منه

[sose hamad]

جدول الاختبارات يا قمرات

http://emes.kau.edu.sa/ddlcourses/qu...e/Student.aspx

[saleha83]

صباح الخير بنات
انا معاكم في نفس المجموعه بس عندي مشكله
باقي مانزلو جدولي وكاتبين لي في خانة الجدول في الاودس بلاس لم يتم تسجيلي في الفصل الدراسي وخشيت في الخدمه الالكترونيه عشان اشوف اذا منزلين محاضرت لقيت كاتبين لست من المقرر حظور الجلسات ودوبهم اليوم يرسلولي الايميل الخاص بالجامعه وانا خايفه يفوتني الترم لاني تأخرت عنكم كثير اش اسوي

[omhams]

صباايا نزل واجب الحاسب عند استاذه خلود مصطفى زين العابدييين

الي حلته تنزل الحل الله يسعدكم

[شموع الأمل@]

بنااااااات تكفووون ساعدوني
انا كان عندي واجب في الثقافه شفته بالبدايه وبعدين رجعت فتحت مرره ثانيه ويجيني في خانه الواجبات المتكمله
وانا اصلا ماحليته شسوي الله يوفقكم ساعدوووني
ورحت رسلت الجواب ع ايميل الاستاذه بس اخاف ماتقبله
انا ماابغى الدرجه تروح علي
تكفوووووون ساعدوني وردو علي بحل هالمشكله