مهم لجميع الطالبات وبالذات اللي يروحو مع باصات الخالد

[القمر الحلوه]

لانو انا اشتركت في المطرف دي السنه بس لسه مااكدت الاشتراك ولمن قالو كدا عنهم خوووفت زياده صراحه لاني من ابحر الجنوبية وهما الوحيدين اللي يجو لابحر ورسومهم ب 840

الحربيهـ
ترا الخالد باص وباص على حسب الاحياء
انا لمن كنت ساكنه في السلامه مرا كويس السواق اللي كان يجيني حالو حال نفسو ولا وسخ ولاشي
وصراحه انا بشوف المطرف السواقين عيونهم طووويله وبطالين غصبن عني حشترك
الله يعين بس ..^

[شموووخ العز]

سواقي باكستانــــي بس صرااحه قمة قمة الاخــلاااق....

[شموووخ العز]

مااضن يوصل ابحر ...

[القمر الحلوه]

اوكي حياتي شكرن
موفقه ..^

[hanofa]

الله لايبلانا

[AM00NA]

لا لا المطرف مو للدرجه ذي سيىء..
اختي كانت تروح وتجي معاهم ماعمرها اشتكت منهم
وانا اشتركت معاهم والاسبوع اللي فات ماشفت شي ومحترررمين
ولا احد دق على موبايلي ولا شي ....!
المهم انو لازم البنت تكووون جاااده معاهم عشان يكونوا جادين معاها ..!!!

[الحــــربيهـ]

أنا ساكنه بحي العزيزيه بكم يوصلووون بــ 400 ولى أكثـــــر ..؟؟

[إكليل الـــورد]

أنا أشتركت مع باصات الشيخ
باين عليهم تماااام
والعام اللي راح كنت مع المطرف ( اعوذ بالله )

[jEmo0]

المشاركة الأصلية كتبت بواسطة soso rowdy من جد احسن باصات باص المطرف خدمتهم مرره كويسة وادا اشتكيت عن اي شي مايطنشوا بالعكس يهتمو والسواقين محترمين مررره

المميز فيهم انهم يستمعو للشكوى ويغيروها .. بس السسخيف فيهم .. انك لمن تشتكي يقوللك سسرية ومدري ايش .. وبعدين يروحو يقولو للمسؤول عن باصتكم انو فلانة بأسمها أشتكت ..

وعاد هو يرجع ويكلمك ويقولك ليه تشتكي ومدري ايش .. طبعن فالحين في الشي دا الا اذا وريتهم انو وراكي رجال وخليتي تعاملهم الأولي مع رجال يمشو معاكي صصح !!

= وجهة نظر = ..

والي بتمشي محترمة معاهم وبين فترة وفترة تحسسهم بأخوانها وأهلها ولو بالتلفون والله يمشو معاهم صصح ..

[jEmo0]

المشاركة الأصلية كتبت بواسطة am00na لا لا المطرف مو للدرجه ذي سيىء.. اختي كانت تروح وتجي معاهم ماعمرها اشتكت منهم وانا اشتركت معاهم والاسبوع اللي فات ماشفت شي ومحترررمين ولا احد دق على موبايلي ولا شي ....! المهم انو لازم البنت تكووون جاااده معاهم عشان يكونوا جادين معاها ..!!!

سواقينهم يختلفو من واحد للتاني ..

فيهم العدل وفيهم القليل الأدب ..

بس الي يقهر انو العدلين يمشو سسريع لانو الشركة شكلها ماتديهم رواتبهم ..

ممم والي يقهر انوو كل اسبوع سواق جديد نطفشش واحنا نوصف الطريق ..

لدرجة اننا نوصف الجامعه كمان ههههههههههههههههههههههههههههههههههه