تجمع لـمتابعة اجراءات المرشحين و المرشحات بـ رابغ

[Reflection]

^
الله يووفقك يارب و يسهل امورك و تروحي وترجعي بالسلامة ،،

ايوا وقعت انا و كل المرشحين نفس الاوراق و سلمنا صور من شهاداتنا والبطاقة

[optimistic lady]

حافظة الود انتي اخذوا منك صور طبق الاصل كيف بالنسبة للتوصيات العلمية هل كمان طلبوا منك صور طبق الاصل لها؟انتي شكلك من الناس الي جات يوم الاحد
احنا ماخذوا مننا اوراق يوم السبت واتصلوا علينا طلبونا نجي بكرة 😓😓
بانتظار ردك الله يرضى عليك ويهونها علينا 😓

[كرستال الحربي]

حافظه الود افضل انك وافقتي والله يعينك
انا امس رحت بس ماكانت موجوده د.رحمه خلصت اوراقي من الإداريه
واخذو مني نسخه من كل شى والتوصيات عادي ماكانت طبق الاصل

[optimistic lady]

شكرا كرستال ربي يطمنك ويريح بالك
الله يعين وييسر

[حافظة الود]

مساء الخير.. بنات انا رحت السبت بس متأخرة شوية همة ما أخذوا منكم صور طبق الاصل بسبب الحر الشديد اللي كان في المبنى انا عبيت الاوراق وسألتهم تبغوا صور قالوا لا بعدين لمن يصدر الرقم الوظيفي. وانا ما جبت استمارة الترشيح حقتي فطلعت ودورت على مكتبة وطباعتها من برا ورجعت تاني الجامعة وكانت د رحمة في مبنى القبول وفيه مكيفات هههههه أخذت ورقة الترشيح وقرأتها وقالت لازم نأخذ صور ولازم نتصل عالبنات اللي راحوا نبلغهم يجيبوها تاني. المهم أخذوا مني صور الشهادة والترانس والهوية بس التوصيات ما اخذوا قالوا مؤ لازم. شكلي لمن اروح السبت أعطيها لهم. والله طفش الاجراءات.

[حافظة الود]

كرستال !!!!!! أخذوا منك صورة من كل شي حتى الدورات؟؟؟؟؟؟؟ !!!!!!!
انا الادارية قالتلي لا مؤ لازم تعطيني الدورات ولا التوصيات مكتوب المؤهلات يعني الشهادة والترانس والهوية فقط!!؟؟؟؟
بالله قوليلي عشان أخذ الملف بكبره لهم السبت واكلم د رحمة انه اوراقي اللي اخذوها مني ناقصة ولا يرسلوها كذا وهي ناقصة!!!!!!

[كرستال الحربي]

مساء النور
ايوه يا حافظه الود اخذو مني كل الاشياء اللي في ملفي
اخذو الدورات والتوصيات

[optimistic lady]

ياللله ايه اللخبطة دي 😓😓كل شوي يتذكروا حاجة والله مشوار
الله ييسر بس 😓

[sara*]

معليش ماحد جاوب على سؤالي
في وظايف اعاده نازله قريب

وهل ممكن لو المعدل اقل من امطلوب ودرجة الايلتس عاليه يشفع الشي هذا بالقبول ؟

[حافظة الود]

مرحباً أختي الكريمة.. بالنسبة للوظائف خليك على طول متابعة منتديات سكاو. لانه كل اعلان جديد ينزل أول بأول هنا. وهذا الفصل ما اعتقد يعلنوا عن وظائف بس يمكن او أكيد الفصل الجاي او مع بداية السنة الجديدة رح يعلنوا لانه جامعة رابغ جامعة ناشئة وفيها احتياج..
بالنسبة للقبول اعتقد انه مجموع درجات تتوزع ما بين المعدل والانجليزي والمقابلة الشخصية والاختبار.. إحنا دخلنا اختبار تحريري مدته ساعتين وكان كتابه مؤ اختياري.