3 >> تابع %%% البنات الطموحات %%%

[Anoz]

يب يب

تم اضافتك في اللسته

[الايطاليهـ]

الموضوع روعه
والفكره اروع

بس اللي مستنكرته ان جميعكم بنات ماتعرفون بعض نهائيا
وانا اعتقد ان من نجاح الموضوع انك تعرف شريكك اكثر من نفسك

ماتدرين مين الصالح ومين الطالح
وهالنقطه مهمه جدا
مو اي احد تدخلين مشروع معه

ممكن انتي نيتك صافيه بس غيرك لا وممكن العكس
وخصوصا ان كلكم مبتدئات وماحد عنده خبره او سمعه
يعني ممكن اشارك احد مااعرفه بس سمعته التجاريه مشهود لها

هالكلام مو عشان احبطكم
بالعكس مررررررره فكرتكم حلوه وحماسكم احلى
بس انا انبهكم
واتمنى تختارون الشركاء بعنايه

وبالتوفيق

[rubi]

صح كلامك يا ايطالية

وبالفعل انا فكرت في كلامك اللي قلتيه من اول وعشان كدا عالترم الجاي باذن الله حنسوي تجمع

واحيانا من كلام الانسانة تبان هي من ايت نوع

عموما المشروع بسيط جدا مافيلو راس مال او شي زي كدا لانو مجرد بداية واللي حتشارك فيلو حتتدرب وتتعلم وتغلط ..طبيعي

ومع بدء الفعل والتطبيق حتبان الشخصيات عالحقيقة

ميرسي مرة تاني يا ايطاليه

[~Tear~]

سلام عليكم

كيفكم بنات صراحهـ مشاء الله عليكم قريت أفكاركم ومشاء الله حلوهـ

بس عندي فكرهـ

ليه لازم يكون بإيطار الجامعهـ أيش رايكم يكون بخارج الجامعة

نسوي فكرة مشغل نسائي هيا اللي أكثر فكرة عليها أقبال يعني ناخذ دورات مثلا مكياج وتساريح وصبغات ونشتغل على ذا الموضوع وشويهـ شويهـ نحقق لنا سمعه حلوهـ

هذي فكرة مشرووع معقولهـ ونقدر نقول ممكن بأذن الله تكون مضمونهـ لانها على مدار السنه ومابتتقيد بمواسم وكذا يعني طول السنهـ حنكون شغالين

حبيت أشاركم بهذي الفكرهـ
تحياتي للجميع

[zadly]

من جد صراحه فكره جدا رائعه وانا معاك إن شاء الله بالي اقدر عليه وبالتوفيق إن شاء الله

[rubi]

اهلا زادلي

منورة الموضوع ,,,,

ان شا الله عالترم الجاي اسوي موضوع جديد ونتكلم فيه بجدية كولنا ,,, وعالمسن كمان

ونعمل تجمع فالجامعة ان شا الله نشوف بعض,,, نتكلم بأريحية مع بعض باذن الله

[rubi]

المشاركة الأصلية كتبت بواسطة ~tear~ سلام عليكم كيفكم بنات صراحهـ مشاء الله عليكم قريت أفكاركم ومشاء الله حلوهـ بس عندي فكرهـ ليه لازم يكون بإيطار الجامعهـ أيش رايكم يكون بخارج الجامعة نسوي فكرة مشغل نسائي هيا اللي أكثر فكرة عليها أقبال يعني ناخذ دورات مثلا مكياج وتساريح وصبغات ونشتغل على ذا الموضوع وشويهـ شويهـ نحقق لنا سمعه حلوهـ هذي فكرة مشرووع معقولهـ ونقدر نقول ممكن بأذن الله تكون مضمونهـ لانها على مدار السنه ومابتتقيد بمواسم وكذا يعني طول السنهـ حنكون شغالين حبيت أشاركم بهذي الفكرهـ تحياتي للجميع

اهلا يا طموحة

فكرتك حلوة يا قمررر بس عارفة انا فكرت في فكرتك صراحة
وقلت انو المشغل ,,,, حطيت نفسي مكان الناس اللي حيجونا,, وقلت لنفسي ليش هما حيسيبو المشاغل المعروفة والراقية,,, ويجو عندنا,,, انتي ايش رايك؟؟ عادي قولي اللي فبالك بالررراحة ههههه


وعلى اننا بس في ايطار الجامعة برضو انا فكرت فيها
لانو بكل بساطة برا ايطار الجامعة ,,, فيها حكاية ايجار مكان وكدا ,,,


استنى ردك ورايك ياطموحة

[روعة طموح]

بنات كيفيكم الله يوفقكم يارب
اتصلت على شركة ادوات تجميل على اساس اكون مسوقة الكترونية بس رئيس الشركة عرض عليا عرض اكبر وهو اني اكون قروب بنات ويقوم بتسويق المنتجات في المنطقة الغربية وجدة بالتحديد فاذا حابين نكون فريق واحنا نكون المسوقين الوحيدين بجدة وقال انوا راح يكون لنا ربح عالي فاذا كنتم موافقين اكلم الرئيس مرة ثانية واتفق معاه واحاول انوا يكون لنا راتب ثابت وبدل موصلات وراح اشرح لكم كيفية التسويق لو وافقتوا على الفكرة وممكن تكون كبداية عشان نعرف بعض اكثر قبل تكوين فريق عمل بمشروعكم

الله يوفقنا واياكم وهي فكرة لاني ماحااقدر اكون فريق بهذي السرعة وانتوا خطرتم على بالي
فكروا وحاولوا يكون ردكم يوم الاثنين كحد اقصى عشان نعرف اايش نسوي ونتفق على كل حاجة مع رئيس الشركة

وشكرااا لكم مقدما

[rubi]

اهلا روعة طموح


والله فكرة حلوة جدا
بس ياريت تقوليلنا التفاصيل اكتر ,,,, وازا مو حابة عالمنتدى يكون عالمسن

وان البنات كمان يجو ويقولو رايهم

بس هو العمل دا مافيه اختلاط ؟

استنى ردك ياعسل

[روعة طموح]

لا مافي اختلاط لانوا احنا حانروح للمشاغل نسائية شركات نسائية استنى الاضافة ونتكلم ان شاء الله