◊۩¯−ـ‗MeD10 (hand by hand for help u)any Q HERE ‗ـ−¯۩◊

[نابغة]

المشاركة الأصلية كتبت بواسطة miz rory فين بالزبط حيكون الـ orientation في أي غرفة ولا قاعة وكيف نعرف اماكن الكلاسات الباقية ؟

أهلا بك ..
بإذن الله راح يكون في المسرح الموجود بمبنى 2 ( إلا إذا غيروا المكان فراح يبلغوكم موظفات الأمن عند البوابة )وراح تدخلوا من بوابة الشرقية وهي جدا قريبة من بوابة شمالية تبع جامعة الطالبات ..
وأما الأماكن فهذه مفاجأتنا في الجولة التعريفية فلا تدعي متعة المشاهدة والمشاركة والمنافسة تفووتك

[نابغة]

المشاركة الأصلية كتبت بواسطة dr.=d اللي أعرفو أنو أول ماندخل من بوابة الطب واللي هيا الشرقيه بيدلونا على القاعه على طول :) أنا سمعت كذا ,,

7
7
صحيح راح يتم إرشادكم بأسهم من البوابة الشرقية إلى المسرح لا تخافوا ترا الكلية مو كبيرة زي الجامعة وأتمنى لكم التوفيق

[نابغة]

المشاركة الأصلية كتبت بواسطة clever 100% ماشاء الله من جد نابغـــــــــــة كتبه الله في موازين حسناتك

تسلمي ياكليفر وبإذن الله أراك على خير

[نابغة]

المشاركة الأصلية كتبت بواسطة dr. Toma يعطيك الف عااافية اختي نابغة ... عندي سؤال أتمنى يجاوبني أحد هل يمكن الأبتعاث وأنا لسا بدرس يعني ممكن في السنة االثانية او السنة الثالثة ادرس في الخارج هل عند عودتي تحسب ليا السنوات اللي درستها في الخارج .. والله ماعندي علم كافي بذلك .. ولا أريد أن أضع كلام مشكوك فيه فأتمنى أن يجاوبك من لديه الخبرة أو يكون متخرج من كلية الطب ... ولكم مني جزيل الشكر ...

بإذن الله أبحث لك عن الإجابة وإن وجدتها سأضعها دمتي بخير ^^

[عبدالعزيز..!]

اولا شكرا عالافادة ... عندي كم استفسار وياليت القى الجوااب ...

1) لاحظت في الجدول الجديد رمز g1 ..g2 .... اش يعني :) ؟؟

2) بالنسبة للسكرب ... متى يقولو لنا اللون المناسب وهل لكل دفعة لون معين ؟؟ .. ومتى نلبسه إجباري هل مع بداية السنة ؟؟

3) كم عدد الساعات بالنسبة للترم الاول :) ؟؟ ....

4) كم كتااب لازم ناخذ او نادرس من الشيتات ؟؟ .... وشكرا

[نابغة]

المشاركة الأصلية كتبت بواسطة عبدالعزيز..! اولا شكرا عالافادة ... عندي كم استفسار وياليت القى الجوااب ... أهلا وسهلا .. 1) لاحظت في الجدول الجديد رمز g1 ..g2 .... اش يعني :) ؟؟ معناها group (مجموعة ) واختصارها ( g ) والأرقام تدل على أنكم في وقت البراكتكال العملي راح تتقسموا لقروبات عشان تقدروا تشوفوا وتشتغلوا في معامل البايوكمستري (الكيمياء الحيويةالسريرية) والهستولوجي (علم الخلايا والأنسجة ) والبارا (علم الطفيليات ) والفسيولوجي (علم وظائف الأعضاء ) وكمان المشرحة للأناتومي (علم التشريح ) فلذلك مثلا إن كانت الدفعة عددها 100 راح تتقسموا لأربع قرووبات g1& g2& g3 &g4 وكل قروب يضم 25 طالب/ة هذا مثال على سبيل الافتراض فقط .. 2) بالنسبة للسكرب ... متى يقولو لنا اللون المناسب وهل لكل دفعة لون معين ؟؟ .. ومتى نلبسه إجباري هل مع بداية السنة ؟؟ اللون المناسب أتوقع أنه يبلغوكم بيه في اليوم الإرشادي لأنه نزل القرار وتعمم على جميع طلبة وطالبات الطب العام لأنه احنا لمن دخلنا ماطالبونا بيه إلا عالترم الثاني لأنه كان لسى قرار جديد نازل زي التحضيرية نحن أول من اتطبق علينا القرار .. أما أنتوا فيختلف الوضع لأن القرار معمم وراح يعطوكم مدة كافية لربما أسبوعين أو أكثرلتوفيره .. واللون موحد للطالبات من سنة ثانية إلى سادسة الأزرق الملكي .. والطلاب من سنة ثانية إلى سنة سادسة اللون الترابي وهذا مذكور بالصور آنفا .. 3) كم عدد الساعات بالنسبة للترم الاول :) ؟؟ .... راح تلاقيه موضح بالتفصيل في الكتيب الإرشادي وبإذن الله راح يوزع مطبوع لكم في اليوم الإرشادي ودا الموضوع فيه الكتيب للتحميل http://www.skaau.com/vb/showthread.php?t=225734 4) كم كتااب لازم ناخذ او نادرس من الشيتات ؟؟ .... وشكرا

ما أقدر أحدد كل سنة تختلف الخطة الدراسية على حسب رؤساء المواد والأقسام وتأكد أنه كل دكتور أو دكتورة راح يوضحوا لكم من فين مرجعكم سواء تكتفوا بالشيتات أو تتزودوا من الكتب فلذلك لا أعلم لأني لست مؤهلة للإجابة على هذا السؤال ..
أتمنى أن أكون أجبت ماوددت معرفته بالتوفيق للجميع ..

[عبدالعزيز..!]

الف شكر اختي " نابغة " عالإفادة ... يعطيك الف عافية .. والله يوفقك ويسهل امورك :)

[No0oNeEe]

السلآم عليكم نآآبغة و جمعة مبآآركةَ
يعطيك العافية على المجهود الرائع والله يكتبة في موازين حسناتك :)
عندي كم سؤال

1- كيف حيكون الدوام اول يوم و متى لمتي و هل عادي نلبس بناطيل و بلايز من غير لاب كوت ؟
2- هل حندخل ببطايق التحضيري ولا لازم اغيرها قبل ؟
3- كيف النظام الجديد و هل اقدر اجيب معدل عالي في الطب ولا لا ؟
4- هل الدراسة سهلة ولا صعبة لو كنت اذاكر اول باول و اسال الدكتورات ؟
( اجيب دراجات كويسة لو سويت كذا )

و شكرآآآ و اسفة تعبتك معآآيآآ :)

[نابغة]

المشاركة الأصلية كتبت بواسطة no0oneee السلآم عليكم نآآبغة و جمعة مبآآركةَ علينا وعليك ^^ يعطيك العافية على المجهود الرائع والله يكتبة في موازين حسناتك :) آآآآآمين :) عندي كم سؤال 1- كيف حيكون الدوام اول يوم و متى لمتي و هل عادي نلبس بناطيل و بلايز من غير لاب كوت ؟ الدوام أول يوم حيكون ارشادي (اورينتيشن ) ومن غير محاضرات ولا أعلم من متى لمتى ؟؟! وبالنسبة لينا احنا لبسنا بناطيل ومن فوقه اللاب كوت تحسبا أما بدونه فما أفتي بها ودا من اختصاص الإدارة واللي راح تسمعوه من تعليمات منهم في اليوم الإرشادي .. 2- هل حندخل ببطايق التحضيري ولا لازم اغيرها قبل ؟ احنا دخلنا ببطايق التحضيري عادي وراح يعطوكم فترة مايقارب اسبوعين لتغييرها .. 3- كيف النظام الجديد و هل اقدر اجيب معدل عالي في الطب ولا لا ؟ تقدري وزي ماذكرت آنفا النظام الجديد سهل الكثير وخلط بين السنوات الأساسية والاكلينيكة .. 4- هل الدراسة سهلة ولا صعبة لو كنت اذاكر اول باول و اسال الدكتورات ؟ ( اجيب دراجات كويسة لو سويت كذا ) أكيد ان شاء الله سهلة مافي شيء صعب إذا أنتي بتعملي اللي عليك وأتأكدي أنه ربنا راح يعطيك:) و شكرآآآ و اسفة تعبتك معآآيآآ :)

لاتعب ولا شيء والله في عون العبد مادام العبد في عون أخيه وبالتوفيق ..

[Albert Einstein]

o.0
الله يستر