تجمع المتقدمات لماجستير الكيمياء لعام 1434 - 1435 هـ ..

[Bloom Boom]

مرحبا للجميع ..
كيف الحال.؟ اتمنى تكونو بأحسن .. (مع اني عارفة التوتر كيف ساير )
أنا كمان زيكم مقدمة ع الماستر في السلمانية .. وجالسة ع اعصابي ..
في اختبار ولا مافي..
لانو لو في اختبار مارح أقدر أجي الجامعة وأختبر .. فرح أقدم مرة تانية ع السنة الجية..
عشان نعرف عددنا تقريبا .. أنا رح أحط موضوع للتصويت هنا..
لبنات ماستر كيميا وأتمنى من كل وحدة موجودة بالموضوع تصوت ع موقع التقديم حقها
(في السليمانية ولا الفيصلية )
ولما نعرف العدد رح نقدر نسألهم عن العدد المسموح به للقبول بدون اختبار ...
ويارب ننقبل من دون اختبار .

[بيو كيميائية ^_^]

المشاركة الأصلية كتبت بواسطة bloom boom مرحبا للجميع .. كيف الحال.؟ اتمنى تكونو بأحسن .. (مع اني عارفة التوتر كيف ساير ) أنا كمان زيكم مقدمة ع الماستر في السلمانية .. وجالسة ع اعصابي .. في اختبار ولا مافي.. لانو لو في اختبار مارح أقدر أجي الجامعة وأختبر .. فرح أقدم مرة تانية ع السنة الجية.. عشان نعرف عددنا تقريبا .. أنا رح أحط موضوع للتصويت هنا.. لبنات ماستر كيميا وأتمنى من كل وحدة موجودة بالموضوع تصوت ع موقع التقديم حقها (في السليمانية ولا الفيصلية ) ولما نعرف العدد رح نقدر نسألهم عن العدد المسموح به للقبول بدون اختبار ... ويارب ننقبل من دون اختبار .

و الله متوترين و جالسين على أعصابنا

لا إن شاء الله مافيه و ننقبل

أختي إحنا سألناهمـ مرتين و كمان نبي أحد يسأل اليومـ عشان نتأكد

شوفي

بنات توني مسكرة من عند دكتورة إلهام سألتها عن إختبار المفاضلة قالت حق شنو قلت لها حق ماجستير الكيمياء قالت مافيه إختبار مفاضلة قلت لها يعني كلنا مقبولين ؟؟ قالت من فين جبتي المعلومة قلت لها أنا أسأل بس قالت هي ماحد عطاها خبر عن إختبار المفاضلة ؟؟ بصراحة فرحانة و نفس الوقت مو فرحانة ماأحس عطتني الخبر اليقين أفكر أدق على رئيس القسمـ يمكن عندهـ الخبر اليقين

و هذا تبع الأخت صمت الأنين أتصلت عليها يوم الإثنين

بناات كلمتها دكتوره الهاام تقول مافي اختببار مفاضله اذا كان العدد قليل يعني الك ان شاء الله يتم قبوله قلت يعني الي اعرفه اذا مافي اختبار يعني الكل مقبول قالت ان شاء الله يااااارب ننقبل

[Najla.H.]

السلام عليكم بنوتات .. انا مقدمة ماجستير كيمياء بالفيصلية
وطبعا اختبار المفاضلة يوم الاحد 19/5
وانا جاية من برى جدة ..
في احد يعرف فين الاختبار و في أي ساعة بالضبط

باليت تفيدوني وجزاكم الله خير

[بيو كيميائية ^_^]

المشاركة الأصلية كتبت بواسطة تـ ToOomAـومآ يسعد صباحكم بنات مافي اخبار عن الكيمياء الحيوي ؟؟ اتصلت على مكتب مشرفة القسم ومكتب رئيس القسم بس محد يرد الظاهر انهم باجازه مو عارفه كيف اوصلهم اللي تسمع اي خبر تفيدني الله يسسسعدكم ويجعلنا مقبولات بلا اختبار

و الله ماسمعت بس أنصحكـ ترسلي إلى إيميل سوسن خوجة

هذا الإيميل

sokhoja@yahoo.com

بالتوفيق و إن شاء الله تكوني مقبولة يارب بدون إختبار :)

المشاركة الأصلية كتبت بواسطة Najla.H. السلام عليكم بنوتات .. انا مقدمة ماجستير كيمياء بالفيصلية وطبعا اختبار المفاضلة يوم الاحد 19/5 وانا جاية من برى جدة .. في احد يعرف فين الاختبار و في أي ساعة بالضبط باليت تفيدوني وجزاكم الله خير

و عليكمـ السلامـ

http://sfgcd.kau.edu.sa/Pages-%D8%A7...%A7%D8%AA.aspx

هذا رابط الفيصلية و فيه إيميل تواصلي معاهمـ

و الله يوفقكـ و تنقبلي

[n3j3w3h1409]

بنااااااااااااااااااااااااااااااات

كلمت الدكتورة إلهام...وسألتها عن موعد الإختبار...قالت إلى الآن مافي إختبار مفاضله...قلت طيب يادكتورة ليش ماتنزلوا هذا الخبر على الموقع عشان بقية البنات يعرفوا !!...قالت لي بإذن الله بس أتأكد إنه مافي اختبار وراح ننزله على الموقع >>>هل هذا معناه انهم لازالوا مو متأكدين والا كيف!!!!


حسيت اني فرحانه ومتوترة في نفس الوقت...يااااارب يسهل لنا...
ومن التوتر نسيت اسألها متى راح ينزلوا الخبر على النت سواء كان في اختبار أو لا...لأنه ماباقي غير أربعة أيام وخاصة انه في بنات من برا جده..واللي تكلمها ثاني ياليت تتأكد لنا من هذي النقطة


احساسي يقول انه مافي اختبااار بس الدكتورة الهام ماتبغى تقول قبل ماتوثق الخبر وتنزله رسمي على الموقع...

[كيميا]

الله يكتب لنا اللي فيه خير
من جد الانتظار صعب

[هناء نواف]

بنات الفيصلية لهم أختبار وفقاً لحساب العمادة في التويتر

السلمانية ما فيه خبر للحين.

و الله يوفقنا أجمعين.

[صمت الانين]

ان صدقت الدكتورة الهام مافي اختبار..
انا سألت عميد الدراسات العليا عدنان الحميدان بتويتر وقال تواصلي مع القسم .. قلت له يقولو ماعندهم خبر
مارد علي :(
الي يظهر لي من المنتدى انو العدد قليل مايتجاوز 7 طالبات .

والله يسهلها

[فيروزه]

ياااااااارب ..يا أختي صمت الأنين...ننقبل كلنا بدون اختبار.. ونرتاح من هالتوتر

[pachi_20]

ان شاء الله مافي العام كل اللي قدمو بالسليمانيه انقبلو
ان شاء الله السنه دي كمان
الله يوفقكم كلكم