الموضوع المفتوح الخاص بالترم الصيفي 1432هـ ـ 2011م

[شمس 999]

المشاركة الأصلية كتبت بواسطة بقايا المستحيل اخر ماوصلني لايوجد ترم صيفي رغم تورطنا في 23 ساعه ووعود الدكاتره في قسم الاعلام

وانا زيك اخذت 23 ساعة هالترم وصار مافي صيفي
بصراحة قمة الاحباط 
الله يعين ويوفق الجميع

[العنقري1400]

طيب انا ابي اخذ الترم الصيفي وش رايكم لو اخذه في المواد الحره .؟
يعني اخذ ست ساعات واضيف عليه ماده ثلاث ساعات .؟ بحيث يكون الكل تسع ساعات

[مشاري الجش]

السلام عليكم ورحمه الله وبركاته


اسعد الله اوقاتكم بالخير والمسرات للاسف لا يوجد اختبار لمادة علم النفس الاجتماعي 351 لهذا الترم دخلت على نظام الاوديس حصلت المادة عليها لون احمرررررر يعني اغسل يدك ما فيه الحين وش نحط بدالها مع العلم مبادي التسويق نفس الحكاية وش الدبره ياشباب المستقبل .

[صيادالنمور]

يارجل..........................لاعلم نفس ولاتسويق والمشكله ان الاسلوب وتحليل النصوص وماده السياسه قدني اخذتها ونجحت فيها والله شي يقهر.....بطلنا من الصيفي....صيفكم احلى في الرس

[مشاري الجش]

المشاركة الأصلية كتبت بواسطة صيادالنمور يارجل..........................لاعلم نفس ولاتسويق والمشكله ان الاسلوب وتحليل النصوص وماده السياسه قدني اخذتها ونجحت فيها والله شي يقهر.....بطلنا من الصيفي....صيفكم احلى في الرس

ههههههههههه لا والله صيفكم احلى بالمجمعة

[العنقري1400]

اقول يعني نكمل الصيف بالرياض هههههههههههههههههه
شرحكم سرا ..

[أ.ع]

إخواني شعب المواد الصيفية إلى الآن لم تتضح بشكل نهائي

وبعدين الاختبارات في 18/9 يعني باقي أكثر من شهر

وكما تعلمون الشعب تتأخر في نزول المادة في فصل الصيف
مثل تأخر شعب الإعلام في الفصول الدراسية

[تركي الثابتي]

كل الظروف ضدنا هالترم الله ييسرها بس
بدايه الصدمة بـ بإن الاعلام لايوجد به ترم صيفي :(
قلنا الحمدلله فيه حل ثاني المواد الاجبارية او المواد الحره او العامة

للاسف واتكلم عن نفسي الصدمة الجديدة انني انجزت جميع الموادوقد يكون بعص الطلاب تعدو هالمواد وبقى لهم
* الاسلوب وتحليل النصوص
*مبادى التسويق
* علم النفس الاجتماعي

بداية الترم الصيفي وضح عدم وجود مبادى التسويق والان الصدمة عدم وجود علم النفس الاجتماعي
ايعقل ان ندقع 3000 ريال عشان مادة :(

على كل حال ارسلت ايميل لـ الدكتور خالد ****** والدكتور محمد الزيود
لـ مادتين علم النفس الاجتماعي و مبادى التسويق
وراح ارد لكم لو كان فيه اي خبر عن هالمادتين

كونوا بخير بإذن الله

اخوكم / تركي

[تركي الثابتي]

المشاركة الأصلية كتبت بواسطة ترووووكـ على كل حال ارسلت ايميل لـ الدكتور خالد ****** والدكتور محمد الزيود لـ مادتين علم النفس الاجتماعي و مبادى التسويق وراح ارد لكم لو كان فيه اي خبر عن هالمادتين

صباح الخير كما وعدتكم :)

هذا رد الدكتور خالد قيلوبي على استفسار هل موجودة مادة علم النفس الاجتماعي
بالترم الصيفي وهل الملخص الموجود بموقعه معتمد كان هذا جوابه

شكرا لتواصلك اخي الكريم
نعم المادة متاحة في الفصل الصيفي ولا يوجد اي ملخصات معتمده للمادة سوى الكتاب المقرر
امنياتي لك بالتوفيق

Dr.Khalid Qalyoubi

شكراً للدكتور على تعاونه وسرعة تجاوبه
واتمنى لي ولكم التوفيق

[فيصل]

يا شبااب ..
بالنسبة للمواد الحرة , وش هي أسهل مادة أقدر أخذها في الصيف ثلاث ساعات ..؟
بس اهم شي تكون من قسم الأداب ودكتورها متساهل جداً , يعني الفل مارك إذن الله ..